မှိုစွဲနေတဲ့ အစားအစာ၊ အမှုန့်တွေကိုလည်း ရှောင်ကြဉ်ပါ...
Su Yee Moe
 

အသည်းဟာ ခန္ဓာကိုယ်တွင်းအစိတ်အပိုင်းတွေထဲမှာ အကြီးဆုံးအစိတ်အပိုင်းဖြစ်ပါတယ်။ ဒါ့ပြင် လုပ်ဆောင်ချက်တာဝန်တွေကလည်း များပြားလှပါတယ်။ ခန္ဓာကိုယ်ထဲကသွေးတွေကိုစစ်ထုတ်ပေးရတယ်၊ ရောဂါကူးစက်မှုတွေကို တိုက်ထုတ်ပေးရတယ် စသဖြင့် အလုပ်အများကြီး လုပ်ရတာမို့ အသည်းရဲ့ကျန်းမာရေးကိုလည်း ဂရုစိုက်ဖို့ လိုပါတယ်။  အသည်းပျက်စီးစေတာက အရက်တစ်မျိုးတည်းတော့ မဟုတ်ပါဘူး။ အခြားအရာတွေလည်း ရှိပါသေးတယ်။

၁။ အဝလွန်ခြင်းဟာ အသည်းကိုပျက်စီးစေတဲ့ အဓိကအကြောင်းရင်းထဲမှာ ပါဝင်ပါတယ်။ အသည်းဆဲလ်ထဲမှာ အဆီတွေ အများကြီးစုမိတဲ့အခါ အဝလွန်ရောဂါဖြစ်လာပါတယ်။

 

၂။ ဆိုဒါမသောက်ပါနဲ့။ အရမ်းကြိုက်တယ်ဆိုရင်လည်း လျှော့သောက်ပြီး ဖြတ်နိုင်သမျှဖြတ်လိုက်ပါ။ ဆိုဒါပါတဲ့ အရည်တွေက အဝလွန်စေပြီး အသည်းကို ဒုက္ခပေးနိုင်ပါတယ်။

၃။ အသည်းရောင်အသားဝါရောဂါ B နဲ့ C တို့ဟာ အသည်းနဲ့ပတ်သက်ပြီး အဖြစ်များဆုံးရောဂါတွေ ဖြစ်ပါတယ်။ အဆိုပါရောဂါတွေက ကြာလာရင် အသည်းကင်ဆာပါ ဖြစ်လာစေပါတယ်။

၄။ မျိုးရိုးလိုက်တဲ့ ရောဂါတွေထဲမှာ အသည်းနဲ့ပတ်သက်တဲ့ရောဂါတွေလည်း ပါဝင်နေပါတယ်။

၅။ နောက်ထပ် ကြောက်စရာကောင်းတဲ့ ရောဂါတစ်ခုကတော့ Autoimmune diseases လို့ခေါ်တဲ့ ရောဂါပါ။ မိမိရဲ့ကိုယ်ခံအားစနစ်က ကိုုယ့်ကိုပြန်တိုက်ခိုက်တာ ဖြစ်ပါတယ်။ များသောအားဖြင့် အမျိုးသမီးတွေမှာ အဖြစ်များတယ်လို့ သိရပါတယ်။

 

၆။ ဆေးလိပ်သောက်ခြင်းဟာ ကျန်းမာရေးကို များစွာထိခိုက်စေနိုင်တာကြောင့် နိုင်ငံတကာမှာ သတိပေးချက်တွေ ထုတ်ပြန်ထားပါတယ်။ အသည်းကင်ဆာဖြစ်စေရုံသာမက အသည်းရွတ်ရောဂါလည်း ဖြစ်စေနိုင်ပါတယ်။ အသည်းရောင်ရောဂါ B ကိုရော C ကိုပါ ဖြစ်လာနိုင်ခြေလည်း ရှိပါတယ်။

၇။ မပါမဖြစ် ပြောရမှာကတော့ အရက်ပါပဲ။ အယ်လ်ကိုဟောက အသည်းကို ထိခိုက်ပျက်စီးစေပါတယ်။ ခန့်မှန်းတွက်ချက်မှုများအရ အရက်များများသောက်သူ ၁၀% မှ ၁၅% ဟာ အသည်းဇကာပေါက်ဖြစ်နိုင်ခြေများတယ်လို့ အမေရိကန်အသည်းဖောင်ဒေးရှင်းက ထုတ်ပြန်ထားပါတယ်။

Source : Health


Author


က္က