ဒီလို မျက်စိကို တအားခိုင်းနေရတဲ့ ကမ္ဘာကြီးမှာ မျက်စိကျန်းမာရေးအတွက် အစားအသောက်၊ အနေအထိုင် ထိန်းသိမ်းသင့်သလို လေ့ကျင့်ခန်းလေးတွေလည်း လုပ်ပေးသင့်ပါတယ်။
Thiha Htun

လူမှုကွန်ရက်၊ ရုပ်သံတီဗီ၊ ဒစ်ဂျစ်တယ်ဂိမ်း၊ ဒစ်ဂျစ်တယ်အလုပ်တွေနဲ့ ကမ္ဘာ.... တစ်ခါတလေကျရင် ကျွန်တော်တို့တွေ ကိုယ့်ကိုယ်ကို ပြန်မေးကြည့်သင့်ပါတယ်။ ကိုယ့်မျက်စိကိုယ် ဘယ်လောက်တောင်များ မညှာမတာ ခိုင်းစားမိနေကြလဲဆိုပြီး။ အလုပ်လုပ်တော့လည်း ဖန်သားပြင် (screen) တွေပေါ်မှာ၊ အနားယူတော့လည်း ဖန်သားပြင် (screen) တွေပေါ်မှာ၊ နောက်ဆုံး အစားစားတာ၊ ကြင်ယာရှာတာကအစ ဒီဒစ်ဂျစ်တယ်ပစ္စည်းလေးတွေပေါ်က ဖန်သားပြင် (screen) တွေပေါ်ကတဆင့် လုပ်ဆောင်လို့ရနေပါပြီ။

 

ဒီလို မျက်စိကို တအားခိုင်းနေရတဲ့ ကမ္ဘာကြီးမှာ မျက်စိကျန်းမာရေးအတွက် အစားအသောက်၊ အနေအထိုင် ထိန်းသိမ်းသင့်သလို လေ့ကျင့်ခန်းလေးတွေလည်း လုပ်ပေးသင့်ပါတယ်။ ယခုဖော်ပြပေးမှာကတော့ မျက်စိကျန်းမာရေးအတွက် လုပ်ပေးသင့်တဲ့ လေ့ကျင့်ခန်းလေးတွေပဲ ဖြစ်ပါတယ်။

၁။ မျက်စိကြွက်သားတွေကို နှိပ်နယ်ပေးပါ

800Nov24-LIFE-Oil-Pulling-MM-0022.png 

လုပ်ရမှာလေးကတော့ ရိုးရှင်းပါတယ်။ ဒါပေမယ့် မနက်တိုင်းတော့ လုပ်ပေးလို့လိုပါတယ်။ မနက်အိပ်ယာထပြီဆိုတာနဲ့ မျက်နှာကို ရေအေးအေးလေးနဲ့ သစ်ပေးပါ။ ပြီးရင် ပါးစပ်ထဲမှာရေငုံပါ။ မျက်စိကိုမှိတ်ထားပြီး ရေအေးအေးလေးနဲ့ မျက်စိပေါ်ကိုပက်ဖြန်းပေးပါ။ ပါးစပ်ထဲမှာငုံထားတော့ ပါးနဲ့မေးရိုးအာရုံကြောတွေတင်းပြီး မျက်စိနားတဝိုက်က ကြွက်သားတွေကို နှိုးဆွပေးနိုင်တာပါ။ နောက်ပြီး မျက်နှာပေါ်ကို ရေအေးနဲ့ပက်ဖျန်းပေးခြင်းက မျက်စိအာရုံကြောတွေကို လှုံ့ဆော်ပေးပြီး အရေပြားကိုလည်း နုပျိုလန်းဆန်းလာစေပါတယ်။

၂။ ပင်ပန်းနွမ်းနယ်နေတဲ့ မျက်စိကို နှိပ်နယ်ပေးပါ

Massaging-Your-Eyes.jpg 

ဒီနည်းလမ်းလေးကတော့ ကွန်ပျူတာ စခရင်ရှေ့မှာအကြာကြီးထိုင်ပြီးအလုပ်လုပ်နေရတဲ့လူတွေအတွက်တော့ အသင့်တော်ဆုံးပါပဲ။ လက်မကို မျက်ခုံးအပေါ်မှာ၊ လက်ညှိုးကိုမျက်ခုံးအောက်မှာထားပြီး ညှင်သာစွာနှိပ်နယ်ပေးပါ။ ပြီးရင် မျက်ခုံးရိုးတလျှောက်လုံးကို ညှင်သာစွာဖိအားပေးပါ။

နောက်တစ်ခုကတော့ မျက်စိမှိတ်ထားပြီး လက်မနဲ့မျက်လုံးအပေါ်ကနေ ညှင်ညှင်သာသာလေး ပွတ်ပေးပါ။  မျက်လုံးအနားတဝိုက် သွေးလည်ပတ်မှုကောင်းအောင်နဲ့ အာရုံကြောတင်းမာမှုတွေကိုဖြေလျှော့ဖို့ ဒီနည်းလမ်းလေးကို (၃) နာရီတစ်ကြိမ်လောက် ပြုလုပ်ပေးသင့်ပါတယ်။ ဒီလေ့ကျင့်ခန်းလေးကတော့ ကွန်ပျူတာစခရင်ကိုအကြာကြီး ကြည့်နေရလို့ မျက်စိညောင်းညာနေတဲ့သူတွေရဲ့ အဖော်မွန်လေးဖြစ်မှာပါ။

၃။ မျက်စိလေ့ကျင့်ခန်းလုပ်ပေးပါ

ဒီနည်းလမ်းလေးကတော့ မျက်လုံးကြွက်သားလေးတွေကို နှိုးဆွပေးဖို့အတွက် လုပ်ပေးရတာပါ။ အရင်ဆုံး မျက်လုံးကိုဘယ်ကနေညာ၊ ညာကနေဘယ် ကြည့်ပေးပါ။ ပြီးရင် အပေါ်ကအောက်၊ အောက်ကနေ အပေါ်ပြန်ကြည့်ပေးပါ။ ပြီးရင် နာရီလက်တံံအတိုင်းတစ်ခါ၊ နာရီလက်တံပြောင်းပြန်တစ်ခါ မျက်လုံးကို မျက်ခွံအထဲမှာ လှည့်ပေးပါ။ တစ်ကြိမ်လုပ်ရင် အပေါ်ကနည်းအတိုင်း (၃) (၄) ခါလောက် လုပ်ပေးမယ်ဆိုရင် မျက်စိကြွက်သားတွေကို အထူးအားကောင်းလာစေနိုင်မှာပါ။

၄။ မျက်စိကိုအနားပေးပါ

GettyImages-177246946-56b817b55f9b5829f83d9757.jpg 

ဒီနည်းလမ်းလေးကတော့ မျက်စိအထူးကုဆရာဝန် ဒေါက်တာဘိတ်စ် က လက်ဝါးအပူပေးနည်းလမ်းလို့ နာမည်ပေးထားတဲ့ နည်းလမ်းလေးပဲဖြစ်ပါတယ်။ ဒီနည်းလမ်းအတိုင်းလုပ်ဖို့ လက်ဖဝါးနှစ်ဖက်ကို စက္ကန့် (၃၀) လောက်ကြာအောင် ပွတ်တိုက်ပြီး အပူပေးပါ။ ပြီးရင် မျက်လုံးမှိတ်ပြီး မျက်ခွံပေါ်မှာညှင်သာစွာတင်ပြီး အပူပေးလိုက်ပါ။

အပူချိန်လျော့ပါးသွားသည်အထိ တစ်မိနစ်လေက်ကြာအောင် အဲဒီပုံစံအတိုင်းထားပေးပါ။ ပြီးရင်မျက်လုံးကို ဖြေးညှင်းစွာဖွင့်ကြည့်ပါ။ စစချင်းတော့ အလင်းရောင်စူးစူးကိုတိုက်ရိုက်မကြည့်မိပါစေနဲ့။ သင့်ရဲ့မျက်လုံးတွေကို ပတ်ဝန်းကျင်ရဲ့အလင်းအမှောင်ပြောင်းလဲမှုကို နေသားကျဖို့အချိန်ပေးလိုက်ပါဦး။

Source: Webmd


ဆက်စပ်အကြောင်းအရာများ


Author


က္က