အလုပ်မှာပင်ပန်းလာတော့ အိမ်ရောက်တာနဲ့ တီဗီရှေ့ထိုင်ပြီး မုန့်စားရင်းဇာတ်ကားတွေကြည့်ကာ အနားယူဖြစ်ကြတယ်။ ဒီအတိုင်းထိုင်ကြည့်တာတော့ မဟုတ်ဘူး။ ဘေးမှာလည်း မုန့်လေးတွေ အစုံအလင်နဲ့။ အိပ်ချိန်ကလည်းနောက်ကျ သွားရေစာတွေကိုလည်း တစ်မျိုးပြီးတစ်မျိုး စားနေလို့ကတော့ ကြာရင် ကျန်းမာရေးထိခိုက်လာနိုင်ပါတယ်။ ဆရာဝန်တွေကတော့ ဒီသွားရေစာတွေကို ညဉ့်နက်ပိုင်းမှာစားမယ်ဆိုရင် ခန္ဓာကိုယ်ရဲ့ဇီဝဖြစ်စဉ်အတွက် ကောင်းကျိုးမပေးဘူးလို့ ဆိုပါတယ်။
၁။ အာလူးကြော်
အာလူးကြော်က ဝိတ်တက်စေတယ်ဆိုတာ အားလုံးသိတယ်။ ဆီ၊ ဆား များများပါဝင်ပြီး ကယ်လိုရီတက်စေတဲ့ အာလူးကြော်ကို ညဘက်စားလေ့ရှိရင် ဆီးချိုနဲ့အခြားရောဂါတွေ ဖြစ်နိုင်ပါတယ်။
၂။ အဆီများတဲ့ချိစ်
အဆီများတဲ့ချိစ်နဲ့ နို့ထွက်ပစ္စည်းတွေဟာ ကျန်းမာရေးအတွက် ထင်တာထက်ပိုပြီးဆိုးကျိုးပေးပါတယ်။ ညဘက်စားမယ်ဆို အဆီထုတ်ထားတဲ့ နို့နဲ့ နို့ထွက်ပစ္စည်း၊ ချိစ်တို့ကိုသာ ရွေးချယ်ပါ။ ဒါပေမဲ့ အများကြီးလည်း မစားနဲ့ဦး။ အသင့်အတင့်ပဲစားပါ။
၃။ ရေခဲမုန့်
ရေခဲမုန့်စားရတာ အရမ်းကို စိတ်ချမ်းသာဖို့ကောင်းတယ်။ ချိုပြီးအေးနေတဲ့ ရေခဲမုန့်က အနံ့နဲ့လည်း လူကိုဆွဲဆောင်သေးတာကိုး။ သူ့မှာ ပါဝင်တဲ့ အဆီနဲ့သကြားဓာတ်ကြောင့်သာ ညဘက်မစားဖို့ ပြောရတာပါ။ ညဘက်စားတဲ့အခါကျတော့ အဆီနဲ့သကြားဓာတ်တွေကို ခန္ဓာကိုယ်က ပိုပြီးစုပ်ယူထားပါလိမ့်မယ်။ တကယ်လို့များ ညဉ့်နက်သန်းခေါင် ရေခဲမုန့်စားချင်လာပြီဆိုရင် ရေခဲမုန့်အသွင် ပြုလုပ်ထားတဲ့ Frozen Yogurt ကို စားသင့်ပါတယ်။
Source : She Find