အို၊ အေ၊ ဘီနဲ့ အေဘီဆိုပြီး သွေးအမျိုးအစား စုစုပေါင်း (၄) မျိုးရှိပြီး ရှေးအကျဆုံးကတော့ အိုသွေးပဲဖြစ်ပါတယ်။
Thiha Htun

blood-type-diet.jpg

သွေးအမျိုးအစားအလိုက် စားသုံးသင့်တဲ့အစားအသောက်တွေကို လူသိများအောင် ပြုလုပ်ပေးခဲ့တဲ့သူကတော့ Peter J. D’Adamo ဆိုတဲ့လူပဲဖြစ်ပါတယ်။ အို၊ အေ၊ ဘီနဲ့ အေဘီဆိုပြီး သွေးအမျိုးအစား စုစုပေါင်း (၄) မျိုးရှိပြီး ရှေးအကျဆုံးကတော့ အိုသွေးပဲဖြစ်ပါတယ်။ Positive ပဲဖြစ်ဖြစ်၊ Negative ပဲဖြစ်ဖြစ် သွေးအမျိုးအစားပေါ်မူတည်ပြီး လိုက်ဖက်တဲ့အစားအသောက်တွေကို စားသုံးပေးသင့်တာတော့ အမှန်ပါပဲ။

၁။ အိုသွေး



Blood-type-o-general.jpg

အိုသွေးဟာ ရှေးအကျဆုံးသွေးအမျိုးအစားတစ်မျိုးဖြစ်ပါတယ်။ အိုသွေးဟာ အေသွေးနဲ့ဘီသွေး (၂) မျိုးလုံးရဲ့ ပဋိပစ္စည်းတွေကို သယ်ဆောင်ထားတဲ့သွေးအမျိုးအစားဖြစ်ပါတယ်။ ဒါကြောင့် အိုသွေးပိုင်ရှင်တွေဟာ ယေဘုယျအားဖြင့် ကိုယ်ခံအားစနစ်မှာကော၊ ကိုယ်ကာယပိုင်းမှာပါ ကြံ့ခိုင်သန်စွမ်းသူတွေဖြစ်ကြပါတယ်။ အိုသွေးပိုင်ရှင်တွေဟာ ပရိုတိန်းဓာတ်နဲ့ အဆီဓာတ်ကြွယ်ဝတဲ့ အစားအသောက်တွေကို စားသုံးပေးသင့်ပါတယ်။ ဒါပေမယ့် ကာဘိုဟိုက်ဒရိတ်နည်းပါးတဲ့အစားအသောက်တွေဟာ အဆီအဖြစ်အလွယ်တကူကူးပြောင်းစေနိုင်တဲ့အတွက် လေ့ကျင့်ခန်းတော့ ပုံမှန်လုပ်ပေးဖို့ လိုအပ်ပါလိမ့်မယ်။

၂။ အေသွေး



blood-type-a-cultivator.jpg

အေသွေးပိုင်ရှင်တွေကတော့ ဗိုက်တာမင်နဲ့ ကာဘိုဟိုက်ဒရိတ်ကြွယ်ဝတဲ့အစားအသောက်တွေကိုစားသုံးပေးသင့်ပါတယ်။ နောက်ပြီး အာဟာရကြွယ်ဝတဲ့အစားအသောက်တွေလည်း လိုအပ်ပါတယ်။ အသားအများကြီးစားခြင်းက အေသွေးပိုင်ရှင်တွေအတွက် မကောင်းပါဘူး။ ဒါကြောင့် အာလူးနဲ့အသားပါဝင်မှုများပြားတဲ့ အစားအသောက်တွေကို နေ့တိုင်းလိုလိုစားသုံးတာက ခင်ဗျားရဲ့အသက်အန္တရာယ်ကို ထိခိုက်စေနိုင်ပါတယ်။ ဒါကြောင့် သစ်သီးတွေ၊ အသီးအရွက်တွေနဲ့ နှံစားသီးနှံတွေက ခင်ဗျားအတွက်အသင့်တော်ဆုံးပါပဲ။

၃။ ဘီသွေး



Recommended-Foods-for-Blood-Type-B-1.jpg

ဘီသွေးပိုင်ရှင်တွေကတော့ ရာသီဥတုအပြောင်းအလဲဒဏ်ကို ကြံ့ကြံ့ခံနိုင်စွမ်းရှိတဲ့လူတွေပါပဲ။ သူတို့ဟာ ဘယ်လိုနေရာ၊ ဘယ်လိုရာသီဥတုမျိုးမှာမဆို နေနိုင်ပါတယ်။ ဘီသွေးပိုင်ရှင်တွေ စားသုံးသင့်တဲ့ အစားအသောက်တွေကတော့ မျှတပြီး အရည်ဓာတ်ကြွယ်ဝတဲ့အစားအသောက်တွေပါပဲဖြစ်ပါတယ်။ အသားကော၊ အသီးအရွက်ကောမျှတအောင် စားပေးသင့်ပါတယ်။ ပဲနီလေးနဲ့ မြေပဲကတော့ လုံးဝရှောင်သင့်ပါတယ်။

၄။ အေဘီသွေး



stf,small,600x600-c,0,0,1000,1000.jpg

အေဘီသွေးကတော့ အရှားပါးဆုံးသွေးအုပ်စုပါပဲ။ အရက်နဲ့ ကဖင်းဓာတ်ဟာ ခင်ဗျားကျန်းမာရေးအတွက် မသင့်တော်ပါဘူး။ အေဘီသွေးပိုင်ရှင်တွေဟာ ပင်လယ်စာတို့၊ နို့ထွက်ကုန်ပစ္စည်းတို့၊ တို့ဖူးတို့ကို စားသုံးပေးသင့်ပါတယ်။ ကစီဓာတ်ကြွယ်ဝတဲ့အစားအသောက်တွေနဲ့ ပရိုတိန်းဓာတ်ကြွယ်ဝတဲ့အစားအသောက်တွေကို အသားနဲ့ရောပြီးစားသုံးခြင်းကို အထူးရှောင်ကြဉ်ပါ။

Source: Youngisthan


က္က