Thiha Htun

ကျွန်တော်တို့ မြန်မာလူမျိုးအများစုရဲ့ နေ့စဉ်အစားအသောက်မှာ မပါမဖြစ်ကတော့ ထမင်းဖြူ (white rice) ပါပဲ။ ထမင်းဖြူစားခြင်းမှာ အာဟာရအကျိုးကျေးဇူးတွေရှိသလို ကျန်းမာရေးအတွက် မသင့်တော်တဲ့ ဆိုးကျိုးတွေလည်း ရှိပါတယ်။ အဓိကကတော့ ထမင်းဖြူအများကြီးစားမိရင် ကျန်းမာရေးအတွက် ဆိုးကျိုးတွေ ဖြစ်စေနိုင်တာပါ။

04-1401884457-23-1369301893-x22-1369223328-riceboiled.jpg 

အဓိကကတော့ ဝိတ်တက်လာမှာပါ။ နောက်ပြီး ထမင်းဖြူအများကြီး စားမိရင် အစာအိမ်မှာ ဝန်ပိစေနိုင်တဲ့အတွက် ကျွမ်းကျင်သူတွေက ညဘက်မှာထမင်းဖြူစားခြင်းကို ရှောင်ရှားဖို့ တိုက်တွန်းကြတာဖြစ်ပါတယ်။ ထမင်းဖြူကို တတ်နိုင်သမျှ ရှောင်ကြဉ်မယ်ဆိုရင် ရရှိနိုင်တဲ့ ကောင်းကျိုးတွေကတော့...

၁။ သွေးတွင်းသကြားပမာဏကို ထိန်းညှိပေးတယ်

04-1401884375-diabetes.jpg 

ထမင်းဖြူမစားခြင်းက သွေးတွင်းသကြားပမာဏကို ပုံမှန်အတိုင်းဖြစ်အောင် ထိန်းညှိပေးနိုင်ပါတယ်။ ဘာကြောင့်လဲဆိုတော့ ထမင်းဖြူအများကြီးစားခြင်းက သွေးတွင်းသကြားဓာတ်ကို ဆောင့်တက် လာစေနိုင်လို့ပါပဲ။ ဒါကြောင့် ဆီးချိုသမားတွေ ထမင်းဖြူကို တတ်နိုင်သမျှ ရှောင်ကြတာပဲဖြစ်ပါတယ်။

၂။ ဝမ်းချုပ်ခြင်းကို သက်သာစေတယ်

04-1401884354-11-constipation.jpg 

ထမင်းဖြူကို ပုံမှန်စားသူတွေဟာ ကြာလာတာနဲ့တပြိုင်နက် ဝမ်းချုပ်ခြင်းကို ခံစားလာရနိုင်ခြေရှိပါတယ်။ ထမင်းဖြူမှာ အမျှင်ဓာတ်များများစားစားမပါဝင်တဲ့အတွက် အစာအိမ်နဲ့ အူလမ်းကြောင်း တလျှောက် ချောမွေ့နေအောင် မကူညီပေးနိုင်ပါဘူး။ အကျိုးဆက်အနေနဲ့ ဝမ်းချုပ်၊ ဝမ်းကိုက်ခြင်း ဖြစ်လာရပါတယ်။

See Also: 

၃။ ကိုယ်အလေးချိန်ထိန်းညှိပေးတယ်

04-1401884506-6-rice.jpg 

ကိုယ်အလေးချိန်ကိုထိန်းညှိဖို့အတွက် ထမင်းဖြူကို အနည်းဆုံး တစ်ပတ် တစ်ကြိမ်လောက် လုံးဝမစားဘဲ နေနိုင်ရင်အကောင်းဆုံးပါပဲ။ ထမင်းဖြူထဲမှာ ကာဘိုဟိုက်ဒရိတ်ပမာဏ အများကြီးပါဝင်တဲ့အတွက် များများစားမိရင် ဝိတ်တက်လာဖို့ပဲရှိပါတယ်။

၄။ အာဟာရတန်ဖိုးမကျစေဘူး

04-1401884544-rice.jpg 

တချို့က ထင်ကြပါတယ်။ ထမင်းမစားဘဲနေရင် အာဟာရတန်ဖိုး မပြည့်ဘဲ နေမှာပေါ့ဆိုပြီး။ တကယ်တမ်းကျတော့ ထမင်းမှာပါဝင်တဲ့ အာဟာရတန်ဖိုးကို ထမင်းလောက် ဘေးထွက်ဆိုးကျိုး မများတဲ့ အစိမ်းရောင် ဟင်းသီးဟင်းရွက်တွေကနေ ရရှိနိုင်ပါတယ်။ ထမင်းမစားရရင် မတင်းတိမ်နိုင်ဘူးဆိုရင်တော့ ထမင်းဖြူအစား ဆန်ညိုထမင်း (brown rice) ကို ရွေးချယ်သင့်ပါတယ်။

၅။ ဗိုက်ဆာမလွယ်တော့ဘူး

04-1401884942-whiterice.jpg 

ထမင်းဖြူစားတဲ့လူတွေအနေနဲ့ ထမင်းဖြူစားထားပြီးရင် ခဏခဏဗိုက်ပြန်ဆာတတ်တာကို ကြုံဖူးကြပါလိမ့်မယ်။ ဒါဟာ ထမင်းဖြူထဲမှာပါဝင်တဲ့ ကစီဓာတ်နဲ့ ကာဘိုဟိုက်ဒရိတ်ကြောင့်ပါပဲ။ ထမင်းဖြူကို ရှောင်လိုက်မယ်ဆိုရင် ဒီပြဿနာတွေလည်း ကင်းဝေးသွားမှာပါ။

Source: Boldsky

 


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က