အသားအရေကို နေဒဏ်ကြောင့်ပျက်စီးမှုတွေမဖြစ်အောင် ကာကွယ်ပေးပါတယ်။
Su Yee Moe

အသားအရေမကောင်းလို့ စိတ်ညစ်ရတယ်။ ပြဿနာဖြစ်နေတဲ့ အသားအရေကို အစားစားပြီး ဖြေရှင်းနိုင်မယ်ဆို စိတ်များဆိုးသွားမလားနော်။ မတူညီတဲ့ ပြဿနာတွေအတွက် အစားအမျိုးမျိုးရှိတာမို့ ကိုယ်ဖြစ်နေတဲ့ပြဿနာပေါ်လိုက်ပြီး ဒါလေးတွေ စားနိုင်ပါတယ်။

၁။ ဝက်ခြံ

pumpkin-seeds_0.jpg 

ဖရုံစေ့၊ ကုလားပဲ၊ ကမာကောင်၊ ပဲနီလေးတို့ကို စားပေးရပါမယ်။ ဒီအစားအစာတွေမှာ ဇင့် (zinc) ဓာတ် ပါဝင်ကြပါတယ်။ ဝက်ခြံဖြစ်စေမယ့် ဘက်တီးရီးယား မကြီးထွားအောင် ကာကွယ်ပေးပါတယ်။

၂။ အရေးအကြောင်း

tumeric_0.jpgtumeric_0_0.jpg 

မျက်နှာပေါ်မှာ အရေးအကြောင်းတွေဖြစ်လာပြီဆိုရင် ဆနွင်း (နနွင်း)ကို သတိရလိုက်။ ဆနွင်းရယ် ဂျင်းရယ်က အရေးအကြောင်းတွေကို လျော့စေတယ်။ ဆနွင်းကိုသုံးရတဲ့ ပေါင်းတင်နည်းတွေလည်း သုံးကြည့်နိုင်ပါတယ်။

၃။ အသားအရောင်မွဲခြောက်မှု

lemon-water_0.jpglemon-water_0_0.jpg 

ခန္ဓာကိုယ်တွင်းက pH ပမာဏ ညီမျှသွားအောင် သံပရာရေ (lemon detox water) သောက်ပေးကြည့်ပါ။

၄။ အရောင်ပြောင်းလဲမှု

tomatoes_2.jpgtomatoes_2_0.jpg 

နေပူထဲထွက်လို့ အသားအရေ မညီတော့ဘူး။ အညိုကွက်တွေ၊ အမဲစက်တွေ ဖြစ်ကုန်ပြီဆိုရင် ခရမ်းချဉ်သီးနဲ့ ဖရဲသီးကို စားပေးပါ။ နှစ်မျိုးလုံးမှာပါတဲ့ လိုင်ကိုပိန်း (lycopene)က အသားအရေကို နေဒဏ်ကြောင့်ပျက်စီးမှုတွေမဖြစ်အောင် ကာကွယ်ပေးပါတယ်။

၅။ ခြောက်သွေ့မှု

avocado_1.jpgavocado_1_1.jpg 

ထောပတ်သီးကတော့ အသားအရေ စိုပြေစေတဲ့နေရာမှာ ဆရာကြီးပဲ။ ထောပတ်သီးအပြင် သစ်ကြားသီးနဲ့ သံလွင်ဆီတို့ကလည်း Omega-3 ပါဝင်လို့ အသားအရေကို စိုပြေကြည်လင်စေမှာပါ။

၆။ လျော့တွဲခြင်း

shitake-mushrooms_0.jpg 

အသားအရေ လျော့တွဲလာပြီ၊ တင်းရင်းမှု နည်းလာပြီဆိုရင်တော့ မှိုကိုစားသုံးပေးသင့်ပါတယ်။ Brizil nut လို့ခေါ်တဲ့ အခွံမာသီးကလည်း မှိုလိုပဲ ဆယ်လီနီယံ (selenium) ပါဝင်လို့ ကော်လာဂျင်ထုတ်လုပ်မှုကို လှုံ့ဆော်ပေးရာရောက်ပါတယ်။

Source : Shape


က္က