ကောင်မလေးနဲ့ချိန်းတွေ့နေရင်း မိမိရဲ့ဆိုးဝါးတဲ့ခံတွင်းနံ့ကြောင့် နမ်းခွင့်မကြုံလိုက်တာမျိုးဖြစ်ဖူးလား။
Thiha Htun

57da381ce52ea.jpg

ကောင်မလေးနဲ့ချိန်းတွေ့နေရင်း မိမိရဲ့ဆိုးဝါးတဲ့ခံတွင်းနံ့ကြောင့် နမ်းခွင့်မကြုံလိုက်တာမျိုးဖြစ်ဖူးလား။ ဒါမှမဟုတ် အရေးကြီးတဲ့ အလုပ် Presentation တစ်ခုမှာ သွားတိုက်ဖို့မေ့လာလို့ တိုင်ပတ်ဖူးပါသလား။ အမှန်တကယ်တော့ ခင်ဗျားရဲ့ခံတွင်းသန့်ရှင်းရေးကိုကော၊ သွားနဲ့သွားဖုံးကျန်းမာရေးကိုပါ ဂရုစိုက်တတ်ဖို့ကအရေးကြီးပါတယ်။ ခင်ဗျားရဲ့ခံတွင်းကိုသန့်ရှင်းနေစေဖို့ အောက်မှာဖော်ပြထားတဲ့အချက်လေးတွေကိုတော့ ပုံမှန်လုပ်ပေးသင့်ပါတယ်။

၁။ ပုံမှန်သွားတိုက်ပေးပါ

ခင်ဗျားရဲ့သွားအပေါ်ယံအလွှာမှာ ခံတွင်းနံ့ဆိုးကိုဖြစ်စေတဲ့ဘက်တီးရီးယားပိုးမွှားငယ်လေးတွေခိုအောင်းနေနိုင်ပါတယ်။ ဒါ့အပြင်အစာကြွင်း၊ အစာကျန်တွေကလည်း ပြဿနာကိုပိုမိုဆိုးဝါးစေပါတယ်။ ဒါကြောင့် တစ်နေ့ကိုအနည်းဆုံး (၂)ကြိမ် သွားတိုက်ပေးပါ။ ခံတွင်းနံ့ကသာမန်ထက်ပိုပြီးဆိုးဝါးနေတယ်လို့ခံစားမိရင် ဒီထက်ပိုလုပ်ပေးလို့လည်းရပါတယ်။ ခံတွင်းနံ့ပျောက်လိုဇောနဲ့အတင်းကြီးတိုက်တာမျိုးတော့ မလုပ်ပါနဲ့။ သွားဖုံးလေးတွေကလည်း နူးညံ့တော့ အကြမ်းပတမ်းသွားတိုက်လိုက်မယ်ဆိုရင် သွားဖုံးအပေါ်ယံကြွေလွှာတွေကို ပဲ့ကျစေနိုင်ပါတယ်။

၂။ ပလုတ်ကျင်းပေးပါ

dahan-620x330.jpg

ခံတွင်းသန့်ရှင်းရေးလုပ်ရာမှာ ဘက်တီးရီးယားပိုးတွေသေစေဖို့ ပုံမှန်ပလုတ်ကျင်းပေးဖို့လည်းလိုပါတယ်။ ဒါပေမယ့်ခင်ဗျားအသုံးပြုမယ့် ပလုတ်ကျင်းဆေးရည်ကို သေသေချာချာရွေးချယ်ဖို့လည်းလိုပါတယ်။ အနံ့ဆိုးတွေကိုဖုံးကွယ်ပေးနိုင်ရုံလောက်ပဲလုပ်ပေးနိုင်တဲ့ ပလုတ်ကျင်းဆေးရည်ကိုမသုံးပါနဲ့။ ဘက်တီးရီးယားတွေကိုပါသေစေနိုင်တဲ့ ပလုတ်ကျင်းဆေးရည်ကိုသေချာရွေးချယ်သုံးစွဲပါ။

၃။ လျှာကိုလည်းသွားတိုက်တံနဲ့ပွတ်ပေးပါ

လျှာပေါ်မှာလည်း ဘက်တီးရီးယားပိုးမွှားငယ်တွေခိုအောင်းနေထိုင်နိုင်ပါတယ်။ သူတို့ကိုဖယ်ရှားဖို့အတွက် လျှာကိုသွားတိုက်တံတစ်ချောင်းနဲ့ညင်သာစွာပွတ်တိုက်ပေးပါ။ သွားတိုက်တံကသိပ်ကြီးနေရင် scraper လို့ခေါ်တဲ့ လျှာပွတ်တံကိုအသုံးပြုနိုင်ပါတယ်။ လျှာပွတ်တံက ဘက်တီးရီးယားတွေ၊ အစာအကြွင်းအကျန်တွေ၊ ဆဲလ်သေတွေကိုပါဖယ်ရှားပေးနိုင်ပါတယ်။

၄။ အနံ့ဆိုးတွေဖြစ်စေတဲ့အစားအစာတွေကိုရှောင်ပါ

ကြက်သွန်နီတွေ၊ ကြက်သွန်ဖြူတွေက အဆိုးဆုံးပါပဲ။ နောက်ပြီးသူတို့က စားပြီးရင်သွားတိုက်ပေးရုံနဲ့လည်း မပျောက်ပါဘူး။ အနံ့ဆိုးတွေကိုဖြစ်ပေါ်စေတဲ့အရာဝတ္ထုတွေက သွေးစီးကြောင်းထဲကိုဝင်ပြီး အဆုတ်ထဲထိ ရောက်သွားနိုင်ပါတယ်။ ဒါကြောင့်ခံတွင်းနံ့ဆိုးတွေကိုမလိုချင်ရင်တောင် အဲဒီအစားအစာတွေကိုအတတ်နိုင်ဆုံးမစားတာ အကောင်းဆုံးပါပဲ။

၅။ ဆေးလိပ်လျှော့ပါ

creative-anti-smoking-ads-18-5832f4da5dd3d__700.jpg

ဆေးလိပ်သောက်ခြင်းက ကင်ဆာရောဂါကိုဖြစ်ပွားစေတာတစ်ခုတည်းမဟုတ်ပါဘူး။ ဆေးလိပ်ငွေ့တွေက ခင်ဗျားရဲ့သွားဖုံးကိုဒဏ်ဖြစ်စေပြီး သွားတန်းတွေပေါ်မှာလည်း အနံ့စွဲနေစေပါတယ်။ အကျိုးဆက်အနေနဲ့ ခင်ဗျားရဲ့ခံတွင်းနံ့ကိုဆိုးရွားစေပါတယ်။ ဒါကြောင့် ဆေးလိပ်ကိုလျှော့သောက်သင့်ပါတယ်။ ဆေးလိပ်အရမ်းသောက်ချင်လာရင် ပီကေဝါးတာတို့၊ ဆေးလိပ်အစားထိုးပစ္စည်းတွေကို အသုံးပြုတာတို့နဲ့အာရုံလွှဲနိုင်ပါတယ်။

၆။ ရေဓာတ်ပြည့်ဝနေပါစေ

ခံတွင်းထဲမှာတံထွေးနည်းနေရင် ခံတွင်းခြောက်ကပ်ပြီး အနံ့ဆိုးတွေကိုဖြစ်ပေါ်စေပါတယ်။ ဒါကြောင့်ခံတွင်းခြောက်လာတယ်ခံစားမိတိုင်း ရေထသောက်ပေးပါ။ ခင်ဗျားအခန်းရဲ့ရေဓာတ်ပမာဏကိုလည်း အမြဲထိန်းညှိပေးပါ။



Source: Webmd


က္က