Su Yee Moe

မိခင်ဝမ်းကနေ ထွက်လာခါစ ကလေးငယ်ကို ရေချိုးမပေးသင့်ဘူးလို့ ယနေ့ခေတ် ဆရာဝန်တွေက ဆိုထားပါတယ်။ အရင်တုန်းကတော့ ကလေးတွေကို မိခင်ဝမ်းကနေ ထွက်လာပြီး ချက်ကြိုးဖြတ်ပြီးတာနဲ့ ရေချိုးပေးကြတယ်။ ကလေးရဲ့ကိုယ်မှာ ကပ်ငြိနေတဲ့ အညစ်အကြေး၊ ချွဲနဲ့ အရည်တွေကို သန့်စင်သွားအောင် ရေချိုးကြတာပေါ့။ ဒါပေမဲ့ တကယ်တမ်းမှာ မွေးကင်းစကလေးငယ်ဟာ ရေချိုးပေးလို့ကောင်းတဲ့အရွယ် မဟုတ်သေးပါဘူး။

landscape-1463602953-vernixgettyimages-143287058.jpg 

ယနေ့ခေတ် ကျန်းမာရေးပညာရှင်တွေ၊ ဆရာဝန်တွေက မွေးကင်းစ ကလေးငယ်ကို ချက်ခြင်း ရေချိုးမပေးဘဲ အနည်းဆုံး ၂၄ နာရီ စောင့်ဆိုင်းပြီးမှ ချိုးပေးရမယ်လို့ အကြံပေးကြပါတယ်။ ဆေးရုံတွေမှာဆိုရင် ကလေးတွေကို သူနာပြုတွေက ကလေးကို နူးညံ့သန့်ရှင်းတဲ့ဂွမ်းလေးနဲ့သာ သန့်စင်ပေးကြပါတယ်။ ရေချိုးမပေးကြဘူး။ ရေချိုးဖို့လိုအပ်တယ်ဆိုရင် ဆရာဝန်ရဲ့အတည်ပြုချက်ရှိမှသာ မွေးကင်းစကလေးငယ်ကို ရေချိုးပေးကြပါတယ်။

gallery-1460140826-babycuddles.jpg 

"တကယ်တော့ ကလေးတွေဟာ ညစ်ညစ်ပတ်ပတ်မွေးလာတာမဟုတ်ဘူး" လို့ နယူးယော့ခ်မြို့က OBGYN မိခင်နဲ့ရင်သွေးဆိုင်ရာကျန်းမာရေးစောင့်ရှောက်မှု ဘုတ်အဖွဲ့ဝင် ဒေါက်တာ Ira Jaffe က ပြောပါတယ်။ ကလေးတွေရဲ့ ခန္ဓာကိုယ်မှာ ကပ်ငြိနေတဲ့ ဖယောင်းပုံစံအဖြူရောင်အလွှာတစ်ထပ် (vernix) ဟာ ညစ်ပတ်တဲ့အရာ မဟုတ်ပါဘူး။ ချက်ခြင်းဆေးကြောပေးလိုက်ဖို့လည်း မလိုတာမို့ နောက်မှဆေးကြောပေးလို့လည်း ရပါတယ်။ ကလေးရဲ့ကိုယ်မှာ အချိန်နည်းနည်းလောက် ပိုပြီးရှိနေစေလိုက်ရင် ကောင်းကျိုးတောင်ပိုရပါသေးတယ်။ ကလေးရဲ့အရေပြားကို vernix က ဖုံးအုပ်ပေးထားလို့ ရောဂါပိုးတွေမဝင်အောင် ကာကွယ်ပေးရာရောက်ပါတယ်။ ကလေးရဲ့ကိုယ်ခံအားကိုလည်း မြင့်တက်သွားစေနိုင်လို့ မွေးမွေးပြီးချင်းမှာ ကလေးကိုယ်မှာကပ်နေတဲ့ vernix ကို အချိန်အနည်းငယ် ဆက်ထားပေးသင့်ကြောင်း မီးယပ်နဲ့သားဖွားဆိုင်ရာဆေးပညာဂျာနယ် ACOG ကလည်း ၂၀၀၄ ခုနှစ်မှာ ဖော်ပြခဲ့ဖူးပါတယ်။

Source : WomansDay


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က