ပန်းသီးရှာလကာရည်ကို အိမ်သုံးဆေးမြီးတိုအဖြစ် နေရာတော်တော်များများမှာ အသုံးပြုလို့ရပါတယ်။
Thiha Htun

apples-and-vinegar.jpg

ပန်းသီးရှာလကာရည်ဟာ မိန်းကလေးတွေရဲ့အသားအရေကို ကြည်လင်ချောမွေ့စေပြီး မျက်နှာပေါ်က အရေးအကြောင်းတွေကိုလျော့နည်းစေတဲ့အတွက် လူသိများပါတယ်။ ဒါပေမယ့် ပန်းသီးရှာလကာရည်ရဲ့ အသုံးဝင်ပုံတွေက အဲဒီထက်ပိုပါတယ်။ ပန်းသီးရှာလကာရည်ကို အိမ်သုံးဆေးမြီးတိုအဖြစ် နေရာတော်တော်များများမှာ အသုံးပြုလို့ရပါတယ်။ ငွေကုန်ကြေးကျလည်းမများဘဲ ကွဲပြားခြားနားမှုတစ်ခုကို ဆောင်ကြဉ်းပေးနိုင်မှာပါ။ ဒါပေမယ့် ပန်းသီးရှာလကာရည်က အသုံးများမယ်ဆိုရင် သွားနဲ့အစာပြွန်မှာ ပြဿနာရှိစေနိုင်တဲ့အတွက် မသောက်သုံးခင် ဆရာဝန်နဲ့အရင်တိုင်ပင်သင့်ပါတယ်။ 

၁။ အသက်ရှည်စေ

36AB9FA500000578-3712825-image-a-1_1469715827980.jpg

ပန်းသီးရှာလကာရည်ထဲမှာပါဝင်တဲ့ ဗိုက်တာမင်နဲ့ antioxidant ဓာတ်တွေက ဇီဝကမ္မလုပ်ဆောင်မှုတွေကို အားပေးပါတယ်။ ဒါကြောင့် မနက်တိုင်း ပန်းသီးရှာလကာရည်ကို ရေနွေးတစ်ခွက်နဲ့ရောသောက်ရင် အသက်ရှည်စေတယ်လို့ အဆိုရှိပါတယ်။

၂။ ဆီးချိုကျစေ

ပန်းသီးရှာလကာရည်က သွေးတွင်းအချိုပမာဏကို လျော့ကျစေလို့ ဆီးချိုသွေးချိုသမားတွေအတွက်ကောင်းပါတယ်။ ဒါပေမယ့် တချို့လူနာတွေမှာတော့ အင်ဆူလင်တုံ့ပြန်ခြင်းကို တိုးမြင့်စေလို့ မသောက်ခင် ဆရာဝန်နဲ့တော့ အရင်တိုင်ပင်ကြည့်သင့်ပါတယ်။

၃။ ဗိုက်အောင့်ဝေဒနာတွေကိုသက်သာစေ

6c8591467-g-tdy-130810-stomach-308p.nbcnews-ux-2880-1000.jpg

ပန်းသီးရှာလကာရည်ထဲမှာပါတဲ့ melic acid ဟာ အစာအိမ်ဝေဒနာတွေကိုသက်သာပျောက်ကင်းစေပါတယ်။ ဒါကြောင့် ဝမ်းချုပ်နေရင်၊ အစာအိမ်ထဲမှာအက်ဆစ်တွေများနေရင် ရေတစ်ဖန်ခွက်ထဲ ပန်းသီးရှာလကာရည်တစ်ဇွန်း ရောပြီးသာသောက်လိုက်ပါ။ ထူးခြားမှုကိုတွေ့ရှိရပါလိမ့်မယ်။ ဒါတင်မကသေးပါဘူး။ သူ့မှာပါတဲ့ ဘက်တီးရီးယားနဲ့ ဗိုင်းရပ်စ်ပိုးတိုက်ဖက်တဲ့စနစ်တွေက အစာအိမ်အောင့်ခြင်းကို သက်သာစေပါတယ်။

၄။ အဆိပ်အတောက်ပြေစေ

ပန်းသီးရှာလကာရည်က ခန္ဓာကိုယ်ထဲက အဆိပ်အတောက်တွေကိုလည်း ပြေစေနိုင်ပါတယ်။ ဒါ့အပြင် ပိုတက်စီယမ်လို အာဟာရဓာတ်တွေကိုလည်း ထောက်ပံ့ပေးပါတယ်။ အဲဒါတွေက ကိုယ်ခံအားစနစ်ကို အထောက်အကူပြုပြီး ကျန်းမာရေးကိုကောင်းမွန်စေပါတယ်။

၅။ ဝိတ်ကျစေ

ပန်းသီးရှာလကာရည်ရဲ့အကျော်ကြားဆုံး ကျန်းမာရေးကောင်းကျိုးကတော့ ဝိတ်ကျစေတာပါပဲ။ သူက အစာစားချင်စိတ်ကိုထိန်းချုပ်ပေးပြီး တစ်ခါစားထားရင် တော်တော်နဲ့ဗိုက်ပြန်မဆာစေပါဘူး။ ဒါကြောင့် ကျန်းမာတဲ့ အော်ဂဲနစ်အစားအစာတွေ၊ မှန်ကန်တဲ့လေ့ကျင့်ခန်းတွေနဲ့သာ တွဲဖက်လိုက်ရင် လုံးဝဝိတ်ကျပါပြီ။

၆။ သွားတွေကိုပြန်လည်ဖြူဖွေးစေ

professional-teeth-whitening-vs-at-home.jpg

ကွမ်းစားလို့သွားမှာကွမ်းချိး (ဂျိုး)တွေတက်နေတဲ့လူတွေကတော့ သွားကိုပန်းသီးရှာလကာရည်နဲ့ပွတ်ပေးသင့်ပါတယ်။ သူ့မှာပါဝင်တဲ့အက်ဆစ်ဓာတ်တွေက သွားတွေကိုဖြူဖွေးစေပါတယ်။ ထိရောက်မှုမရှိသေးရင် ပန်းသီးရှာလကာရည်ကို မုန့်ဖုတ်ဆိုဒါလေးနဲ့ ရောပြီးပွတ်ပေးရင်တော့ ဖြူစင်ဝင်းပတဲ့သွားတွေကို ပြန်လည်ပိုင်ဆိုင်နိုင်ပြီး အမြဲရှေ့မှာ ရဲရဲဝံ့ဝံ့ ပြုံးရယ်လို့ရပြီပေါ့။ 

သင်စိတ်ဝင်စားမယ့်အကြောင်းအရာ (အိမ်သုံး ပန်းသီးရှာလကာရည်လုပ်နည်း)

Source: Mr.Healthy


ဆက်စပ်အကြောင်းအရာများ


က္က