ပြုလုပ်ရ အလွန်လွယ်ကူပြီး စားလို့ကောင်းတဲ့အတွက် ကိုယ်တိုင်လုပ်စားကြည့်သင့်ပါတယ်နော်။
Thiha Htun

ဗယ်လင်တိုင်းဒေး (ချစ်သူများနေ့) မှာ ချစ်သူကို ကျွေးချင်လို့ပဲဖြစ်ဖြစ်၊ ချောကလက်ပေးမဲ့သူ မရှိလို့ ကိုယ်တိုင်လုပ်စားချင်ရင် ပဲဖြစ်ဖြစ် အဆင်ပြေနိုင်မဲ့ ကျောက်ကျောပူတင်းလေးတစ်မျိုးကို ဖော်ပြပေးလိုက်ပါတယ်နော်။ ပြုလုပ်ရ အလွန်လွယ်ကူပြီး စားလို့ကောင်းတဲ့အတွက် ကိုယ်တိုင်လုပ်စားကြည့်သင့်ပါတယ်နော်။

ပါဝင်ပစ္စည်းများ

panna-cotta24.jpg 

နွားနို့ (၁) ခွက်၊ ခရင်မ် (၃/၄) ခွက်၊ ကျောက်ကျောမှုန့် (၂) ဇွန်း၊ သကြားမှုန့် (၁/၂) ခွက်၊ ဗနီလာအရည် (၁) ဇွန်း၊ ဆားအနည်းငယ်၊ ရေနွေး (၂) ဇွန်း၊ စတော်ဘယ်ရီသီး အလုံး (၂၀) တို့ကို လိုအပ်ပါတယ်။

ပြုလုပ်နည်း

 

အရင်ဆုံး နွားနို့ (၁) ခွက်နဲ့ ခရင်မ် (၃/၄) ခွက်ကိုရောပြီး ကြက်ဥခလောက်တံနဲ့ မွှေပေးလိုက်ပါ။ ပြီးရင်တော့ နွားနို့နွေးလာသည်အထိ အပူပေးလိုက်ပါ။ (ပွက်ပွက်ဆူအောင်တော့ မကျိုပါနဲ့။) ကျောက်ကျောမှုန့် လက်ဖက်ရည်ဇွန်းနဲ့ (၁) ဇွန်းကို နွားနို့ထဲထည့်ပြီး ကြက်ဥခလောက်တံနဲ့ မွှေပေးလိုက်ပါဦး။ ပြီးရင်တော့ (၃) မိနစ်ခန့် ဆက်ပြီး အပူပေးလိုက်ပါ။

 Coconut-panna-cotta-with-berry-hearts-recipe.jpg

သကြားမှုန့် (၁/၂) ခွက်ကိုလည်း ကျောက်ကျောရည်ထဲကို ထည့်ပြီး ရောမွှေပေးလိုက်ပါဦး။ ခနကြာရင်တော့ ဗနီလာအရည် လက်ဖက်ရည်ဇွန်း (၁) ဇွန်းရယ်၊ ဆားအနည်းငယ်ရယ်ကိုလည်း ကျောက်ကျောရည်ထဲမှာ ရောမွှေပေးလိုက်ပါဦး။ ပြီးရင်တော့ မီးပိတ်ပြီး (၁၀) မိနစ်ခန့် အအေးခံပေးလိုက်ပါ။

ပြီးရင် ဖန်ခွက်တစ်လုံး (ပုံမှန်အဝကျယ် ရေခွက်) ကို ပန်းကန်လုံးအသေး တစ်လုံးထဲကို စောင်းပြီးထည့်ထားပေးလိုက်ပါ။ ခွက်ကိုစောင်းထားတဲ့အတွက် ဖန်ခွက်နှုတ်ခမ်းနားထိ အရည်ဖြည့်ပြီးရင် ရပ်တန့်နိုင်ပါတယ်။ ပုံစံတူ နောက်တစ်ခွက်ထဲကို ကျောက်ကျောရည်တွေကို ပြောင်းထည့်နိုင်ပါတယ်။ ကျောက်ကျောရည်ခွက်လေးကို ရေခဲသေတ္တာထဲမှာ (၂) နာရီခန့် အအေးခံပေးလိုက်ပါ။

 strawberry-panna-cotta-recipe-strawberry-panna-cotta-without-gelatin-1-769x1024.jpeg

ရေနွေး လက်ဖက်ရည်ဇွန်း (၂) ဇွန်းကို ပန်းကန်လုံးတစ်လုံးထဲ ထည့်လိုက်ပါ။ ပြီးမှ ကျောက်ကျောမှုန့် (၁) ဇွန်းထည့်ပြီး သမအောင်ရောမွှေ ပေးလိုက်ပါ။ စတော်ဘယ်ရီသီး အလုံး (၂၀) ခန့်ကို Blender (သစ်သီးမွှေစက်) ထဲထည့်ပြီး ရလာတဲ့ စတော်ဘယ်ရီသီးအနှစ်ကို ကျောက်ကျောရည်ထည့်ထားတဲ့ ပန်းကန်လုံးထဲမှာ ရောထည့်ပေးလိုက်ပါ။ ပြီးရင် သမအောင် မွှေပေးလိုက်ပါ။

ခုနက ရေခဲသေတ္တာထဲမှာ အအေးခံထားတဲ့ ကျောက်ကျောပူတင်းခွက်လေးကို ယူထုတ်လိုက်ပြီး စောင်းထားလို့ လွတ်နေတဲ့ဘက်မှာ စတော်ဘယ်ရီ ကျောက်ကျောအနှစ်လေးကို လောင်းထည့်ပေးလိုက်ပါ။ ဖန်ခွက်နှုတ်ခမ်းကို ထိတဲ့အထိ ပြည့်သွားပြီဆိုရင်တော့ ပိုနေသေးတဲ့ စတော်ဘယ်ရီအရည်တွေကို နောက်တစ်ခွက်စာအတွက် ဖယ်ထားလိုက်ပါ။ သူ့ကိုလည်း ရေခဲသေတ္တာထဲမှာ (၂) နာရီခန့် အအေးခံပေးလိုက်ပါ။ ပြီးရင်တော့ ဗယ်လင်တိုင်းဒေး စပယ်ရှယ် စတော်ဘယ်ရီ ကျောက်ကျောပူတင်းလေးကို သုံးဆောင်နိုင်ပါပြီ။

Source: Hebbars Kitchen


က္က