ကိုယ်ဝန်သည် ရှာနန်ဝက်စ်နဲ့ သူမရဲ့သမီးနှစ်ဦးတို့ဟာ သြဂုတ် ၁၃ ရက်မှာ ပျောက်ဆုံးသွားခဲ့တာ ဖြစ်ပါတယ်။
Ko John

အမေရိကန်နိုင်ငံ ကော်လိုရာဒိုပြည်နယ်မှာ ပျောက်ဆုံးနေခဲ့တဲ့ ကိုယ်ဝန်ဆောင်အမျိုးသမီးနဲ့ သမီးနှစ်ဦးရဲ့ အလောင်းတွေကို စုံစမ်းစစ်ဆေးရေးမှူးတွေက ယနေ့ (သြဂုတ် ၁၈ ရက်) ရှာဖွေတွေ့ရှိခဲ့ပြီးနောက် ရဲတပ်ဖွဲ့က ဖမ်းဆီးထားတဲ့ ခင်ပွန်းဖြစ်သူရဲ့ အာမခံလျှောက်ထားမှုကို တရားရုံးက ပယ်ချလိုက်ပါတယ်။

2018-08-17_210025.jpg

ခရစ်ဝက်စ် မိသားစု (Photo: Breaking 911)



သံသယရှိသူအဖြစ် ဖမ်းဆီးထားတဲ့ အသက် ၃၃ နှစ်အရွယ် ခရစ်ဝက်စ်က အာမခံလျှောက်ထားမှုကို တရားရုံးက ယနေ့ ကြားနာပြီးနောက် ပယ်ချခဲ့ပါတယ်။ ကိုယ်ဝန် ၁၅ ပတ်ရှိနေတဲ့ ရှာနန်ဝက်စ်နဲ့ သူမရဲ့သမီးနှစ်ဦးဖြစ်ကြတဲ့ အသက်သုံးနှစ်အရွယ် ဆီလက်စ်တီနဲ့ အသက်လေးနှစ်အရွယ် ဘယ်လာတို့ဟာ တနင်္လာနေ့ (သြဂုတ် ၁၃ ရက်) မှာ ပျောက်ဆုံးသွားခဲ့တာ ဖြစ်ပါတယ်။

2018-08-17_210450.jpg

ရဲတပ်ဖွဲ့က ဖမ်းဆီးထားသည့် ခရစ်ဝက်စ် (Photo: Newsweek)



ယခုအမှုနဲ့ပတ်သက်ပြီး အမှုဖွင့်တိုင်ကြားထားမှု မရှိသေးဘူးလို့ ဆိုပါတယ်။ သို့သော် ခရစ်ဝက်စ်ဟာ လူသတ်မှုသုံးခုနဲ့ သက်သေဖျောက်ဖျက်မှုသုံးခုတို့ဖြင့် စွဲချက်တင်ခံရနိုင်ကြောင်း Weld County Jail မှ တာဝန်ရှိသူတွေက ပြောပါတယ်။

ယခုအမှုနဲ့ပတ်သက်ပြီး လာမယ့် တနင်္လာနေ့ (သြဂုတ် ၂၀ ရက်) မှာ စွဲချက်တင်ရန် တရားသူကြီး Marcelo Kopcow က အစိုးရရှေ့နေတွေက ပြောကြားထားပြီး အမှုကို သြဂုတ် ၂၁ ရက်မှာ စစ်ဆေးကြားနာသွားရန် သတ်မှတ်ထားပါတယ်။

_103044108_929e3ebc-1bd8-4207-aec2-3e25e93e2d93.jpg

ခရစ်ဝက်စ် မိသားစုနေအိမ် (Photo: CBS)



ရှာနန်ဝက်စ်ရဲ့အလောင်းကို Anadarko Petroleum ကုမ္ပဏီမှာ ရှာဖွေတွေ့ရှိခဲ့ရကြောင်း ဒေသခံမီဒီယာတွေက ဖော်ပြပါတယ်။ ရှာနန်ဝက်စ်နဲ့ သမီးနှစ်ဦးကို ရှာဖွေရာမှာ FBI က လည်း ပါဝင်ကူညီခဲ့ကြောင်း သိရပါတယ်။

ခရစ်ဝက်စ်က အဆိုပါကုမ္ပဏီမှာ ၎င်းကို ဖမ်းဆီးခဲ့တဲ့ ဗုဒ္ဓဟူးနေ့ (သြဂုတ် ၁၅ ရက်) အထိ အလုပ်လုပ်ကိုင်ခဲ့တယ်လို့ Denver Post သတင်းက ပြောပါတယ်။ ခရစ်ဝက်စ်က ဇနီးနဲ့သမီးနှစ်ဦးကို သတ်ခဲ့ကြောင်း ဝန်ခံထွက်ဆိုခဲ့တယ်လို့ ဒေသခံမီဒီယာတွေက ဖော်ပြပါတယ်။

- နောက်ဆက်တွဲသတင်း


က္က