ပိတ်ရက်မှာ လုပ်စားနိုင်စေဖို့ ကြာဆံချက် ချက်နည်းလေးကို ဖော်ပြပေးလိုက်ပါတယ်နော်။
Thiha Htun

မြန်မာ့ရိုးရာ အစားအစာတွေထဲမှာ ရာသီမရွေး လိုက်ဖက်ညီတာကတော့ ရှောက်သီးသုပ်နဲ့ ကြာဇံချက်ပါပဲ။ ရှောက်သီးသုပ်လေး တစ်ဇွန်းစားလိုက်၊ ငရုပ်သီးမှုန့် နိုင်းချင်းဖြူးထားတဲ့ ကြာဇဲံချက်လေး တစ်ဇွန်းခပ်သောက်လိုက် လုပ်ရတာ ဘယ်လောက် အရသာရှိမှန်း အားလုံးသိကြပြီး ဖြစ်မှာပါ။ ဒီတော့ ပိတ်ရက်မှာ လုပ်စားနိုင်စေဖို့ ကြာဆံချက် ချက်နည်းလေးကို ဖော်ပြပေးလိုက်ပါတယ်နော်။

ပါဝင်ပစ္စည်းများ

17523314_10155181012672579_225418750328710108_n.jpg 

ကြာဇံချက်ချက်ဖို့အတွက် ကြက်သား (၅၀) ကျပ်သား၊ ပဲကြာဇံ (၁၅) ကျပ်သား၊ မှိုခြောက် ပန်းခြောက် (၅) ကျပ်သား၊ အသားတု (၅) ကျပ်သား၊ ငုံးဥ အလုံး (၂၀)၊ ကြက်ဥ (၅) လုံး၊ ကြက်သွန်နီဥ (၁၀) လုံး၊ နံနံပင်အနည်းငယ်၊ ရှောက်သီး (၁) ခြမ်းတို့ကို လိုအပ်ပါတယ်။

ပြုလုပ်နည်း

72128_1538188187910_1631066947_1329981_6840530_n.jpg

ကြက်သားမကိုင်ခင် ပဲကြာဇံနဲ့ မှိုခြောက် ပန်းခြောက်၊ အသားတုတို့်ကို ဇလုံတစ်လုံးစီမှာ သပ်သပ်စီထည့်ပြီး ရေစိမ်ထားပေးလိုက်ပါ။ ငုံးဥနဲ့ ကြက်ဥကိုလည်း ရေနွေးအိုးထဲ ထည့်ပြုတ်ထားပေးလိုက်ပါ။ ပြီးရင် ကြက်သား (၅၀) ကျပ်သားကို ရေပြောင်အောင်ဆေးပြီး အတုံးသေးသေးလေးတွေ တုံးပေးရပါမယ်။ ကြက်သားကို အတုံးတုံးပြီးရင်တော့ ဘေးခဏဖယ်ထားလိုက်ပါ။

ဒယ်အိုးတစ်လုံးထဲမှာ ဆီထည့်ပြီး အပူပေးလိုက်ပါ။ ပြီးရင် ငရုတ်သီးမှုန့် (အရောင်တင်မှုန့်) နဲ့ ကြက်သားကိုထည့်ပြီး ဆီသတ်ပေးလိုက်ပါ။ မိနစ်အနည်းငယ်ကြာအောင် ဆီသတ်ပြီးရင်တော့ ကြက်သားအိုးကို မီးပိတ်ပြီး မီးဖိုပေါ်က ချနိုင်ပါပြီ။

ဇောက်နက်တဲ့ အိုးတစ်လုံးထဲမှာ ရေ (၃) ပုံ (၂) ပုံခန့်ထည့်ပြီး ရေနွေးအိုးတည်ပေးလိုက်ပါ။ ပြီးရင် ခုနက ကြက်သားဆီသတ်ထားတာကို ရေနွေးအိုးထဲ ထည့်ပေးလိုက်ပါ။ ပြီးရင် ခဏလောက် မွှေပေးလိုက်ပါ။ ကြက်သွန်နီဥ ၇လုံးလောက် အိုးထဲ  အခွံနွှာပြီး ထည့်ပေးပါ။

 

ကြက်သားအိုး ပွက်ပွက်ဆူလာပြီဆိုရင် ရေစိမ်ထားတဲ့ ပဲကြာဇံဖတ်တွေနဲ့ မှိုခြောက် ပန်းခြောက် အသားတုတွေကိုရေထဲကဆယ်ပြီး အိုးထဲထည့်ပေးလိုက်ပါ။ ပြုတ်ထားတဲ့ ငုံးဥတွေကို အခွံခွာပြီး ကြာဇံချက်အိုးထဲ ထည့်ပေးလိုက်ပါ။ ကြက်ဥကိုတော့ အခွံခွာ၊ လေးခြမ်းခြမ်းပြီး ကြာဇံချက်အိုးထဲ ထည့်ပေးလိုက်ပါ။ ပြီးရင် ငရုတ်ကောင်းမှုန့်လေး နည်းနည်း ဖြူးပေးလိုက်ပါဦး။

ပြီးရင်တော့ မီးပျော့ပျော့နဲ့ ခဏလောက် တည်ထားပေးလိုက်ပါ။ ပြီးရင်တော့ ပန်းကန်လုံးတစ်လုံးထဲ ခပ်ထည့်လိုက်ပြီး အပေါ်ကနေ ကြက်သွန်နီနဲ့ နံနံပင်ကို ပါးပါးလှီးပြီး ဖြူးပေးလိုက်ပါ။ ရှောက်သီးစိတ်လေးတွေကိုတော့ ကြိုက်တတ်ရင် ညှစ်စားလို့ရအောင် ဘေးမှာ ရံပေးထားလိုက်ပေါ့။ ဒါဆိုရင် အရသာရှိတဲ့ ကြာဇံချက်လေးကို ရုံးပိတ်ရက်မှာ လုပ်စားလို့ရပါပြီနော်။


Author


က္က