ကိုယ်ရေးကိုယ်တာ ကိစ္စတွေနဲ့ အလုပ်ကိစ္စတွေ ရောထွေးလာတဲ့အခါ အလုပ်ပြီးသင့်သလောက်မပြီးတာတွေ၊ ဖန်တီးနိုင်စွမ်းလျော့ကျလာတာတွေ ဖြစ်နိုင်ပါတယ်။
Saint Sandy Htet

ကိုယ်ရေးကိုယ်တာ ကိစ္စတွေနဲ့ အလုပ်ကိစ္စတွေ ရောထွေးလာတဲ့အခါ အလုပ်ပြီးသင့်သလောက်မပြီးတာတွေ၊ ဖန်တီးနိုင်စွမ်းလျော့ကျလာတာတွေ ဖြစ်နိုင်ပါတယ်။ အလုပ်ထဲ ကိုယ်ရေးကိုယ်တာကိစ္စတွေ ယူဆောင်မလာမိဖို့ကတော့ အတော်လေးကို ခက်ခဲပါတယ်။ ကိုယ်ရေးကိုယ်တာနဲ့ အလုပ်ကိုခွဲခြားထားဖို့ ဆောင်ရန်၊ရှောင်ရန်လေးတွေကို အကြံပြုပေးချင်ပါတယ်။

Social Media

အလုပ်ချိန်အတွင်း Personal Email, Text Message တွေ မပို့ပါနဲ့။ တစ်ယောက်ယောက်က ပို့လာခဲ့ရင်လည်း အလုပ်ချိန်မှာ Message တွေကို မဖတ်ပါနဲ့။ အလုပ်ကိစ္စကလွဲလို့ Social Media အသုံးပြုတာ ရှောင်ပါ။ ဒီလိုလုပ်တာက အာရုံထွေပြားစေပြီး အလုပ်လုပ်တာကို နှောင့်နှေးစေပါတယ်။ အလုပ်ချိန်ပြင်ပရောက်မှ ကိုယ်ရေးကိုယ်တာ လုပ်စရာရှိတာလုပ်ပါ။

ရုံးမှာ ရုံးအလုပ်ပဲလုပ်ပါ။

တစ်ခါတစ်ရံ အလုပ်ချိန်ထဲမှာ မေ့ဖျောက်ထားဖို့ ခက်ခဲတဲ့ ကိုယ်ရေးကိုယ်တာပြဿနာတွေရှိတတ်ပါတယ်။ တစ်နေ့မှာ(၈) နာရီလောက်က အလုပ်ခွင်ထဲမှာဆိုတော့ ကိုယ်ပိုင်အချိန်နဲ့ အလုပ်ချိန်က ခွဲထားဖို့ ခက်ပါတယ်။ နည်းလမ်းတစ်ခုကတော့ Personal Life ကို အိမ်မှာပဲ ထားခဲ့ပြီး လုပ်ငန်းခွင်မှာ Professional Life အတိုင်း နေထိုင်နိုင်ဖို့ ကြိုးစားရမှာပါ။

ကိုယ့်ကိုကိုယ် အာရုံစိုက်ပါ။

နောက်ထပ်နည်းလမ်းတစ်ခုကအလုပ်ခွင်မှာ လုပ်ဖော်ကိုင်ဖက်တွေအကြောင်း အတင်းမပြောမိဖို့ပါပဲ။ သူများအတင်းပြောတဲ့ အခါလည်း ကိုယ်ကမပါဝင်မိစေဖို့လိုပါတယ်။

သူများအကြောင်းပြောရင်း ကိုယ့်ရဲ့ ကိုယ်ရေးကိုယ်တာကိစ္စတွေပါ ထုတ်ပြောမိနိုင်ပါတယ်။

လုပ်ဖော်ကိုင်ဖက်အားလုံးကိုလေးစားပါ အလုပ်ခွင်မှာ အလုပ်အကြောင်းပဲ ပြောဆိုပါ။ ကိုယ့်အကြောင်းကို အာရုံစိုက်ပါ။တစ်ပါးသူအကြောင်းတွေကိုမေ့ထားပါ။

ဒီလို အသေးအမွှားလေးတွေကို ဆင်ခြင်လိုက်တယ်ဆိုရင်ပဲ ကိုယ်ရေးကိုယ်တာနဲ့ အလုပ်ကို ခွဲခြားထားဖို့ လွယ်ကူလာစေမှာပါ။စာဖတ်သူတွေအားလုံးလည်း သက်ဆိုင်ရာအလုပ်ခွင်မှာ အောင်မြင်တဲ့ Professional တွေ ဖြစ်နိုင်ကြပါစေနော်။


Author

  • Saint Sandy Htet

    Digital Content Creator


က္က