နွေရဲ့နေပူဒဏ်ကို အံတုဖို့အတွက် ထိုင်းလက်ဖက်ရည်အေးလေးတွေထက် ပိုကောင်းတာ ဘာရှိပါဦးမလဲ။
Thiha Htun

နွေရာသီရောက်တော့မယ်ဆိုတော့ အပူဒဏ်ကို တွန်းလှန်နိုင်ဖို့ ဖျော်ရည်စပ်နည်းလေးတွေကို လိုအပ်နေပါပြီ။ နွေရဲ့နေပူဒဏ်ကို အံတုဖို့အတွက် ထိုင်းလက်ဖက်ရည်အေးလေးတွေထက် ပိုကောင်းတာ ဘာရှိပါဦးမလဲ။

Thai-Iced-Tea-2.jpg 

အခုဆိုရင် ရန်ကုန်မှာလည်း ထိုင်းစတိုင်လ် လက်ဖက်ရည်အေး ရောင်းချတဲ့ဆိုင်လေးတွေလည်း အများကြီးရှိနေပါပြီ။ လက်ဖက်ရည်သောက်ခြင်းဖြင့် အစာခြေစနစ်ကို ကောင်းမွန်စေတဲ့အပြင် ကဖင်းဓာတ်ရဲ့ ကျန်းမာရေးအကျိုးကျေးဇူးတွေကိုလည်း ရရှိစေနိုင်ဦးမှာပါ။ ထိုင်းလက်ဖက်ရည်အေးကို ကိုယ်တိုင်ဖျော်တတ်ချင်ရင်တော့...

ပါဝင်ပစ္စည်းများ

Thai-Iced-Tea-Step-by-Step-3-768x512.jpg 

ထိုင်းလက်ဖက်ရည်အေး ဖျော်ဖို့အတွက် ရေ (၃) ခွက်၊ ဖာလာစေ့ (၂) စေ့၊ သစ်ကြံပိုးခေါက် (၁) လက်မ၊ လက်ဖက်ခြောက် (၄) ဇွန်း၊ သကြား (၁/၄) ခွက်၊ နို့ဆီ (၁/၄) ခွက်တို့ကို လိုအပ်ပါတယ်။

ပြုလုပ်နည်း

Thai-Iced-Tea-Step-by-Step-2-768x512.jpg 

အရင်ဆုံး အိုးတစ်လုံးထဲမှာ ရေနွေးထည့်ပြီး ဖာလာစေ့နဲ့ သစ်ကြံပိုးခေါက်တို့ကိုပါ ထည့်ပြုတ်လိုက်ပါ။ ရေနွေးပွက်ပြီဆိုရင် မီးပိတ်လိုက်ပါ။ ပြီးရင် လက်ဖက်ခြောက်နဲ့ သကြားတို့ကိုထည့်ပြီး (၂) မိနစ်၊ (၃) မိနစ်ခန့် နှပ်ထားပေးလိုက်ပါ။ ပြီးရင်တော့ လက်ဖက်ရည်ကို အအေးခံပြီး စစ်ပေးလိုက်ပါ။

Thai-Iced-Tea-Step-by-Step-5-768x512.jpg 

ဖန်ခွက်တစ်လုံးထဲမှာ ရေခဲ (၄) (၅) တုံးကိုထည့်ပြီး ကြိုတင်ပြင်ဆင်ထားလိုက်ပါ။ ပြီးရင် အအေးခံထားတဲ့ လက်ဖက်ရည်ကို ဖန်ခွက်ထဲကို လောင်းထည့်ပေးလိုက်ပါ။ ဖန်ခွက် (၄) ပုံ (၃) ပုံ ပမာဏ ပြည့်သွားသည်အထိ လက်ဖက်ရည်ကို လောင်းထည့်လိုက်ပါ။

ပြီးရင် လက်ဖက်ရည်ခွက်ထဲကို နို့ဆီနည်းနည်းထည့်ပြီး ကောင်းကောင်းမွှေပေးလိုက်ပါ။ ပြီးရင်တော့ ထိုင်းလက်ဖက်ရည်အေးလေးကို အမောပြေ သုံးဆောင်နိုင်ပါပြီ။

Source: Whiskaffair


က္က