ညအိပ်မပျော်တဲ့သူ (insomniac) ဆိုတာ အိပ်မောကျဖို့ အလွန်ခက်ခဲသူတွေကို ခေါ်တာပါ။
Thiha Htun

ညအိပ်မပျော်တဲ့သူ (insomniac) ဆိုတာ အိပ်မောကျဖို့ အလွန်ခက်ခဲသူတွေကို ခေါ်တာပါ။ လူတစ်ယောက်ဟာ ပျမ်းမျှအားဖြင့် တစ်နေ့ကို (၈) နာရီအိပ်ဖို့ လိုုအပ်ပေမယ့် ညအိပ်မပျော်တဲ့သူတွေကတော့ တစ်နေ့တစ်နေ့ နာရီအနည်းငယ်အိပ်ပျော်ဖို့တောင် အိပ်ဆေးကူနေရရှာသူတွေပါ။

signs-dealing-insomnia.jpg 

သူတို့ဟာ တစ်ခုခုကို အတွေးလွန်နေတာဖြစ်ချင်ဖြစ်မယ်။ မျက်နှာကျက်ကိုကြည့်ငေးရင်း သိုးကောင်လေးတွေကို ရေတွက်နေတာ ဖြစ်ချင်ဖြစ်မယ်။ ဒါပေမယ့် သူတို့ရဲ့ညအိပ်ရခက်ခဲတဲ့ ဓလေ့ကြောင့် အခက်ကြုံရတတ်ပါတယ်။ တကယ်လို့ ခင်ဗျားသာ ညအိပ်မပျော်တဲ့ လူတစ်ယောက်ဆိုရင် အောက်ကအချက်တွေကို ရင်းနှီးကျွမ်းဝင်နေမှာပါ။

၁။ အမြဲလိုလို မောပန်းနေမယ်

Not-Enough-Sleep.jpg 

ကောင်းကောင်းအိပ်မပျော်တတ်တဲ့သူတွေဆိုတော့ ခန္ဓာကိုယ်က အမြဲလိုလို ပင်ပန်းနွမ်းနယ်နေပါလိမ့်မယ်။ လူတစ်ယောက်ရဲ့ မျက်နှာကိုကြည့်လိုက်တာနဲ့ ဘယ်လောက်မောပန်းနေတယ်ဆိုတာကို သိနိုင်ပါတယ်။ တရေးတမောအိပ်စက်လိုက်ရင် ပြဿနာ ပြေလည်နိုင်စေမှာဖြစ်ပေမယ့် အိပ်စက်ခြင်းက သူတို့အတွက် ဘယ်တော့မှ မလွယ်ကူပါဘူး။

၂။ လေ့ကျင့်ခန်းတွေ၊ ဆေးဝါးတွေကလည်း ထင်သလောက်အလုပ်မဖြစ်ဘူး

How_to_Treat_Insomnia_With_Medicinal_Marijuana.jpg 

ညအိပ်မပျော်သူတစ်ဦးဟာ အိပ်ရေးကောင်းကောင်းဝဖို့အတွက် ဆီလိမ်းတာတို့၊ ဆံပင်ကိုနှိပ်နယ်တာတို့၊ အိပ်ဆေးသောက်တာတို့ အစရှိသဖြင့် နည်းလမ်းပေါင်းစုံကို စမ်းသပ်ကြပါလိမ့်မယ်။ ကံဆိုးစွာနဲ့ပဲ ဒါဟာ ထင်သလောက်အလုပ်မဖြစ်ပါဘူး။ ကြာလာရင် အိပ်ပျော်ဖို့အတွက် အားထုတ်နေရတာကြီးကိုက ခက်ခဲလာပြီး စိတ်ရှုပ်စရာဖြစ်လာပါတယ်။

၃။ နှိုးစက်နာရီအသံမမြည်ခင်တည်းက နိုးနေမယ်

o-ANXIETY-SLEEP-facebook.jpg 

ဒါဟာလည်း စိတ်ညစ်စရာပါပဲ။ တွေးကြည့်ပါ။ မနက် (၈) နာရီအိပ်ယာထဖို့ နှိုးစက်ပေးထားမယ်။ ဒါပေမယ့် မနက် (၅) နာရီ ကတည်းက ရုတ်တရက်ကြီးနိုးလာမယ်။ ပြန်အိပ်လို့ကလည်း မရဘူးဆိုပါစို့။ ဒါဟာလည်း ညအိပ်မပျော်တဲ့သူတိုင်း ရင်ဆိုင်နေရတဲ့ စိတ်နှလုံးထိခိုက်ကြေကွဲဖွယ် အဖြစ်အပျက်တစ်ခုပါပဲ။

၄။ စိတ်ရှုပ်လာမယ်

burn-out.jpg 

အိပ်မပျော်တဲ့သူတစ်ယောက်အတွက်တော့ စိတ်ရှုပ်တယ်ဆိုတာ မဆန်းပါဘူး။ လေ့ကျင့်ခန်းလုပ်တာ၊ အိပ်ဆေးသောက်တာ တွေကလည်း အလုပ်မဖြစ်တော့ ညဘက်ရောက်တိုင်း စိတ်ရှုပ်လာရပါတယ်။ တစ်ခါတလေဆို အော်ဟစ်ပေါက်ကွဲပစ်ချင်လာ တဲ့အထိ စိတ်ရှုပ်လာပါလိမ့်မယ်။ အဲဒီအချိန်မှာ ခေါင်းအုံးဟာ လက်သီးချက်တွေကို ခံယူပေးရတဲ့ ဓားစာခံဖြစ်သွားပါတော့တယ်။

၅။ လူမှုကွန်ရက်တွေက အဖော်မွန်ဖြစ်လာမယ်

gettyimages-558175165.jpg 

ကြိုးစားလို့မရတော့တဲ့အဆုံးမှာ ညအိပ်မပျော်တဲ့သူတွေဟာ နောက်ဆုံးမှာ လက်လျှော့အရှုံးပေးလိုက်ပြီး လူမှုကွန်ရက်တွေပေါ်မှာ စတေးတပ်စ်တက်ရေးတာတို့၊ ဟိုကြည့်ဒီကြည့်လုပ်တာတို့၊ youtube ဗီဒီယိုတွေကြည့်တာတို့ လုပ်ပါတော့တယ်။ ကြည့်ရင်းကြည့်ရင်း မျက်လုံးတွေလေးလာပြီး အိပ်များပျော်သွားမလားဆိုတဲ့ မျှော်လင့်ချက်ယဲ့ယဲ့လေးနဲ့ပေါ့။ တစ်ခါတလေမှာတော့ အလုပ်ဖြစ်သွားတတ်ပါတယ်။

Source: youngisthan


က္က