• Health
    တီဗီကြည့်ရင်း အကြောလျှော့ပါ
Su Yee Moe

Do-exercise.jpg 

အကြောလျှော့ခြင်းဟာ ခန္ဓာကိုယ်အတွက် အရမ်းကို အကျိုးဖြစ်စေပါတယ်။ အားစိုက်ထုတ်ရတဲ့ လေ့ကျင့်ခန်းတွေ လုပ်စရာမလိုဘဲ ခန္ဓာကိုယ်ကို သက်တောင့်သက်သာ ဖြစ်စေပါတယ်။ အကြောလျှော့လေ့ကျင့်ခန်းတွေ လုပ်ဖို့ကိုတောင် အချိန်မပေးနိုင်ဘူးလား? တီဗီကြည့်နေတဲ့ အချိန်တိုလေးအတွင်းမှာပဲ ပြုလုပ်နိုင်မယ့် အကြောလျှော့လေ့ကျင့်ခန်းတွေကို ဖော်ပြလိုက်ပါတယ်။

hinge-reach.jpg 

၁။ လက်လွှဲ

တင်ပါးအကျယ်အတိုင်း ခြေခွဲရပ်နေပါ။ လက်နှစ်ဖက်ကို သက်တောင့်သက်သာ အနေအထားနဲ့ ဘေးမှာချထားရပါမယ်။ လက်ဖဝါးနှစ်ဖက် ဖြန့်ထားပြီး ဒူးကို အနည်းငယ်ကွေးကာ ကျောကိုဆန့်ထားရပါမယ်။ လက်ကို ရှေ့ကိုလွှဲလိုက်ချိန်မှာ ဒူးကိုတပြိုင်နက်တည်းကွေးလိုက်ပါ။ လက်ပြန်ကပ်လိုက်တာနဲ့ မတ်တပ်ပြန်ဆန့်လိုက်ရမှာဖြစ်ပါတယ်။ ၁၀ ကြိမ် ပြုလုပ်ပါ။

ankle-circles.jpg 

၂။ ခြေကျင်းဝတ်

ထိုင်ခုံမှာ ထိုင်နေရင်း လုပ်လို့ရတဲ့ လေ့ကျင့်ခန်းဖြစ်ပါတယ်။ ခြေသလုံးကြွက်သားတွေအတွက် ကောင်းတဲ့ လေ့ကျင့်ခန်းပါ။ ခြေတစ်ချောင်းကို ထုတ်ပြီး ခြေကျင်းဝတ်ကို အထဲမှအပြင်သို့ ဝိုက်ပေးရမှာဖြစ်ပါတယ်။ ၅ ကြိမ်လုပ်ပြီးရင် တခြားခြေတစ်ဖက်ကို ပြောင်းလုပ်ပါ။ ၁၀ ကြိမ် လုပ်ပေးရပါမယ်။

 

၃။ လက်ဆန့်

လက်ချောင်းလေးတွေကို အချင်းချင်း ရောယှက်လိုက်ပါ။ အပြင်ကိုလှန်ပြီး ဆန့်ထုတ်လိုက်ရမှာဖြစ်ပါတယ်။ အမြင့်ကိုတော့ ပခုံးအမြင့်ကနေ လက်ကို အပြင်ကိုတွန်းထုတ်သလို ဆန့်ပေးရမှာပါ။ ဒီအနေအထားအတိုင်း စက္ကန့် ၃၀ နေပေးရမှာဖြစ်ပါတယ်။

bound-ankle.jpg 

၄။ ပေါင်တွင်းကြောတွေလျော့ဖို့

ထိုင်လျက် အနေအထားနဲ့ လုပ်ရတဲ့ အကြောလျော့နည်း ဖြစ်ပါတယ်။ ကြမ်းပြင်မှာ ထိုင်နေပါ။ ခြေဖဝါးနှစ်ဖက်ကို ထိကပ်ပြီး ပေါင်ကြားကို ရောက်နိုင်သမျှရောက်အောင် တိုးထားရပါမယ်။ ပူးထားတဲ့ခြေဖဝါးတွေကို လက်က ကိုင်ပြီးထိန်းထားပေးပါ။ ရင်ဘတ်ကို ခြေဖဝါးတွေနဲ့ထိအောင် ဖြည်းဖြည်းချင်း ညွှတ်ပေးပါ။ စက္ကန့် ၃၀ နေပေးရုံနဲ့ ပေါင်တွင်းကြော တင်းနေတာတွေ ပြေလျော့သွားမှာဖြစ်ပါတယ်။

Source : Prevention


ဆက်စပ်သတင်းများ


Newsletter
Don't Miss The Best Of Duwun

See stories of the future in your inbox each morning

News
Entertainment
Sports
Women
Lifestyle
Tech

Copyright © 2018 Duwun.

Privacy Policy | About Us