အစာအိမ်အတွက်သာမက အခြား ခန္ဓာကိုယ်အစိတ်အပိုင်းတွေကိုပါ ဒုက္ခရောက်စေပါတယ်။
Su Yee Moe

 

ဒိန်ချဉ်၊ ကော်ဖီ၊ လိမ္မော်ရည် စတဲ့အရာတွေအနက် တစ်မျိုးမျိုးနဲ့အတူ "မနက်စာ"လို့ ခေါင်းစဉ်ပေးထားတဲ့ ဓာတ်ပုံတွေကို မကြာခဏ မြင်ဖူးကြမှာပါ။ ဒါမှမဟုတ်လည်း ကိုယ်တိုင်ကအစ မနက်ခင်းမှာ မနက်စာမစားမီ ဒီအရာတစ်မျိုးလောက်ကို အရင်ဆုံးစားဖြစ်တဲ့နေ့ရက်တွေ ရှိပါလိမ့်မယ်။ တကယ်တော့ အစာအိမ်ထဲမှာ ဘာမှမရှိချိန် တစ်ခုခုကိုစားမယ်ဆို စားချင်တိုင်းစားလိုက်လို့မရပါဘူး။

၁။ အချို

သကြားများများပါတဲ့ အချိုကဲတဲ့စားစရာတွေက ခန္ဓာကိုယ်တွင်းရှိ အင်ဆူလင်ပမာဏကို မြင့်တက်လာစေပါတယ်။ အဲ့ဒီအခါမှာ ဆီးချိုဖြစ်နိုင်တဲ့ အန္တရာယ်ပိုများလာပါတယ်။

quiona1-1200x798.jpg 

၂။ အချဉ်ဖောက်ထားတဲ့နို့

ဒိန်ချဉ်၊ ဒိန်ခဲ စသဖြင့် နို့ကိုအချဉ်ဖောက်ထားတာတွေလည်း မစားရပါဘူး။ တစ်ညလုံးအိပ်ထားခဲ့လို့ အစာအိမ်ထဲမှာ ဘာမှမရှိချိန်မှာ ဒိန်ချဉ်ကိုစားရင် အစာအိမ်ထဲမှာရှိတဲ့ ဟိုက်ဒရိုကလိုရစ်အက်ဆစ်ဓာတ်က လက်တစ်အက်ဆစ်ဘက်တီးရီးယားတွေကို သတ်ပစ်လိုက်ပါတယ်။

၃။ ပန်းသစ်တော်

ပန်းသစ်တော်မှာပါဝင်တဲ့ အမျှင်ဓာတ်တစ်မျိုးက အစာအိမ်မှာဘာမှမရှိချိန် ဖုံးအုပ်ပေးထားတဲ့ ချွဲမြှေးပါးလေးကို ထိခိုက်စေပါတယ်။

၄။ ခရမ်းချဉ်သီး

ခရမ်းချဉ်သီးမှာ tannic acid ပမာဏ မြင့်မားစွာ ပါဝင်နေပါတယ်။ ဒီအက်ဆစ်က အစာအိမ်ထဲမှာရှိတဲ့ အက်ဆစ်ဖြစ်တည်မှုကို ပိုမိုတိုးပွားလာစေတာကြောင့် အစာအိမ်ရောင်ရမ်းနာ ဖြစ်စေနိုင်ပါတယ်။

article-2218649-155D7D57000005DC-597_468x286.jpg 

၅။ ငှက်ပျောသီး

ငှက်ပျောသီးဟာ ကျန်းမာရေးအတွက် အရမ်းကိုအထောက်အကူပြုတဲ့ အစားအစာပါ။ ဒါပေမဲ့ အစာအိမ်ထဲမှာ ဘာမှမရှိဘဲ ငှက်ပျောသီးကိုစားလိုက်မယ်ဆိုရင်တော့ သွေးထဲမှာ မဂ္ဂစီယမ်ဓာတ် (magnesium) မြင့်တက်လာပါတယ်။ သွေးထဲမှာ မဂ္ဂစီယမ်ဓာတ် များလာတဲ့အခါ နှလုံးကို ထိခိုက်စေပါတယ်။

၆။ ပူစပ်တဲ့အစားအစာ

မနက်စောစောစီးစီး ပူပူစပ်စပ်တွေစားပြီးရင် ဗိုက်အောင့်လာတယ်မဟုတ်လား။ အစာမရှိဘဲ ပူစပ်တဲ့အစားအစာတွေကို စားလိုက်တော့ အစာခြေစနစ်ကို ဒုက္ခပေးတော့တာပဲလေ။

၇။ ချဉ်တဲ့သစ်သီး

လိမ္မော်သီး၊ သံပရာသီးတို့လို အချဉ်ဓာတ်များတဲ့ အသီးတွေမှာ citric acid ဓာတ် ပါဝင်ပါတယ်။ အိပ်ရာနိုးနိုးချင်း သံပရာရည်တစ်ခွက်လောက် သောက်လိုက်လို့ လူက လန်းဆန်းသွားရမယ့်အစား ရင်ပူရင်ဆာဖြစ်လာပြီး အစာအိမ်ရောင်ရမ်းပြီး ဗိုက်အောင့်လာရပါတယ်။

 

မနက်စာစားဖို့ အချိန်သိပ်မရဘူး ဒါမှမဟုတ် အများကြီးမစားချင်ဘူးဆိုရင် ကြက်ဥကို စားပေးသင့်ပါတယ်။ ကြက်ဥပြုတ်တစ်လုံးလောက် စားပေးလိုက်ရင် ဗိုက်လည်းပြည့်သွားပြီး အားလည်းရှိပါတယ်။

Source : Bright Side


က္က