ပါဝင်ပစ္စည်းများ

ဂျုံမှုန့် (၁) ခွက်၊ ဆီ (၁) ဇွန်း၊ ဆားအနည်းငယ်၊ ဂေါ်ဖီထုပ် (၁) ခြမ်း၊ ကြက်သွန်နီ (၁/၂) ခွက်၊ အာလူး (၂) လုံး၊ နံနံပင် နုတ်နုတ်စင်းပြီးသား (၂) ဇွန်း၊ စမုံစပါး (၁/၂) ဇွန်း၊ မဆလာမှုန့် (၁/၂) ဇွန်း၊ ငရုတ်သီးမှုန့် (၁/၂) ဇွန်း၊ ဆားနည်းနည်း၊ ဇီရာစေ့ (၁/၂) ဇွန်း၊ ဆီ (၂) ဇွန်းတို့ကို လိုအပ်ပါတယ်။

ပြုလုပ်နည်း

အရင်ဆုံး ဂျုံမှုန့်ရယ်၊ ဆားရယ်၊ စမုံစပါးရယ်၊ ရေရယ်ကို ရောပြီး မုန့်နှစ်လေးဖြစ်အောင် လုံးလိုက်ပါ။ မုန့်နှစ်လေးရပြီဆိုရင် အပေါ်မှာ ဆီလေးနည်းနည်းစွတ်ပြီး ဘေးခနဖယ်ထားလိုက်ပါ။

(၂) မိနစ်ခန့်ကြာရင် အရသာအပေါ့၊ အလေးပေါ်မူတည်ပြီး ဆားနည်းနည်း၊ နံနံပင်နဲ့ တခြားဟင်းခတ် အမွှေးအကြိုင်တွေကို ထည့်ပေးလိုက်ပါ။ ဒယ်အိုးကို အဖုံးမပိတ်ဘဲ ရေခမ်းသွားသည်အထိ ဆက်ချက်ပေးလိုက်ပါ။ ရေခမ်းပြီဆိုရင်တော့ ပန်းကန်တစ်လုံးထဲ လှယ်ထည့်ပြီး အအေးခံပေးလိုက်ပါ။

မုန့်နှစ်လုံးလေးတွေကိုတော့ အလုံးသေးသေးလေးတွေဖြစ်အောင် အညီအမျှ ခွဲထုတ်လိုက်ပါ။ အလုံးသေး တစ်လုံးကို သစ်သားဘုတ်ပြားပေါ် တင်လိုက်ပြီး ဒလိမ့်တုံးနဲ့ လှိမ့်ပေးလိုက်ပါ။ စက်ဝိုင်းပုံ မုန့်ပြားလေးဖြစ်သွားပြီဆိုရင်တော့ အအေးခံထားတဲ့ အာလူးဂေါ်ဖီဟင်း နည်းနည်းကို မုန့်နှစ်ပြားပေါ်မှာ ဖြန့်ပေးလိုက်ပါ။ ပြီးရင်တော့ အပေါ်ကနေ ဂျုံမှုန့်နည်းနည်း ဖြူးပေးလိုက်ပြီး ဒလိမ့်တုံးနဲ့ ပြန်လှိမ့်ပေးလိုက်ပါ။ ပလာတာမုန့်နှစ်ရဲ့ အပြင်ဘက်ကို ဟင်းတွေထွက်မသွားအောင် မုန့်အနားသားမှာ ရေလေးနည်းနည်း လိုက်စွတ်ပေးထားနိုင်ပါတယ်။

မီးဖိုပေါ်မှာတော့ ဒယ်အိုးပြားတစ်လုံးကို အပူပေးလိုက်ပြီး ဟင်းချက်ဆီနည်းနည်းကို အစက်ချပေးလိုက်ပါ။ ဆီပူရင် ပလာတာမုန့်နှစ်ကို ဒယ်အိုးပြားပေါ်မှာ သံယောက်မလေးနဲ့ တင်ပေးလိုက်ပြီး ကြော်ပေးလိုက်ပါ။ နှစ်ဖက်လုံး အကျက်ညီအောင် ထက်အောက်လှန်ပေးလိုက်ပါဦး။ ကျန်တဲ့မုန့်နှစ်လေးတွေကိုလည်း ပုံပါအတိုင်း ကြော်ပေးလိုက်ပါဦး။

Source: Food.Ndtv