ဗီယက်နမ် ဖိုခေါက်ဆွဲက စားစရာတွေထဲမှာ နာမည်ကြီးသလို ဗီယက်နမ် ကြက်ဥကော်ဖီကလည်း သောက်စရာတွေထဲမှာ နာမည်ကြီးပါပဲ။
Thiha Htun

ဗီယက်နမ်နိုင်ငံဟာ လျှိုမြောင်တောင်တန်းတွေနဲ့ လှပတဲ့ နိုင်ငံတစ်နိုင်ငံ ဖြစ်သလို ဗီယက်နမ် အစားအစာတွေကလည်း နာမည်ကျော်ကြားပါတယ်။ ဗီယက်နမ် ဖိုခေါက်ဆွဲက စားစရာတွေထဲမှာ နာမည်ကြီးသလို ဗီယက်နမ် ကြက်ဥကော်ဖီကလည်း သောက်စရာတွေထဲမှာ နာမည်ကြီးပါပဲ။ အားလည်းရှိစေပြီး သောက်လို့လည်းကောင်းတဲ့ ကြက်ဥကော်ဖီကို ကိုယ်တိုင်လုပ်သောက်ချင်သူတွေအတွက် ပြုလုပ်နည်းလေးကို ဖော်ပြပေးလိုက်ပါတယ်နော်။

ပါဝင်ပစ္စည်းများ

Screen-Shot-2017-06-26-at-11.50.20-AM-Social.jpg 

ကော်ဖီမှုန့် (၃) ဇွန်း (Illy တံဆိပ် ကော်ဖီမှုန့် သုံးရင်ပိုကောင်း) ၊ နို့ဆီ (၂) ဇွန်း၊ ကြက်ဥအနှစ် (၂) လုံး တို့ကိုလိုအပ်ပါတယ်။

ပြုလုပ်နည်း

 

ဗီယက်နမ် ကော်ဖီပြုလုပ်ဖို့အတွက် အရင်ဆုံး ဗီယက်နမ်လို Phin လို့ခေါ်တဲ့ coffee maker ခွက်လေးတစ်လုံးကို လိုအပ်ပါတယ်။ တကယ်လို့ ဗီယက်နမ် coffee maker မရှိရင်လည်း Market Place မှာ ဝယ်လို့ရတဲ့ ရိုးရိုး coffee maker ကိုပဲ သုံးလို့ရပါတယ်။ Coffee maker ရဲ့ အပေါ်က filter ခွက်လေးကို အသာလေးလှပ်လိုက်ပြီး ကော်ဖီမှုန့်တွေကို သိပ်ထည့်ပေးလိုက်ပါ။ ပြီးရင် filter ခွက်လေးကို ပြန်တပ်လိုက်ပြီး အပေါ်ကနေ ရေနွေးနည်းနည်း လောင်းပေးလိုက်ပါ။ ရေနွေးပမာဏက filter ထဲကို ရေစိမ့်ဝင်သွားပြီး ကော်ဖီမှုန့်လေးတွေ နည်းနည်းစိုထိုင်း သွားရုံလောက်ပါပဲ။ ပြီးရင် အဖုံးပြန်အုပ်ပြီး (၂) မိနစ်ခန့် နှပ်ထားပေးလိုက်ပါ။

(၂) မိနစ်ပြည့်ရင် ရေနွေးကို ခွက်ရဲ့ (၂) ပုံ (၃) ပုံခန့်အထိ ပြည့်အောင် ဖြည့်ပေးလိုက်ပါ။ ပြီးရင် အဖုံးပြန်ပိတ်ပြီး ကော်ဖီရည်လေးတွေ filter မှတဆင့် ခွက်ထဲကို ဖြည်းဖြည်းချင်း ဆင်းသွားစေလိုက်ပါ။

Screen-Shot-2017-06-26-at-11.50.47-AM-Social-1135x500.jpg 

ကော်ဖီရည်ကို နှပ်ထားချိန်မှာ ခွက် (၂) ခွက်ယူပြီး ကြက်ဥ (၂) လုံးကို အနှစ်နဲ့အကာ ခွဲပေးလိုက်ပါ။ ပြီးရင် ကြက်ဥအနှစ် (၂) လုံးကို ခွက်တစ်လုံးထဲမှာ နို့ဆီ (၂) ဇွန်းနဲ့ရောပြီး ကြက်ဥခေါက်တံနဲ့ မွှေပေးလိုက်ပါ။ (၅) မိနစ်ခန့်မွှေပေးပြီး ကြက်ဥအနှစ်အရောင် (အဝါရောင်) မှ နို့နှစ်ရောင်သို့ ပြောင်းသွားသည်အထိ ခလောက်ပေးလိုက်ပါ။

Coffee Maker မှတဆင့် ခွက်ထဲမှာ ကော်ဖီပေါင်းခံရည်လေးတွေ ခွက်ရဲ့ (၃) ပုံ (၁) ပုံခန့် စုဆောင်းမိသွားပြီဆိုရင် ကော်ဖီခွက်ထဲကို ကြက်ဥအမြှုပ်လေး လောင်းထည့်ပေးလိုက်ပါ။ ကြက်ဥအမြှုပ် ထည့်ရာမှာ ဝေါခနဲ လောင်းထည့်တာမျိုး မလုပ်ဘဲ ဇွန်းလေးတစ်ချောင်းနဲ့ ခံပြီးမှ ဖြည်းဖြည်းချင်း စီးကျတဲ့ပုံမျိုး လုပ်ပေးနိုင်ရင် ပိုကောင်းပါတယ်။ အရသာပိုကောင်းစေချင်ရင်တော့ နို့စိမ်းလေး တစ်ပေါက်၊ နှစ်ပေါက်ပါ ဘေးကနေ ဆမ်းပေးလိုက်ပေါ့။ ပြီးရင်တော့ ဇွန်းတစ်ချောင်းနဲ့မွှေပြီး အရသာလည်းရှိ၊ အားလည်းရှိစေမဲ့ ဗီယက်နမ် ကြက်ဥကော်ဖီလေးကို အသင့်သုံးဆောင်နိုင်ပါပြီ။

Source: Steve's Kitchen


ဆက်စပ်အကြောင်းအရာများ


က္က