Thurein Tun

Dy-eye-treatments-in-Covington.jpg 

မျက်လုံးခြောက်တာကြောင့် မျက်လုံးယားတာ၊ မျက်လုံးပူတာတွေဟာ မကြာခဏဖြစ်နေတတ်ပါတယ်။ ဒါဟာ ပတ်ဝန်းကျင်လေထု ညစ်ညမ်းနေတာ၊ အပူလွန်တာတွေအပါအဝင် အသက်အရွယ်နဲ့ပါ ဆိုင်တာ ဖြစ်ပါတယ်။ အသက် ၄၀ ကျော်တဲ့အခါ အမျိုးသမီးတွေမှာ မျက်ရည်ထုတ်လုပ်မှု  သိသိသာသာ လျော့ကျသွားပါတယ်။ ဒါဟာ ဟော်မုန်းအပြောင်းအလဲကြောင့်ဖြစ်ပါတယ်။ တကယ်လို့ မျက်လုံးခြောက်သွေ့ပြီး ယားယံတာမျိုး အမြဲကြုံနေရသူဆိုရင်တော့ ဒီအချက်လေးတွေကို သိထားသင့်ပါတယ်။

၁ - အရက် ရှောင်

အရက်သောက်ခြင်းဟာ သင့်ပါးစပ်ကို ခြောက်သွေ့စေပါတယ်။ ဒါ့အပြင် သင့်မျက်လုံးကိုပါ ခြောက်စေတာ ဖြစ်ပါတယ်။ ပွဲရှိလို့  အရက်ကို မဖြစ်မနေ သောက်ရမယ်ဆိုရင်လည်း အယ်ကိုဟောပါဝင်မှုနှုန်း နည်းစေဖို့ ကြိုးစားသင့်ပါတယ်။

(သင်စိတ်ဝင်စားနိုင်တဲ့ဆောင်းပါး - မိုးရာသီမှာ လူတိုင်းသတိထားရမယ့် ကျန်းမာရေး)

Dry-Eyes-1.jpg 

၂ - ဆေးလိပ်

မျက်လုံးခြောက်ခြင်းကလည်း ဆေးလိပ်သောက်ခြင်းအတွက် နာမည်ဆိုးနဲ့ ကျော်ကြားပါတယ်။ သင်က ဆေးလိပ်သောက်တယ်၊ ဆေးလိပ်သောက်များတဲ့လူနဲ့ နေထိုင်တယ်ဆိုရင် မျက်ရည်တုသုံးပေးခြင်းက သင့်မျက်လုံးတွေကို စိုစွတ်နေစေပါတယ်။ ဆေးလိပ်လုံးဝမသောက်တာကတော့ အခြေခံပြသနာကို ဖြေရှင်းနိုင်တာပဲ ဖြစ်ပါတယ်။

၃ - မျက်မှန်

မျက်လုံးခြောက်ခြင်းကို သက်သာစေဖို့အတွက် အလုပ်ပြီးတဲ့ ညဘက်လို အချိန်မျိုးတွေမှာ မျက်မှန်ကို ချွတ်ထားပေးသင့်ပါတယ်။ မျက်ကပ်မှန်တပ်သူမျိုးဆိုရင်တော့ ပိုသတိထားပေးသင့်ပါတယ်။

dry-eye.jpg 

၄ - အိပ်ရာမဝင်ခင်

မျက်လုံးတွေ ယားယံပြီးနိုးလာတယ်၊ ပူပြီးနိုးလာတာမျိုး ဖြစ်တယ်ဆိုရင်တော့ အိပ်ရာမဝင်ခင် မျက်ရည်ဆီကို သုံးသင့်ပါတယ်။ မျက်ရည်ဆီဟာ မျက်ရည်တုထက် ပိုထူထဲပါတယ်။ အဆီဓာတ်နဲ့ မျက်ရည်ကို စိုစွတ်နေစေမှာ ဖြစ်ပါတယ်။ သင့်ရဲ့ မျက်စိဆရာဝန်နဲ့ တိုင်ပင်ပြီး သုံးသင့်တာ ဖြစ်ပါတယ်။

၅ - မျက်စဉ်း

Murine ဒါမှမဟုတ် Visine လို မျက်စဉ်းဆေးရည်မျိုးတွေဟာ မျက်လုံးသွေးကြောကို ကျဉ်းစေပါတယ်။ မျက်လုံးနီရဲတာမျိုးကို ပျောက်စေပေမယ့် ခြောက်သွေ့မှုကို မပျောက်နိုင်ပါဘူး။

dry-eye-artificial-tear.gif 

၆ - မျက်ကပ်မှန်

မျက်ကပ်မှန်တပ်တယ်၊ မျက်ရည်တုကို တစ်ရက် နှစ်ကြိမ်မကသုံးတယ်ဆိုရင်တော့ အမှတ်တံဆိပ်ကောင်းကောင်း သုံးဖို့လိုပါတယ်။ ဒီလိုမှမဟုတ်ရင်တော့ မျက်လုံးအောင့်တာ၊ ယားယံတာတွေ ဖြစ်ပွားနေတတ်ပါတယ်။

Photos & Source: Lifehack


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က