အားဖြည့်အချိုရည်တွေအသောက်များတာကြောင့် သင့်ခန္ဓာကိုယ်ဟာ ကဖိန်းဓာတ်ကို သည်းမခံနိုင်တော့တာမျိုး ဖြစ်တတ်ပါတယ်။
Thurein Tun
 

တစ်နေ့နှစ်ခွက်ထက် ပိုသောက်နေတယ်ဆိုရင်တော့ သင်ဟာ ကော်ဖီအသောက်များသူလို့ ပြောလို့ရပါတယ်။ တချို့ကတော့ မနက်ခင်းမှာတင် တစ်ခွက်လောက်နဲ့ အဆင်မပြေတတ်ပါဘူး။ ကော်ဖီတွေအသောက်များတာ၊ အားဖြည့်အချိုရည်တွေအသောက်များတာကြောင့် သင့်ခန္ဓာကိုယ်ဟာ ကဖိန်းဓာတ်ကို သည်းမခံနိုင်တော့တာမျိုး ဖြစ်တတ်ပါတယ်။ ခန္ဓာကိုယ်ဟာ သည်းမခံနိုင်တော့ကြောင်းကို အောက်ပါ လက္ခဏာတွေနဲ့ ပြတတ်ပါတယ်။

 

ရေဓာတ်ခန်းခြောက်

ရေ များများမသောက်နိုင်တဲ့အချိန်မှာ ကဖိန်းဓာတ်ပါတဲ့ အရည်တွေကို မသောက်သင့်ပါဘူး။ ကော်ဖီလို ကဖိန်းပါတဲ့အရည်တွေဟာ ခန္ဓာကိုယ်မှာ ရေဓာတ်ခမ်းခြောက်သွားစေနိုင်ပါတယ်။ ခေါင်းတွေ ရိပ်ခနဲ မူးသလိုဖြစ်တာ၊ အပေါ့သွားတဲ့အခါ ဆီးဝါတာမျိုးတွေဟာ သင့်ကိုယ်မှာ ကဖိန်းဓာတ်တွေ များလွန်းနေတဲ့ လက္ခဏာလည်း ဖြစ်တတ်ပါတယ်။

စိုးရိမ်မှု

ခန္ဓာကိုယ်မှာ လှုံ့ဆော်မှုတွေ အလွန်အမင်းဖြစ်ပေါ်ပြီး စိုးရိမ်ပူပန်တာမျိုးတွေ ဖြစ်တတ်ပါတယ်။ ဒီလိုမျိုးဖြစ်တဲ့အခါ  ကဖိန်းဓာတ်ပါတဲ့အရည်တွေကို လျှော့သောက်ကြည့်ပါ။ လျှော့သောက်လို့ သက်သာသွားတယ်ဆိုရင်တော့ သင့်ခန္ဓာကိုယ်ဟာ ကဖိန်းဓာတ်ကို သည်းမခံနိုင်တဲ့ လက္ခဏာ ဖြစ်ပါတယ်။ နှလုံးခုန်မြန်တာ၊ ရင်တုန်တာ၊ မူးမောသလိုဖြစ်တာတွေည်း ရှိပါတယ်။

 

ဆီးခဏခဏ သွားခြင်း

ကဖိန်းဓာတ်ပါတဲ့အရည်ကိုသောက်တဲ့အခါ ရေဓာတ်ခန်းခြောက်တာမျိုး ဖြစ်လာနိုင်သလို တခြားတစ်ဖက်ကလည်း သောက်ပြီးတိုင်း အပေါ့ခဏခဏ သွားတာတွေလည်းဖြစ်တတ်ပါတယ်။  ဒါမျိုးဖြစ်နေပြီဆိုရင်တော့ ကဖိန်းဓာတ်ကို သင့်ခန္ဓာကိုယ်က မခံနိုင်တာလည်း ဖြစ်နိုင်ပါတယ်။

ဗိုက်ထဲမှာ တင်းကြပ်မှု

အစာအိမ်မကောင်းတဲ့အခါ ကဖိန်းဓာတ်ကြောင့် ဗိုက်ထဲမှာ တင်းကြပ်တာမျိုးခံစားရပါတယ်။ ကဖိန်းဟာ သင့်ခန္ဓာကိုယ်မှာ ပုံမှန်အလုပ်မလုပ်တာကြောင့်ဖြစ်ပါတယ်။ သွားရင်းလာရင်းနဲ့ ဗိုက်ကတင်းကြပ်သလို ခံစားနေရတာ ဖြစ်ပါတယ်။

အထက်ပါလက္ခဏာတစ်မျိုးမျိုး ပေါ်လာပြီဆိုရင်တော့ ကော်ဖီသောက်တာ၊ ကဖိန်းဓာတ်ပါတဲ့ အချိုရည်သောက်တာတွေကို ဆင်ခြင်သင့်ပါတယ်။  လိုအပ်ရင် ကော်ဖီကို ထာဝရနှုတ်ဆက်သင့်ပါတယ်။

Photos & Source: Bustle


Author


က္က