Su Yee Moe

coconut-oil-tease-today-160122_7c7133eb57289df5be33f880a4d42f6e.today-inline-large.jpg 

အုန်းဆီကိုစားသုံးခြင်းဟာ အမဲဆီနဲ့ထောပတ်ဆီတို့ကို စားသုံးခြင်းထက် ကျန်းမာရေးကို ပိုမိုထိခိုက်စေနိုင်တယ်ကြောင်း အမေရိကန်ကျန်းမာရေးပညာရှင်တွေက သတိပေးလိုက်ပါတယ်။ အုန်းဆီမှာပါဝင်တဲ့ ပြည့်ဝဆီ (saturated fat) ဟာ ခန္ဓာကိုယ်တွင်းမှာမကောင်းတဲ့ ကိုလက်စထရောပမာဏကို မြင့်တက်လာစေတာကြောင့် နှလုံးရောဂါတွေ ဖြစ်လာနိုင်စေပါတယ်။

_96516163_gettyimages-466130802.jpg 

အလှအပအတွက် အုန်းဆီကို အမျိုးမျိုး အသုံးပြုကြသလို ကျန်းမာရေးအတွက်ကောင်းစေတဲ့အစားအစာအဖြစ်နဲ့လည်း အုန်းဆီကို ရောင်းချနေကြပါတယ်။ အုန်းဆီမှာပါတဲ့ဆီက အခြားသော ပြည့်ဝဆီတွေထက် ပိုပြီးကောင်းတယ်လို့ ယုံကြည်ကြပြီး သောက်သုံးမှီဝဲနေသူတွေလည်း ရှိတာကြောင့် အမေရိကန် နှလုံးကျန်းမာရေးဆိုင်ရာအဖွဲ့အစည်းက ယခုလို ထုတ်ပြန်ကြေညာခဲ့တာပါ။ အုန်းဆီက ကျန်းမာရေးအတွက်ကောင်းမွန်ကြောင်း ထောက်ခံဖို့အတွက် ဘယ်လိုလေ့လာတွေ့ရှိမှုမှ မရှိဘူးလို့လည်းဆိုတယ်။

saturated-fat.jpg 

စားသုံးသင့်တဲ့ဆီနဲ့ မစားသုံးသင့်တဲ့ဆီကို ခွဲခြားတဲ့အခါ ပြည့်ဝဆီ (saturated fat) တွေဟာ မစားသင့်ဘူးလို့ ကျန်းမာရေးပညာရှင်တွေက ဆိုထားခဲ့ပါတယ်။ အုန်းဆီဟာလည်း မပြည့်ဝဆီတစ်မျိုးဖြစ်ပါတယ်။ မပြည့်ဝဆီကို စားသုံးရင် မကောင်းတဲ့ကိုလက်စထရော (LDL)တွေ သွေးထဲမှာ များပြားလာပြီး သွေးကြောတွေပိတ်စေပါတယ်။ အဲ့ဒီနောက်မှာ နှလုံးရောဂါနဲ့ လေဖြတ်တာတွေ ဖြစ်စေပါတယ်။ AHA ရဲ့ အဆိုအရ အုန်းဆီမှာပါဝင်တဲ့ဆီ ၈၂%က ပြည့်ဝဆီတွေလို့သိရပါတယ်။ ထောပတ်ဆီမှာ ပြည့်ဝဆီပါဝင်မှုက ၆၃ %၊ အမဲဆီမှာ ပြည့်ဝဆီပါဝင်မှုက ၅၀ % နဲ့ ဝက်ဆီမှာ ပါဝင်တဲ့ ပြည့်ဝဆီက ၃၉ % သာ ရှိပါတယ်။ အုန်းဆီက ယင်းဆီတွေထက် ပြည့်ဝဆီပါဝင်မှု ပိုများတာကြောင့် ကျန်းမာရေးကို ပိုမိုထိခိုက်စေနိုင်ကြောင်း အမေရိကန်ကျန်းမာရေးပညာရှင်တွေက သတိပေးလိုက်တာ ဖြစ်ပါတယ်။

Source : BBC


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က