ဆိုင်တွေမှာ ဝယ်လို့ရပါတယ်။
Su Yee Moe

စပျစ်သီးရဲ့အစေ့ထဲမှာ ပါဝင်တဲ့ သဘာဝဒြပ်ပေါင်းတစ်မျိုးက သွားတွေကို ကြံ့ခိုင်စေပြီး သွားပိုးမစားအောင် ကာကွယ်ပေးနိုင်တယ်လို့ သိရပါတယ်။ ဒီတွေ့ရှိမှုရလဒ်ကြောင့် နောက်ဆိုရင် လူတွေဟာ သွားနှုတ်ရတာတွေနည်းလာနိုင်ပြီး သွားတွေပိုခိုင်မြဲလာလိမ့်မယ်လို့ လေ့လာတွေ့ရှိသူ ပညာရှင်တွေက ယူဆကြပါတယ်။

1497090041-khaskhabar-en.jpg 

ဝိုင်ထုတ်လုပ်တဲ့အခါ ဘေးထွက်ပစ္စည်းအနေနဲ့ ထွက်လာတဲ့ စပျစ်စေ့ extract (စပျစ်စေ့မှထုတ်နုတ်ရယူသောပစ္စည်း)ကို ကျန်းမာရေးနဲ့ပတ်သက်တဲ့အစားအသောက်ရောင်းချတဲ့ဆိုင်တွေမှာ ဝယ်လို့ရပါတယ်။ ဒါပေမဲ့ လူတွေက စပျစ်စေ့ extract ဟာ နှလုံးရဲ့လုပ်ဆောင်ချက်တွေ အားကောင်းစေတယ်၊ သွေးလည်ပတ်မှု ပိုကောင်းစေတယ်လို့ပဲ သိခဲ့ကြတာပါ။ ယခုလေ့လာမှုမှာတော့ ဒီ extract ဟာ သွားပိုးမစားအောင် ကာကွယ်ပေးနိုင်သလို သွားကိုဖာထေးထားတဲ့နေရာတွေကိုလည်း ပိုပြီးကြာကြာခံစေမှန်း တွေ့ရှိခဲ့ကြရပါတယ်။ သွားကိုအရောင်တင်ထားတာတွေက ပုံမှန်ဆိုရင် ၅ နှစ်မှ ၇ နှစ်အထိပဲ ခံပါတယ်။ စပျစ်စေ့ကရတဲ့ အဆီအနှစ်ကို သုံးစွဲမယ်ဆို ၁၀ နှစ်မှ ၁၅ နှစ်လောက်ထိ စွဲမြဲနေမှာဖြစ်ပါတယ်။

grape_seed_extract_diabetes.jpg

လေ့လာမှုကိုတော့ ရှီကာဂိုသွားဘက်ဆိုင်ရာကောလိပ်၊ အီလီနွိုက်တက္ကသိုလ်ရဲ့ သိပ္ပံပညာရှင်တွေက ပြုလုပ်ခဲ့ကြတာပါ။ စပျစ်စေ့အဆီအနှစ်ဟာ သွားရဲ့အဓိကအစိတ်အပိုင်းဖြစ်တဲ့ မာကျောသိပ်သည်းတဲ့တစ်ရှုးစကို ပိုမိုခိုင်မာစေတယ်လို့ သိရပါတယ်။ သွားကြွေလွှာရဲ့အောက်မှာ တည်ရှိတဲ့တစ်ရှုးစ ဖြစ်ပါတယ်။

414929A000000578-0-image-a-10_1497025812333.jpg 

သွားတွေပျက်စီးနေတယ်ဆိုရင်တောင်မှ စပျစ်စေ့အဆီအနှစ်ကို အသုံးပြုပေးသွားမယ်ဆိုရင် ကျန်တဲ့သွားအစိတ်အပိုင်းတွေကို ပိုမိုမာကြောခိုင်ခံ့စေပြီး သွားပေါက်ကိုဖာထားတဲ့အရာနဲ့ ချိတ်ဆက်မှုဖြစ်စေကာ သွားတွေကိုပိုကောင်းစေမှာ ဖြစ်ပါတယ်။

Source : Daily Mail


ဆက်စပ်အကြောင်းအရာများ


က္က