စွမ်းဆောင်ရည်ကျဆင်းခြင်းဟာ ကျန်းမာရေးအတွက် အနုတ်လက္ခဏာဆောင်ပါတယ်။
Su Yee Moe
 

အမျိုးသားတွေရဲ့ လိင်အင်္ဂါဟာ ချစ်တင်းနှောခြင်းနဲ့လည်း ဆက်စပ်နေသလို လူ့သက်တမ်းနဲ့ပါ ဆက်နွှယ်နေကြောင်း အမေရိကန်ပြည်ထောင်စု Mississippi တက္ကသိုလ်က ပြုလုပ်တဲ့ လေ့လာမှုတစ်ခုက ဆိုလိုက်ပါတယ်။ တင်းရင်းမှုမရှိဘဲ ပျော့တွဲကျနေတဲ့ ကျားအင်္ဂါဟာ လိင်စွမ်းဆောင်ရည်ကို ကျဆင်းစေပါတယ်။ နောက်ထပ်သိရတာကတော့ အရွယ်မတိုင်မီသေဆုံးနိုင်ခြေ ၇၀ ရာခိုင်နှုန်းလောက် မြင့်မားနေတယ်ဆိုတာပါပဲ။

 

နှလုံးသွေးကြောဆိုင်ရာ အားနည်းခြင်းဟာ အမျိုးသားတွေမှာ လိင်တံတောင့်တင်းမှုမရှိ ဖြစ်စေတယ်လို့လည်း သိရပါတယ်။ ဒါကြောင့်မို့လို့ ကျားအင်္ဂါကတောင့်တင်းမှုမရှိဘူးဆိုရင် နှလုံးမှာ ပြဿနာရှိနေတဲ့လက္ခဏာဖြစ်ကြောင်း အီလီနွိုက်တက္ကသိုလ်ဆေးကျောင်းရဲ့ တွဲဖက်ပါမောက္ခ Tobias Köhler ကလည်း ဆိုပါတယ်။

 

နှလုံးကနေ ကျားအင်္ဂါကို စီးဆင်းတဲ့ သွေးကြောလေးတွေက အရမ်းကိုသေးပါတယ်။ ယင်းသွေးကြောလေးတွေ ပိတ်ဆို့နေရင် လိင်တံက တောင့်တင့်မှုအားနည်းသွားပါတယ်။ လေ့ကျင့်ခန်းမလုပ်ခြင်း၊ အစားအသောက်မမှန်ခြင်း၊ ဆေးလိပ်သောက်ခြင်းတွေကြောင့် အဆိုပါသွေးကြောမျှင်လေးတွေကို ပိတ်ဆို့မှုဖြစ်စေပါတယ်။ ပိတ်ဆို့မှုအချိန်ကြာမြင့်လာတဲ့အခါ ပိုကြီးမားတဲ့ သွေးကြောကိုပါ ကူးစက်သွားပါတယ်။ ရုတ်တရက်နှလုံးရပ်တန့်မှု (heart attack) ဖြစ်နိုင်ခြေလည်း များပြားတာမို့ ကျားအင်္ဂါတောင့်တင်းမှု မရှိဘူးဆိုရင် ဆရာဝန်နဲ့ပြသပြီး နှလုံးကျန်းမာရေးကိုပါ စစ်ဆေးသင့်ပါတယ်။

Source : Men Health


Author


က္က