Thiha Htun

ကိုရီးယား အစားအစာ ပူပူစပ်စပ်ကိုမှ ခံတွင်းတွေ့ပါတယ် ဆိုသူတွေအတွက် ဒီနေ့မှာတော့ ရေဘဝဲဟင်း ပူပူစပ်စပ် ချက်နည်းလေးကို ဖော်ပြပေးလိုက်ပါတယ်နော်။ ပြုလုပ်ရလွယ်ကူသလို ပြုလုပ်ချိန်ကလည်း နာရီဝက် မကျော်ပါဘူး။ ထမင်းပူပူလေးနဲ့ တွဲဖက်စားသုံးနိုင်သလို ဘီယာအေးအေးလေးနဲ့ တွဲဖက်ပြီး မြည်းမယ်ဆိုရင်လည်း လိုက်ဖက်တင့်တယ်ပါတယ်နော်။

ပါဝင်ပစ္စည်းများ

cut-octopus-590x385.jpg 

ရေဘဝဲလက်ချောင်း (၄) အောင်စ၊ ဟင်းသီးဟင်းရွက်ဆီ (၁) ဇွန်း၊ ကြက်သွန်ဖြူ (၁) တက်၊ ရေ (၁/၄) ခွက်၊ ပဲငံပြာရည် (၁) ဇွန်း၊ ငရုပ်သီးမှုန့် (၁) ဇွန်း၊ ပြောင်းဖူးသကာရည် (၁) ဇွန်း တို့ကို လိုအပ်ပါတယ်။

ပြုလုပ်နည်း

muneo-jorim-braised-octopus-xxxxxxxxxxxxxxxxxxxxxxxxxxxxxx-slice-590x389.jpg 

ဒယ်အိုးတစ်လုံးထဲကို ဟင်းချက်ဆီထည့်ပြီး Medium Heat အပူချိန်နဲ့ အပူပေးလိုက်ပါ။ ကြက်သွန်ဖြူ (၁) တက်ကို ဓားပြားရိုက်ပြီး စက္ကန့် (၃၀) ခန့် ဆီသတ်ပေးလိုက်ပါ။ ကြက်သွန်ဖြူ ဆီသတ်ပြီးရင် ရေ (၁/၄) ခွက်၊  ပဲငံပြာရည် (၁) ဇွန်း၊ ငရုပ်သီးမှုန့် (၁) ဇွန်းတို့ကို ရောထည့်ပြီး မွှေပေးလိုက်ပါ။

muneo-jorim-braised-octopus-xxxxxxxxxxxxxxxxxxxxxxxxxxxxxx-plate-590x389.jpg 

ပြောင်းဖူးသကာရည်ကိုလည်း ရောထ့ည့်ပေးပြီး မိနစ်အနည်းငယ်ကြာအောင် မွှေပေးလိုက်ပါ။ ဟင်းအနှစ် နည်းနည်းပျစ်လာပြီဆိုရင် မွှေတာကို ရပ်တန့်ပေးနိုင်ပါပြီ။ ရေဘဝဲလက်ချောင်းတွေကို သေချာစွာ ဆေးကြောသန့်စင်ပြီး တစ်ကိုက်စာအတုံးလေးတွေဖြစ်အောင် တုံးတစ်ထားလိုက်ပါ။

lunchbox-insta-590x590.jpg 

ရေဘဝဲတုံးလေးတွေကို ဟင်းအနှစ်ထဲမှာ ရောထည့်ပြီး အပူပျော့ပျော့မှာ (၇) မိနစ်၊ (၈) မိနစ်ခန့် မွှေချက်ချက်ပေးလိုက်ပါ။ ဟင်းအနှစ်ခမ်းသွားသည်အထိ သစ်သားယောက်မနဲ့ မွှေပေးနေလိုက်ပါ။ ဒါဆိုရင်တော့ ရေဘဝဲဟင်း ပူပူစပ်စပ်လေး အသင့်ဖြစ်ပါပြီ။ ပန်းကန်ပြားတစ်ချပ်ထဲကို လှယ်ထည့်ပြီး စိတ်တိုင်းကျသုံးဆောင်နိုင်ပါပြီနော်။

ှSource: Maangchi


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က