ဘယ်အချိန်မှာ မှေးရမယ်၊ ဘယ်အချိန်တွေမှာ ရှောင်ရမယ်လို့ သိထားတာက သင့်အတွက် အထောက်အကူအများကြီး ဖြစ်စေမှာပါ။
Thurein Tun

914d3068-c7de-42b2-98e1-2782a832f3fb-pexels-photo-206396-6.jpeg 

ခဏလောက်မှေးလိုက်တာဟာ ခန္ဓာကိုယ်စွမ်းအင်တွေကို မြှင့်တင်ပေးနိုင်ရုံတင်မကဘဲ ဦးနှောက်စွမ်းအင်ကိုလည်း တိုးတက်စေပါတယ်။ဒါပေမယ့်လည်း သင် မမှေးသင့်တဲ့ အချိန်တွေရှိပါတယ်။ သင်မမှေးသင့်တဲ့အကြောင်းအရင်းတွေလည်း ရှိပါတယ်။ သင့်အိပ်စက်မှု အလေ့အကျင့်ကို ပျက်ပြားစေတာ၊ သင့်အိပ်စက်မှုဖြစ်စဉ်ကို အနှောင့်အယှက်ပေးတာတွေကြောင့်ပါ။  ဘယ်အချိန်မှာ မှေးရမယ်၊ ဘယ်အချိန်တွေမှာ ရှောင်ရမယ်လို့ သိထားတာက သင့်အတွက် အထောက်အကူအများကြီး ဖြစ်စေမှာပါ။

၁ - ဒီအချိန်တွေကလွဲပြီး

ခဏလောက်မှေးချင်တယ်ဆိုရင် အကောင်းဆုံးအချိန်က နေ့လယ် ၁၂ နာရီကနေ ၃ နာရီကြားဖြစ်ပါတယ်။အခြားအချိန်တွေမှာ မှေးဖို့ဟာ သင့်အတွက် အဆင်ပြေမှာ မဟုတ်ပါဘူး။ ခန္ဓာကိုယ်တွင်းအချိန်မှတ်နာရီမှာ ပြသနာရှိလာနိုင်ပါတယ်။ ညဘက်အိပ်စက်ဖို့ဟာ ပိုမိုခက်ခဲလာတာကို တွေ့ရမှာပါ။

(သင်စိတ်ဝင်စားနိုင်တဲ့ဆောင်းပါး - အိပ်ရေးမဝအောင် လုပ်နေမိတဲ့ အပြုအမူတွေ)

69f3466b-9cd2-4765-8009-940e622869f4-pexels-photo-269141-4.jpeg 

၂ - နေ့လယ်

ခဏမှေးချင်တယ်ဆိုရင် နေ့လယ်စောစောဘက်အချိန်ကို ရွေးသင့်ပါတယ်။ အတတ်နိုင်ဆုံးနောက်မကျသင့်ပါဘူး။ သင်ဟာ ညဘက်အိပ်မပျော်သူတစ်ဦးဆိုရင် နေ့ဘက်တွေမှာ မှေးအိပ်တာမျိုး ဘယ်လိုမှ မလုပ်သင့်ပါဘူး။ တရေးမှေးစက်ခြင်းဟာ ညဘက်မှာ အိပ်စက်ချင်စိတ်ကို ရယူသွားတတ်ပါတယ်။ နေ့လည်ဘက် အိပ်တဲ့အကျင့်ကို ဖျောက်ချင်တယ်ဆိုရင် ကားမောင်းတာ၊ သူငယ်ချင်းတွေဆီလည်တာ စတဲ့ အပြင်ထွက်လှုပ်ရှားမှုမျိုး လုပ်သင့်ပါတယ်။

၃ - တခြားအရပ်

အချိန်ကွာခြားတဲ့ နိုင်ငံခြားတိုင်းပြည်မျိုးကို သွားမယ်ဆိုရင်လည်း တရေးတမော မမှေးသင့်ပါဘူး။ သင်ရောက်သွားတဲ့အချိန်ဟာ နေ့အချိန်ဖြစ်နေတယ်ဆိုရင်လည်း အဆိုပါအရပ်မှာ မမှေးသင့်ပါဘူး။ သင့်ကိုယ်တွင်းက အချိန်မှတ်ဖြစ်စဉ်ဟာ ကပြောင်းကပြန်ဖြစ်လာနိုင်တာကြောင့်ပါ။

a57b0347-82f2-4f43-a67a-0f5d828f343c-pexels-photo.jpg 

၄ - အာရုံစူးစိုက်မှု

အာရုံစူးစိုက်မှုအပြည့်နဲ့ အလုပ်မျိုး လုပ်ဖို့ ရှိတယ်ဆိုရင် ကြိုတင်ပြီး ပြည့်ပြည့်ဝဝ အိပ်ထားပါ။ အနားနီးမှ ခဏလောက် မှေးပြီး လုပ်တာဟာ အာရုံစူးစိုက်မှုကို လျော့ကျစေပါတယ်။ ခဏမှေးပြီးထလာတဲ့အခါ ခေါင်းမကြည်တာတွေ၊ ခေါင်းအုံနေတာတွေ ဖြစ်တတ်တာကြောင့်ပါ။

၅ - ၁၅ မိနစ် ၊ မိနစ် ၂၀

ခဏလောက်မှေးတာ အကောင်းဆုံးပါ။ အချိန်အရမ်းအကြာကြီးမှေးတာကိုတော့ ရှောင်ပါ။အကောင်းဆုံးက ၁၅ မိနစ်ကနေ မိနစ် ၂၀လောက်ထိပဲ မှေးတာအကောင်းဆုံးပါပဲ။ ဒီ့ထက်များတယ်ဆိုရင်တော့ ခေါင်းနောက်တာတွေ၊ ခေါင်းမူးတာတွေနဲ့ နိုးထလာနိုင်ပါတယ်။

Photos & Source: Bustle


က္က