နွားနို့များများသောက်ပါ။
Su Yee Moe

ကလေးဘဝတုန်းက အယ်လ်မွန်နို့၊ ပဲနို့တို့ကို သောက်သုံးခဲ့သူတွေဟာ နွားနို့သောက်ခဲ့သူတွေနဲ့ အရွယ်ရောက်လာချိန်မှာ နှိုင်းယှဉ်ကြည့်တဲ့အခါ ပိုပြီးအရပ်ပုနေကြတယ်လို့ လေ့လာမှုတစ်ရပ်က ဖော်ပြပါတယ်။

39F2F52E00000578-3893090-image-a-40_1478000982923.jpg 

နွားနို့မဟုတ်ဘဲ အပင်ကရတဲ့နို့ကို တစ်နေ့တစ်ခွက် ပုံမှန်သောက်တဲ့ ကလေးတွေဟာ ရှိသင့်တဲ့အရပ်အမြင့်ထက် ဝ.၁၅ လက်မ ပိုနိမ့်နေပါသတဲ့။ ယင်းကလေးတွေဟာ ပဲနို့၊ ဆန်ကနေထုတ်ယူတဲ့အရည်၊ အယ်လ်မွန်ရည်တို့ကို သောက်သုံးကြတယ်လို့ သိရပါတယ်။ ဒီလေ့လာမှုကိုတော့ တိုရွန်တိုမြို့ စိန့်မိုက်ကယ်ဆေးရုံရှိ ဆရာဝန်တွေက ပြုလုပ်ခဲ့ကြတာဖြစ်ပါတယ်။

plantmilks2_orig.jpg 

ကနေဒါနိုင်ငံမှာ နေထိုင်ကြတဲ့ အသက် ၂ နှစ်မှ ၆ နှစ်ကြား ကျန်းမာကောင်းမွန်တဲ့ကလေးငယ် ၅၀၃၄ ဦးကို လေ့လာခဲ့ကြတာပါ။ ကလေး ၅ % က နွားနို့မဟုတ်တဲ့ နို့တွေကိုသောက်ခဲ့ကြပြီး ၈၄% ကတော့ နွားနို့ကိုပဲ သောက်ခဲ့ကြပါတယ်။ ၈% က နှစ်မျိုးလုံးကိုသောက်ပြီး ၃% ကတော့ ဘယ်လိုနို့မျိုးကိုမှ မသောက်သူတွေ ဖြစ်ပါတယ်။ အချိန် ၃၈ လ ကြာမြင့်ပြီးနောက် ကလေးတွေရဲ့အရပ်ကို တိုင်းတာကြည့်ရာမှာ နွားနို့မဟုတ်တဲ့ အပင်ကရတဲ့နို့ကို သောက်တဲ့ ကလေးတွေက အခြားကလေးတွေနဲ့ယှဉ်ရင် ပိုပုနေတာကို တွေ့ရပါတယ်။

 

ဒါဟာ နွားနို့သောက်လို့ အရပ်ပိုရှည်လာတာနဲ့ မဆိုင်ဘဲ အပင်ကရတဲ့နို့တွေကို သောက်သုံးတဲ့ ကလေးတွေဟာ အရပ်ပုလာပြီး လူကောင်ညှက်လာတာလို့ ယူဆရကြောင်း လေ့လာသူတွေက ပြောပါတယ်။ ဒါပေမဲ့လည်း အရပ်ရှည်ပြီး ထွားကြိုင်းတယ်ဆိုရုံနဲ့တော့ ကျန်းမာရေးကောင်းတယ်လို့ တစ်ထစ်ချမှတ်ယူလို့ မရနိုင်သေးပါဘူး။

Source : CNN


က္က