Su Yee Moe

shutterstock_525796552-hormonal-birthy-control-kanchana_koyjai.jpg 

၁။ ဟော်မုန်းထိန်းချုပ်တဲ့သန္ဓေတားနည်း

အိမ်ထောင်သည် အမျိုးသမီးတွေအနေနဲ့ သန္ဓေတားဖို့ ဆုံးဖြတ်ထားရင် ဟော်မုန်းကိုထိန်းချုပ်ပေးတဲ့ သန္ဓေတားနည်းကို ရွေးသင့်ပါတယ်။ သောက်ဆေးနဲ့ သန္ဓေတားတဲ့ အမျိုးသမီးတွေဟာ ၅ နှစ်အကြာမှာ သားအိမ်ကင်ဆာဖြစ်နိုင်ခြေ ၅၀ ရာခိုင်နှုန်းလျော့သွားတယ်လို့ သိရပါတယ်။ သောက်ဆေးမသောက်ချင်ဘူးဆိုရင်တော့ IUD ပစ္စည်းကို သုံးသင့်ကြောင်း အမေရိကန်ကျန်းမာရေးပညာရှင်တွေက ဆိုပါတယ်။

shutterstock_196637954-scale-back-meat-blue_pig.jpg 

၂။ အသားစားခြင်း

အသားဓာတ် (ပရိုတိန်း)က ခန္ဓာကိုယ်အတွက် မရှိမဖြစ် လိုတာမှန်ပါတယ်။ ဒါပေမဲ့ အလွန်အကျွံစားမယ်ဆို အူမကြီးကင်ဆာ ဖြစ်နိုင်တာကို သတိပြုသင့်ပါတယ်။ အထူးသဖြင့် စီမံပြုပြင်ထားတဲ့ စက်ရုံထုတ် အသားတွေကို လျှော့စားပါ။

shutterstock_295078289-sleep-_i_g_h_t_p_o_e_t.jpg 

၃။ အိပ်ရေးဝဖို့လိုတယ်

အိပ်ရေးပျက်ခြင်း၊ အိပ်ရေးမဝခြင်းဟာ လူကို သိသိသာသာ ဆိုးကျိုးဖြစ်စေပါတယ်။ ရင်သားကင်ဆာ အပါအဝင် အခြားကင်ဆာရောဂါတွေလည်း ဖြစ်လာအောင် လမ်းစပေးသလို ဖြစ်နေတာမို့ တစ်ညကို ၇ နာရီလောက်တော့ အိပ်နိုင်အောင် ကြိုးစားရပါမယ်။

သင်အကြိုက်တွေ့နိုင်မည့်ဆောင်းပါး ---> တစ်နေ့ကို ခြေလှမ်းတစ်ထောင်လျှောက်ရုံနဲ့ မလုံလောက်ပါဘူး

 

shutterstock_369921530-cardio-odua_images.jpg 

၄။ နှလုံးကို ဂရုစိုက်

နှလုံးခုန်နှုန်း မှန်နေဖို့ အရေးကြီးပါတယ်။ လမ်းလျှောက်ခြင်း၊ ခပ်ဖွဖွပြေးခြင်း၊ ရေကူးခြင်း၊ စက်ဘီးစီးခြင်း စတဲ့ လေ့ကျင့်ခန်းတွေကို ပုံမှန်လုပ်နိုင်အောင် ကြိုးစားပါ။ ကယ်လိုရီတွေလောင်ကျွမ်းပြီး ဝိတ်ကျစေတာမို့ နှလုံးလည်းကျန်းမာပြီး ကင်ဆာဖြစ်နိုင်ခြေလည်း လျှော့ချပေးပါတယ်။ တစ်ပတ်ကို ၂နာရီခွဲလောက် လေ့ကျင့်ခန်းလုပ်သင့်ပါတယ်။

shutterstock_405732328-vitamin-d-evan_lorne.jpg 

၅။ ဗီတာမင် ဒီ

ခန္ဓာကိုယ်တွင်းမှာ ဗီတာမင် D မလုံလောက်ဘူးဆိုရင် ကင်ဆာရောဂါပေါင်းများစွာဖြစ်နိုင်ခြေ မြင့်မားလာပါတယ်။ ဗီတာမင် D ကို ရရှိဖို့အတွက် မနက်ခင်းပိုင်းမှာ နေရောင်ခြည်ကို ခံယူပါ။ ဗီတာမင် D ပမာဏကို သွေးစစ်ကြည့်ရုံနဲ့ သိနိုင်တာမို့ စစ်ဆေးပေးသင့်ပါတယ်။

Source : Prevention


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က