ကင်ဆာဆဲလ်တွေကို နည်းလမ်းပေါင်းများစွာနဲ့ တိုက်ခိုက်ပါတယ်။
Su Yee Moe

မိခင်နို့ရည်ဟာ ကင်ဆာရောဂါကြောင့် ဖြစ်ပေါ်လာတဲ့ အဖုအကြိတ်ဆဲလ်တွေကို ချေမှုန်းနိုင်ကြောင်း ဆွီဒင်နိုင်ငံရှိ သိပ္ပံပညာရှင်များက ရှာဖွေတွေ့ရှိခဲ့ကြပါတယ်။ အဲ့ဒီနောက်မှာတော့ ဆီးအိမ်ကင်ဆာ ခံစားနေရသူတွေကို မိခင်နို့ရည်အသုံးပြုကာ စမ်းသပ်ကုသရာမှာ တိုးတက်ကောင်းမွန်မှုရှိလာတယ်လို့ သိရပါတယ်။

 

နို့ရည်ထဲမှာပါဝင်တဲ့ Hamlet လို့ခေါ်တဲ့ ဒြပ်ပေါင်းတစ်မျိုးဟာ အူသိမ်အူမကင်ဆာနဲ့ သားအိမ်ကင်ဆာတို့ကို ကုသရာမှာ အထောက်အကူဖြစ်စေတယ်လို့ သုတေသီတွေက ယုံကြည်ကြပါတယ်။ ဓာတ်ရောင်ခြည်သုံးပြီးကုသတဲ့နည်းလိုမျိုး ကောင်းတဲ့ဆဲလ်တွေကို ထိခိုက်စေခြင်းမရှိဘဲနဲ့ ကင်ဆာဆဲလ်တွေကိုသာ ဖျက်ဆီးပစ်တယ်လို့ ဆိုပါတယ်။

 

Hamlet ရဲ့ အစွမ်းသတ္တိကို တွေ့ရှိခဲ့သူက ဆွီဒင်နိုင်ငံ Lund တက္ကသိုလ်ရှိ ပဋိဇီဝဗေဒပညာရှင် ပါမောက္ခ Svanborg ဖြစ်ပါတယ်။ လေ့လာမှုထဲမှာ မိခင်နို့ရည်နဲ့ လူသားတွေမှာရှိနေတဲ့ အကြိတ်ဆဲလ်တွေကို လက်တွေ့အသုံးပြုခဲ့ကြတယ်လို့ သူမက ပြောပါတယ်။ နို့ရည်ထဲမှာပါတဲ့ Hamlet ဒြပ်ပေါင်းကို ထည့်သွင်းလိုက်တဲ့အခါ အကြိတ်ဆဲလ်တွေသေသွားတယ်လို့ ဆိုပါတယ်။

ယင်းအရာက ကင်ဆာဆဲလ်တွေကို နည်းလမ်းပေါင်းများစွာနဲ့ တိုက်ခိုက်ပါတယ်။ ဆဲလ်ရဲ့အဓိကစွမ်းအင်ရင်းမြစ်ကို ဖြတ်ထုတ်တဲ့နည်းနဲ့ အဆုံးသတ်အနိုင်ယူလိုက်တာပါ။ ယခုစမ်းသပ်မှုမှာတော့ ဆီးအိတ်ကင်ဆာရှိသူတွေထံ Hamlet ကို ထိုးသွင်းတဲ့နည်းနဲ့ စမ်းသပ်ရာမှာ ရက်ပိုင်းအတွင်း အကြိတ်ဆဲလ်သေတွေကို ဆီးထဲမှာတွေ့လာရတာဖြစ်ပါတယ်။ ခုတော့ အသေးစိတ်ကျတဲ့ စမ်းသပ်မှုတွေကို ဆက်လက်လုပ်ဆောင်ဖို့ ပြင်ဆင်နေကြပါပြီ။

Source : Daily Mail


Author


က္က