နေကြာစေ့စားမယ်ဆိုရင် ဒီကောင်းကျိုးတွေကိုရနိုင်ပါတယ်။
Thiha Htun

201986-675x450-sunflower-seeds.jpg 

ရုပ်ရှင်ကြည့်မယ်ဆိုရင် နေကြာစေ့လေးတစ်ထုပ်လောက်တော့ ဝယ်သွားပြီး ဝါးလိုက်ရမှ။ နေကြာစေ့ရဲ့ကျန်းမာရေးကောင်းကျိုးတွေ ဘာတွေရှိမှန်းမသိဘဲနဲ့ကို ဝါးနေမိကြတာပါ။ နေကြာစေ့မှာပါဝင်တဲ့ ကယ်လိုရီ၊ ဗိုက်တာမင်နဲ့ သတ္ထုဓာတ်တွေက လူ့ခန္ဓာကိုယ်ကိုအကျိုးကျေးဇူးပြုပါတယ်။ ဘယ်လိုအကျိုးပြုတယ်ဆိုတာကို အောက်ပါဖော်ပြပေးလိုက်ပါတယ်နော်။

၁။ အစာခြေစနစ်ကိုပိုမိုကောင်းမွန်စေတယ်

အစာကြေလွယ်တယ်ဆိုတာ ကျန်းမာရေးခန္ဓာကိုယ်တစ်ခုကိုပိုင်ဆိုင်ဖို့အတွက် အထောက်အကူပြုပါတယ်။ နေကြာစေ့မှာပါဝင်တဲ့ Dietary Fiber (အမျှင်ဓာတ်) ကလည်းဝမ်းချုပ်ခြင်းကိုကုသပေးနိုင်ပါသေးတယ်။ ဒီတော့ နေကြာစေ့စားပေးခြင်းက အစာခြေစနစ်ကို ပိုမိုကောင်းမွန်စေလို့ ဝမ်းတစ်လုံးကောင်းတော့ ခေါင်းမခဲတော့ဘူးပေါ့။

၂။ကိုလက်စထရောကျစေတယ်

ဖိုုင်တောစထရော (Phytosterols) တွေဟာ ခန္ဓာကိုယ်ထဲကကိုလက်စထရော ပမာဏကိုလျော့ကျစေတဲ့ ကွန်ပေါင်းတွေဖြစ်ပြီး နေကြာစေ့မှာ အဲဒီကွန်ပေါင်းတွေပါဝင်လို့ ခန္ဓာကိုယ်ထဲကမကောင်းတဲ့ကိုလက်စထရောဓာတ်တွေကို လျော့နည်းစေပါတယ်။ ဒါတင်မကသေးပါဘူး။ နေကြာစေ့ထဲမှာပါတဲ့ Dietary fiber (အမျှင်ဓာတ်) ကလည်း ကိုလက်စထရောကျစေဖို့ အကူအညီပေးနိုင်ပါတယ်။

toasted-sunflower-seeds.jpg 

၃။ နှလုံးသွေးကြောပိတ်ခြင်းကိုကာကွယ်ပေးနိုင်တယ်

ှဗိုက်တာမင် စီကနှလုံးကျန်းမာရေးကိုကောင်းမွန်စေတဲ့ ဓာတ်တစ်မျိုးပါပဲ။ နေကြာစေ့ထဲမှာ ဗိုက်တာမင် စီကြွယ်ဝစွာပါဝင်တော့ နှလုံးသွေးကြောပိတ်ရောဂါကိုကာကွယ်ဖို့အတွက်အကောင်းဆုံးပါပဲ။ ဒါ့အပြင် နေကြာစေ့မှာ ကိုလက်စထရောတွေ အောက်ဆီဂျင်နဲ့ဓာတ်ပြုခြင်းမှ ကာကွယ်ပေးနိုင်တဲ့ ဗိုက်တာမင် အီးလည်းပါရှိပါသေးတယ်။

ကိုလက်စထရောတွေ ဗိုက်တာမင်နဲ့ဓာတ်ပြုတဲ့အခါ သွေးကြောနံရံတွေမှာ သွားကပ်တွယ်ပါတယ်။ အဲဒီကမှတဆင့် နှလုံးသွေးကြောပိတ်တာတွေ၊ ရုတ်တရက်နှလုံးရပ်သွားတာတွေနဲ့ သွေးကြောတွေကျဉ်းသွားတာတွေ ဖြစ်လာစေနိုင်ပါတယ်။ လေဖြတ်တယ်ဆိုတာလည်း အောက်ဆီဂျင် နဲ့ဓာတ်ပြုတဲ့ကိုလက်စထရောတွေကြောင့်ပဲ ဖြစ်ရတာပါပဲ။ ဒါတွေက နေကြာစေ့စားခြင်းက အကာအကွယ်ပေးနိုင်ပါတယ်။

၄။ အာရုံကြောကိုအထောက်အကူပြုတယ်

နေကြာစေ့တွေမှာ မဂ္ဂနီစီယမ်ပါဝင်ပါတယ်။ မဂ္ဂနီစီယမ်က အာရုံကြောအတွင်းကယ်လ်ဆီယမ်တွေဝင်ရောက်ခြင်းကို တားဆီးပေးတဲ့အတွက် အာရုံကြောတွေရဲ့လုပ်ဆောင်မှုကိုမြှင့်တင်ပေးပါတယ်။

တကယ်လို့ သွေးထဲမှာ မဂ္ဂနီစီယမ်ဓာတ်သာ လျော့နည်းနေခဲ့မယ်ဆိုရင် ခန္ဓာကိုယ်ထဲကို ကယ်လ်ဆီယမ်ပမာဏတွေများပြားစွာဝင်ရောက်လာစေနိုင်ပြီး အာရုံကြောလုပ်ဆောင်မှုတွေကိုအနှောင့်အယှက်ပေးနိုင်ပါတယ်။

၅။ အရိုးတွေကိုသန်မာစေပါတယ်

နေကြာစေ့မှာပါဝင်တဲ့ မဂ္ဂနီစီယမ်ဓာတ်ဟာ အရိုးတွေကိုသန်မာစေပါတယ်။ ဒါတင်မကသေးပါဘူး။ နေကြာစေ့ထဲမှာပါဝင်တဲ့ ကော့ပါးက အင်ဇိုင်းတွေအလုပ်လုပ်ရာမှာကူညီပေးပြီး အရိုးတွေနဲ့ အရိုးဆက်နေရာ တွေကို ပိုမိုအားကောင်းစေပါတယ်။

girl-listening-music-on-headphones-and-eating-sunflowers-seeds_sva4wcqn_thumbnail-small01.jpg 

၆။ ကင်ဆာရောဂါဖြစ်ပွားနိုင်ခြေကိုလည်း လျှော့ချပေးပါတယ်

Antioxidant တွေက ကင်ဆာဆဲလ်တွေကိုတိုက်ဖျက်နိုင်စွမ်းရှိတယ်လို့ ဆိုကြပါတယ်။ နေကြာစေ့တွေမှာပါဝင်တဲ့ ဗိုက်တာမင် အီး၊ ကော့ပါးနဲ့ ဆီလီနီယမ်ဓာတ်တွေဟာ ကင်ဆာရောဂါဖြစ်ပွားရခြင်းရဲ့အဓိက တာဝန်ရှိသူဖြစ်တဲ့ ဆဲလ်ပျက်ဆီးခြင်း မဖြစ်အောင်တားဆီးပေးနိုင်ပါတယ်။

ဒါ့အပြင်နေကြာစေ့ထဲမှာပါတဲ့ ဖိုုင်တောစထရော (Phytosterols) နဲ့ လစ်ဂနမ် (Lignans) တွေက ဆီးကျိတ်ကင်ဆာ၊ အူမကြီးကင်ဆာ နဲ့ရင်သားကင်ဆာဆဲလ်တွေ ပြန့်ပွားမှုနှုန်းကိုကာကွယ်တိုက်ဖျက်ပေးနိုင်ပါတယ်။

၇။ သွေးတိုးကျစေတယ်

နေကြာစေ့တွေထဲမှာ ပိုတက်ဆီယမ်ပါဝင်မှုအလွန် မြင့်မားပါတယ်။ ပိုတက်စီယမ်က သွေးထဲကဆိုဒီယမ်ပမာဏကို ထိန်းချုပ်ပေးတဲ့အတွက် သွေးတိုးကျစေပါတယ်။

ှSource: beautyepic


ဆက်စပ်အကြောင်းအရာများ


က္က