Su Yee Moe

shutterstock_125389133-850x500.jpg 

လေထုညစ်ညမ်းမှုနှုန်း မြင့်မားတဲ့နေရာမှာ နေထိုင်ရတဲ့ အမျိုးသမီးတွေဟာ ရင်သားကင်ဆာဖြစ်နိုင်ခြေ များစွာရှိနေကြောင်း လေ့လာမှုအသစ်တစ်ရပ်က ဆိုလိုက်ပါတယ်။ လေထုထဲမှာ အမှုန်ပါဝင်မှုမြင့်မားတဲ့ ညစ်ညမ်းလေကြောင့် ရင်သားအတွင်းပိုင်းမှာ ပိတ်ဆို့သိပ်သည်းလာပါတယ်။ ဒီလိုဖြစ်တဲ့လူတွေဟာ အခြားလူတွေနဲ့ယှဉ်ရင် ရင်သားကင်ဆာဖြစ်နိုင်ခြေ ပိုမြင့်ပါတယ်။

breastcancer_AFP2.jpg 

လေ့လာမှုရလဒ်ကိုတော့ Breast Cancer Research ဆေးပညာဂျာနယ်မှာ ဖော်ပြခဲ့ပါတယ်။ ယင်းလေ့လာမှုမှာ အမေရိကရှိ အသက် ၅၇ နှစ်ဝန်းကျင် အမျိုးသမီးပေါင်း ၂၈၀,၀၀၀ နီးပါးရဲ့ အချက်အလက်တွေကို ခွဲခြမ်းစိတ်ဖြာကြည့်ပြီး သုံးသပ်ခဲ့တာပါ။ လေ့လာမှုမှာပါဝင်သူများအနက် ၁၀ ဦးလျှင် ၆ ဦးနှုန်းက မြို့ပြမှာနေထိုင်ကြပြီး ကျန်တဲ့လူတွေကတော့ ကျေးလက်ဒေသမှာနေထိုင်သူတွေ ဖြစ်ပါတယ်။

 

မြို့ပြမှာနေထိုင်သူတွေဟာ လေထုညစ်ညမ်းမှုနဲ့ ရင်ဆိုင်နေရပြီး ကျေးလက်မှာနေသူတွေထက် ရင်သားပိတ်ဆို့သိပ်သည်းမှု ၁၉ ရာခိုင်နှုန်း ပိုများတာကို တွေ့ရပါတယ်။ လေထုညစ်ညမ်းမှု အဆင့် PM2.5 မှာ တစ်ယူနစ်တိုးတိုင်း ယင်းဒေသမှာနေတဲ့အမျိုးသမီးဟာ ရင်သားကင်ဆာဖြစ်နိုင်ခြေ ၄ ရာခိုင်နှုန်းပိုများလာပါတယ်။ ရင်သားကင်ဆာဟာ အမျိုးသမီးတွေကြားမှာ အဖြစ်များဆုံး ကင်ဆာတစ်ခုဖြစ်ပြီး ဖြစ်ပွားမှုနှုန်းကလည်း ကမ္ဘာတစ်ဝန်းမှာ နှစ်စဉ်မြင့်တက်လာနေပါတယ်။

Source : Huffpost


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က