တချို့အစားအစာတွေက ဆိုးဝါးတဲ့ကိုယ်နံ့ထွက်စေလို့ ရံဖန်ရံခါပဲစားသုံးသင့်ပါတယ်။
Su Yee Moe

o-BAD-SMELL-facebook.jpg

ဘတ်စ်ကားဂိတ်မှာကားတူတူစောင့်နေရင်း ကိုယ့်ဘေးမှာထိုင်နေတဲ့သူက ဝက်သားတုတ်ထိုးဆိုင်က ခုလေးတင် ထလာမှန်း အလိုလိုသိနေတာမျိုးဖြစ်ဖူးလား။ ဒါမှမဟုတ် ရုပ်ရှင်ရုံထဲမှာ ဘေးထိုင်ခုံကလူရဲ့ကိုယ်နံ့ကြောင့်စိတ်အနှောင့်အယှက်ဖြစ်ခဲ့ရဖူးလား။ အဲဒီလိုကိုယ်နံ့ဆိုးရတာတွေက တစ်ကိုယ်ရည်သန့်ရှင်းရေးမရှိလို့ တစ်ခုတည်းကြောင့်မဟုတ်ဘဲ ကိုယ်နံ့ကိုဆိုးဝါးစေတဲ့ အစားအသောက်တွေကို စားမိလို့လည်း ပါပါတယ်။



ဘယ်သူမှတော့ ကောင်မလေးနဲ့ချိန်းတွေ့တဲ့ပထမဆုံးအခေါက်မှာ ဆိုးရွားတဲ့ကိုယ်နံ့နဲ့မျက်နှာသွားမပြချင် ပါဘူး။ ဆိုးဝါးတဲ့ကိုယ်နံ့က ခင်ဗျားရဲ့မိမိကိုယ်ကိုယုံကြည်မှုကိုလည်း ကျဆင်းစေနိုင်လို့ client အသစ်တွေနဲ့ တွေ့ရမယ့် အလုပ် meeting တွေကိုလည်း အဲဒီလိုပုံစံနဲ့သွားချင်မှာမဟုတ်ပါဘူး။ အောက်မှာဖော်ပြထားတဲ့ အစားအသောက်တွေက ခင်ဗျားရဲ့ကိုယ်နံ့ကို ဆိုးဝါးစေတဲ့အစားအသောက်တွေဖြစ်လို့ သတိပြုရှောင်ကြဉ်သင့်ပါတယ်။

4a236098-9a13-4f8a-93f8-721489c52645.jpg

၁။ အာလူးချောင်းကြော်



အာလူးချောင်းကြော်တို့၊ အသင့်စားကြက်ကြော်တို့လို ဆီကြော်မုန့်တွေက ခင်ဗျားရဲ့ခန္ဓာကိုယ်ကို ဆိုးဝါးတဲ့ကိုယ်နံ့တွေနဲ့ကျန်ခဲ့စေရုံသာမက တစ်ခါတလေ အခန့်မသင့်ရင် အစာအိမ်နာကျင်ခြင်းကိုပါ ဖြစ်ပေါ်စေပါတယ်။ အဲဒီအမြန်ရတဲ့ဆီကြော်စာတွေထဲမှာ ပါဝင်တဲ့ဆီတွေ၊ အဆီဓာတ်တွေက ခင်ဗျားရဲ့ ခန္ဓာကိုယ်တစ်ခုလုံးကို အနံ့ဆိုးတွေနဲ့ဖုံးလွှမ်းစေပါတယ်။

15f83f5b-d530-4639-b551-d948f5f2179b.jpg



၂။ အချိုများတဲ့အစားအစာတွေ



ကိတ်တို့၊ သကြားများတဲ့ကွတ်ကီးတို့လို အချိုအရမ်းများတဲ့အစားအစာတွေက ခင်ဗျားခန္ဓာကိုယ် အောက်ပိုင်းမှာ အနံ့ဆိုးတွေကိုဖြစ်ပေါ်စေပါတယ်။ အဲဒီလိုဆိုးရွားတဲ့ဖြစ်ရပ်ဆိုးတွေကို ရှောင်ရှားဖို့ အသီးအရွက်တွေလို ကျန်းမာရေးနဲ့ ပိုမိုညီညွှတ်တဲ့အစားအစာတွေကိုပဲ ရွေးချယ်စားသုံးသင့်ပါတယ်။

6440f7ea-e108-4c29-8572-760e162cc301.jpg



၃။ အစပ်များတဲ့အစားအသောက်တွေ




မနက်တိုင်းစားနေကျ မုန့်ဟင်းခါးပန်းကန်ထဲကိုထည့်ဖို့ စိတ်ကူးနေတဲ့ငရုပ်သီးမှုန့်ဇွန်းကို ခုချက်ချင်း လက်ကချလိုက်ပါ။ အစပ်များတဲ့အစားအစာတွေက ခင်ဗျားရဲ့ကိုယ်နံ့ကိုဆိုးဆိုးဝါးဝါး ဖြစ်စေပါတယ်။ အစပ်များတဲ့အစားအစာတွေက ခန္ဓာကိုယ်ရဲ့ဇီဝကမ္မဖြစ်စဉ်တွေကို မြန်ဆန်စေပေမယ့်လည်း အရေပြားပေါ်က ချွေးပေါက်တွေကနေ ပြန်ထွက်လာတဲ့အငွေ့တွေကြောင့် ကိုယ်နံ့ကိုဆိုးရွားစေပါတယ်။ နောက်ပြီး ပိုဆိုးတာက အဲဒီအနံ့တွေဟာ နာရီများစွာကြာအောင်စွဲနေနိုင်ပါတယ်။

 

5a93bae6-1792-465b-a1c6-1284e3e24e36.jpg

၄။ ကြက်ဥ



ကြက်ဥမှာပါဝင်တဲ့ ဆာလ်ဖာ (sulfur) ဟာ သင့်ရဲ့ခန္ဓာကိုယ်မှာ နာရီအနည်းငယ်ကြာအောင်စွဲနေစေမယ့် ဆိုးရွားတဲ့ အနံ့ဆိုးတွေကိုဖြစ်စေပါတယ်။ ဒါကြောင့်ညနေပိုင်း meeting ရှိတယ်ဆိုရင် နေ့လည်စာမှာကြက်ဥ စားသုံးခြင်းကို ရှောင်ကြဉ်သင့်ပါတယ်။

58db9619-45d4-467d-b060-683b0b67e33f.jpg

၅။ ကြက်သွန်ဖြူ



ကြက်ဥလိုပါပဲ။ ကြက်သွန်ဖြူဟာလည်း ဆာလ်ဖာပါဝင်မှုကြောင့် ခန္ဓာကိုယ်မှာဆိုးရွားတဲ့အနံ့တွေကို ဖြစ်ပေါ်စေပါတယ်။ ဒါကြောင့် ခေါက်ဆွဲသုပ်စားရင်း ကြက်သွန်ဖြူကိုက်တတ်တဲ့အကျင့်ရှိရင် သတိထားသင့်တာ အမှန်ပါပဲ။

33f401c2-2b05-4dce-871b-a767c1d86f21.jpg

၆။ ကလီစာ



ကလီစာမှာပါဝင်တဲ့ ကလိုရင်းဟာ trimethylamine (TMA) ဆိုတဲ့ဓာတုပစ္စည်းတစ်မျိုးကိုထုတ်လုပ်ပေးပြီး တချို့လူတွေရဲ့ခန္ဓာကိုယ်က အဲဒီဓာတုပစ္စည်းကို မချေဖျက်နိုင်ပါဘူး။ ရလဒ်အနေနဲ့ ဆီး၊ တံထွေး၊ ခံတွင်းနံ့နဲ့ ချွေးနံ့တွေကို ဆိုးရွားစေပါတယ်။ အဲဒီလိုဖြစ်တာကို trimethylaminuria ရောဂါလို့ခေါ်ပြီး လူ (၂) သိန်းမှာမှ တစ်ယောက်လောက်ဖြစ်တတ်တဲ့ရှားပါးတဲ့ရောဂါတစ်မျိုးဖြစ်ပါတယ်။



Source: bustle


က္က