Thiha Htun

"အဆီစားလို့ အသားမဖြစ်၊ အဆီများရင် ဘေးဖြစ်" ဆိုတဲ့ ဆောင်ပုဒ်နဲ့ ပညာပေးဇာတ်လမ်းတိုလေးတွေကို ကြည့်ခဲ့ဖူးမှာပါ။ တကယ်တမ်းမှာလည်း ကျွန်တော်တို့ဟာ အဆီတွေစားရင် ကိုယ်အလေးချိန်တက်နိုင်တယ်။ နှလုံးကျန်းမာရေးထိခိုက်နိုင်တယ် ဆိုတဲ့ ယုံကြည်ချက်တွေနဲ့ အဆီဓာတ်ပါဝင်တဲ့ အစားအသောက်တွေကို ရှောင်ကြဉ်ကြပါတယ်။

fat.jpg 

ပြည့်ဝဆီတွေ၊ ပြန်ကြော်ဆီတွေလို လူ့ခန္ဓာကိုယ်ကို ဒုက္ခပေးနိုင်တဲ့ အဆီတွေရှိသလို လူ့ခန္ဓာကိုယ်ကို အကျိုးပြုနိုင်တဲ့ အဆီတွေလည်း ရှိပါသေးတယ်။ လူ့ခန္ဓာကိုယ်မှာ အဆီဓာတ်ခမ်းခြောက်နေရင် ဖြစ်တတ်တဲ့ လက္ခဏာတွေကိုလည်း သိထားဖို့ လိုအပ်ပါသေးတယ်။

၁။ အရေပြားခြောက်သွေ့မယ်

Rough-And-Dry-Skin-Care-For-All-Skin-Types2.jpg 

အရေပြားခြောက်သွေ့ခြင်းပြဿနာက ကျွန်တော်တို့လို အပူပိုင်းဒေသကလူတွေ ကြုံတွေ့နေကျ ပြဿနာတစ်ခုပါ။ ဒါပေမယ့် အရေပြားခြောက်သွေ့ခြင်းက ဘာကိုပြသချင်နေလဲဆိုတာကိုကော သိကြပါသလား။ အရေပြား ခြောက်သွေ့တယ်ဆိုတာ ရေဓာတ်ခမ်းခြောက်မှုတစ်ခုတည်းကို ဖော်ပြတာမဟုတ်ဘဲ ခန္ဓာကိုယ်အတွက် အကျိုးရှိမယ့် အဆီဓာတ်တွေလည်း လျော့နည်းနေတယ်ဆိုတာကို ပြသနေတာပါ။

ဒါကြောင့် ဆယ်လ်မွန်ငါးတို့၊ သံလွင်ဆီတို့လို ကောင်းမွန်တဲ့အဆီ ပါဝင်မှုများတဲ့ အစားအစာတွေကို စားပေးသင့်ပါတယ်။

၂။ ဗိုက်ဆာလာမယ်

rexfeatures_735760a.jpg 

ပီဇာတို့၊ ကိတ်မုန့်တို့လို ကာဘိုဟိုက်ဒရိတ်ပါဝင်မှုများတဲ့ အစားအသောက်တွေကို စားပြီး မကြာပါဘူး။ ဗိုက်ဆာလာသလို ခံစားနေရပြီဆိုရင်တော့ သေချာပါတယ်။ ခန္ဓာကိုယ်မှာ ကောင်းမွန်တဲ့ အဆီဓာတ်လျော့နည်းနေတဲ့ လက္ခဏာပါပဲ။ ဒါကြောင့် junk food တွေပဲ လှိမ့်မစားဘဲ ခန္ဓာကိုယ်အဆီဓာတ်ပြည့်ဝစေမယ့် အစားအစာမျိုးလည်း စားပေးပါဦး။

See Also: 

၃။ ဟော်မုန်းမညီမျှသလို ဖြစ်မယ်

ကျွန်တော်တို့ခန္ဓာကိုယ်ထဲက ဟော်မုန်းတော်တော်များများကို အဆီဓာတ်တွေက ထုတ်လုပ်ပေးတယ်ဆိုတာကို သိပါသလား။ လိင်စိတ်ဟော်မုန်းလိုမျိုး ဟော်မုန်းတွေ ထုတ်လုပ်ရာမှာ ကောင်းမွန်တဲ့အဆီတွေဟာ ကူညီပေးနိုင်ပါတယ်။ နောက်ပြီး အဆီဓာတ်ခမ်းခြောက်ခြင်းဟာ အမျိုးသမီးတွေမှာ ဓမ္မတာလာခြင်းဆိုင်ရာ ပြဿနာတွေ ဖြစ်လာစေနိုင်ပါတယ်။

၄။ ဝိတ်မကျဘူး

636053561596204535-1242794552_weight-gain (1).jpg 

ဝိတ်ချဖို့ ကြိုးစားနေသူတွေက ဝိတ်ကျဖို့အတွက် အဆီပါတဲ့ အစားအစာတွေကိုရှောင်ဖို့ လိုအပ်တယ်လို့ ထင်တတ်ကြပါတယ်။ မှန်သင့်သလောက်တော့ မှန်ပါတယ်။ ခန္ဓာကိုယ်အတွက် မကောင်းမွန်တဲ့ ပြည့်ဝဆီတွေနဲ့ ကြော်ထားချက်ထားတဲ့ အစားအသောက်တွေကိုတော့ ရှောင်ကြဉ်ရမှာပါ။ ဒါပေမယ့် အဆီမှန်သမျှကိုတော့ ရှောင်ကြဉ်ဖို့ မလိုပါဘူး။

တချို့တွေဆိုရင် ရေလုံပြုတ်ပဲ ထိုင်စားနေပေမယ့် ဝိတ်ကျမလာတာကို တွေ့ရှိရပါတယ်။ ဒါဟာ ဘာဖြစ်လို့လဲဆိုတော့ ခန္ဓာကိုယ်က ကောင်းမွန်တဲ့အဆီတွေကိုလည်း လိုအပ်လို့ပါပဲ။ အဲဒီအဆီတွေဟာ တစ်နေ့တာလုံး အားအင်ပြည့်ဝ နေစေဖို့အတွက်လည်း ကူညီပေးနိုင်ပါတယ်။

၅။ ချမ်းသလိုလို ခံစားရမယ်

huffpost_1459077422.jpg 

အဲလ်ကွန်းလည်း ဖွင့်မထားဘဲ အလကားနေရင်း ချမ်းသလိုလို ခံစားနေရမယ်ဆိုရင် ဒါဟာ ခန္ဓာကိုယ်မှာ အဆီလိုအပ်နေတဲ့ လက္ခဏာတစ်ရပ်ပါပဲ။ ကောင်းမွန်တဲ့ အဆီတွေဟာ ခန္ဓာကိုယ်အပေါ်ယံလွှာကို အကာအကွယ်တစ်ခုလို လွှမ်းထားပေးပြီး အေးချမ်းမှုဒဏ်ကို ကြံ့ကြံ့ခံနိုင်စေပါတယ်။ နောက်ပြီး အဆီစားသုံးမှုကို ရပ်တန့်လိုက်တာနဲ့ တပြိုင်နက် အဲဒီလို ဝေဒနာတွေ ခံစားလာရပါလိမ့်မယ်။

Source: youngisthan

 


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က