• Lifestyle
    အချိုတွေပဲ စားချင်စိတ်ပေါက်နေရတဲ့ အကြောင်းအရင်း (၄) ခု
Thurein Tun

donuts-how-win-war-against-sugar-cravings.jpg 

အချိုစားချင်စိတ်ပဲ ဖြစ်နေတာမျိုး လူတိုင်း ဖြစ်တတ်ပါတယ်။ ခန္ဓာကိုယ်အတွင်း အဟာရဓာတ်တွေ ဟန်ချက်မညီတာမျိုးကြောင့် အဖြစ်များပါတယ်။ တချို့ကတော့ အလေ့အကျင့်လုပ်ထားလို့ ဖြစ်ပါတယ်။ အချိုစားချင်စိတ်ပဲ ဖြစ်နေရတဲ့ အကြောင်းအရင်း ၄ ချက် ရှိပါတယ်။

၁ - ကယ်လိုရီ

ကယ်လိုရီ လုံလုံလောက် သင်မစားတဲ့အခါမှာ ခန္ဓာကိုယ်ဟာ လောင်စာကို မြန်မြန်ဆန်ဆန်ရရှိဖို့ ကြိုးစားလာပါတယ်။ ဒီအခါမှာ အချိုစားချင်စိတ် ပေါက်လာပါတယ်။ ဒါပေမယ့် အချိုစားလိုက်ခြင်းဟာ ခဏပဲ အာသီသ ပြေစေပါတယ်။  ခန္ဓာကိုယ်ဟာ ကယ်လိုရီကိုသာ လိုအပ်နေတာကြောင့် ကယ်လိုရီပါတဲ့ အစားအစာတွေကိုသာ စားသုံးသင့်ပါတယ်။

sugar-cravings (1).jpg 

၂ - အလေ့အကျင့်

အချိုစားတာကို အလေ့အကျင့်မျိုး လုပ်ထားတာ ဖြစ်ပါတယ်။ ဥပမာ-  ထမင်းစားပြီးတဲ့အခါတိုင်း အချိုတစ်ခုခု စားတဲ့အကျင့်မျိုး ရှိတဲ့အခါ ထမင်းပြီးရင် အချိုစားရမှ ကျေနပ်တာမျိုး ဖြစ်ပါတယ်။ နေ့လယ်ဘက်အိပ်ပြီး ပြန်ထတဲ့အခါ အချိုစားတဲ့အကျင့်လုပ်ထားသူမျိုးလည်း ရှိပါတယ်။ အချိုစားတာဟာ အကျင့်ဖြစ်လာပြီး မစားရတဲ့အခါမျိုးမှာ တစ်ခုခုလိုသလို ဖြစ်နေတတ်ပါတယ်။

(သင်စိတ်ဝင်စားနိုင်တဲ့ ဆောင်းပါး - သွားတိုက်တိုင်း လျှာကို သတိရပါ)

2F99B3A500000578-3373542-image-a-39_1450983102235.jpg 

၃ - အဆီနဲ့ ပရိုတိန်း

ကစီဓာတ်များတဲ့ အစားအစာတွေကို စားပြီး အဆီနဲ့ပရိုတိန်းဓာတ်လုံလောက်စွာ မရရှိတဲ့အခါမှာလည်း အချိုစားချင်စိတ်ပဲ ဖြစ်နေတတ်ပါတယ်။ ဗိုက်ပြည့်တယ်ဆိုတဲ့ ခံစားမှုကိုလည်း မရပါဘူး။ ဒီအခါမှာ အဆီနဲ့ ပရိုတိန်းပါတဲ့ အစားအသောက်မျိုးကို စားသင့်ပါတယ်။ အသီးအရွက်နဲ့ ရောစားပေးရင် ပိုကောင်းပါတယ်။

sweet-cravings.jpg 

၄ - ဆိုဒီယမ်

ဆိုဒီယမ်များတဲ့ အစားအသောက်တွေကိုပဲ စားနေတဲ့ အခါမှာလည်း အချိုစားချင်စိတ် ပိုမိုဖြစ်ပေါ်ပါတယ်။ အသင့်ထုပ်ပြီးသားအစားအစာမျိုးတွေပဲ စားနေတာဟာလည်း  ဆိုဒီယမ်ဓာတ်ပိုမို ရရှိပြီး အချိုဓာတ်ကို ပိုမိုတောင့်တတတ်ပါတယ်။ ဒီလိုအခြေအနေကြောင့် အချိုစားချင်တယ်ဆိုရင်တော့ ချိုတဲ့သဘာဝအသီးအနှံမျိုးကို စားပေးသင့်ပါတယ်။

(သင်စိတ်ဝင်စားနိုင်တဲ့ ဆောင်းပါး - နေပူရှပ်ပြီး မောပန်းနွမ်းနယ်ရင် ဘာလုပ်မလဲ)

Photos & Source:keriglassman


ဆက်စပ်သတင်းများ


Newsletter
Don't Miss The Best Of Duwun

See stories of the future in your inbox each morning

News
Entertainment
Sports
Women
Lifestyle
Tech

Copyright © 2018 Duwun.

Privacy Policy | About Us