လာမယ့်ရက်များအတွင်း မိုးသည်းထန်စွာ ရွာသွန်းနိုင်ကြောင်း အနီရောင်အဆင့် သတိပေးချက် ထုတ်ပြန်ထားပါတယ်။
Ko John

အိန္ဒိယနိုင်ငံ ကီရာလာပြည်နယ်မှာ ရာစုနှစ်တစ်ခုအတွင်း အဆိုးရွားဆုံး ရေကြီးမှုတွေကြောင့် သေဆုံးသူအရေအတွက် ၆၇ ဦးအထိ မြင့်တက်လာကြောင်းနဲ့ ယနေ့ (သြဂုတ် ၁၅ ရက်) တစ်ရက်တည်းမှာပင် လူ ၂၅ ဦး သေဆုံးခဲ့ကြောင်း သိရပါတယ်။

thousands-of-kilometres-miles-of-roads-and-hundreds-of-homes-have-been-damaged-or-destroyed-by-floods-that-have-ravaged-kerala-during-the-monsoon-1534325872601-2.jpg

Photo: AFP



ရေကြီးမှုတွေကြောင့် ထောင်နဲ့ချီတဲ့ ဒေသခံများ သောင်တင်နေကြပြီး ပြည်နယ်ရဲ့ အဓိက လေဆိပ်တစ်ခုကို ပိတ်ပင်ထားရပါတယ်။ လွန်ခဲ့တဲ့ တစ်ပတ်မှစပြီး မိုးသည်းထန်စွာ ရွာသွန်းနေမှုကြောင့် ကီရာလာပြည်နယ်အတွင်းရှိ ရေပြည့်လျှံကာ ကျိုးပေါက်နိုင်တဲ့ အန္တရာယ်ရှိ ဆည် ၃၅ ခုကနေ ရေများထုတ်လွှတ်ခဲ့ရာမှ အဓိက မြစ်အတွင်းစီးဝင်ကာ ရေကြီးမှုတွေ ဖြစ်ပေါ်ခဲ့ပါတယ်။

65403405.jpg

Photo: Times of India



ရာနဲ့ချီတဲ့ ကျေးရွာများ ရေနစ်မြုပ်နေပြီး ကယ်ဆယ်ရေးလုပ်ငန်းတွေမှာ ပါဝင်ကူညီရန် စစ်တပ်ကို အကူအညီ တောင်းခံခဲ့ရပါတယ်။ ရေကြီးမှုတွေကြောင့် ကီရာလာပြည်နယ်အတွင်း မိုင်ပေါင်း ၆,၂၀၀ ရှိ လမ်းများနဲ့ ရာနဲ့ချီတဲ့ နေအိမ်များ ထိခိုက်ပျက်စီးခဲ့ကြောင်း အာဏာပိုင်တွေက ပြောပါတယ်။

index.jpg

Photo: ABP News



မိုးသည်းထန်ပြီး ရေကြီးမှုတွေကြောင့် ကီရာလာပြည်နယ်ရဲ့ အဓိကလေဆိပ်တစ်ခုဖြစ်တဲ့ ကိုချီအပြည်ပြည်ဆိုင်ရာလေဆိပ်ကို လာမယ့် စနေနေ့ ( သြဂုတ် ၁၈ ရက်) အထိ ပိတ်ထားမယ်လို့ ပြည်နယ်ဝန်ကြီးချုပ် Pinarayi Vijayan ရဲ့ ရုုံးခန်းက Twitter မှာ ကြေညာခဲ့ပါတယ်။

ကီရာလာပြည်နယ် သဘာဝဘေးအန္တရာယ်ဆိုင်ရာ အာဏာပိုင်အဖွဲ့က ရေကြီးမှုတွေကြောင့် သေဆုံးသူအရေအတွက် ဆက်လက် မြင့်တက်လာနိုင်ကြောင်း ခန့်မှန်းထားတယ်လို့ AFP သတင်းဌာနကို ပြောပါတယ်။

download.jpg

Photo: Reuters



လူဦးရေ ၃၃ သန်း နေထိုင်လျက်ရှိတဲ့ ကီရာလာပြည်နယ်မှာ လာမယ့်ရက်များအတွင်း မိုးသည်းထန်စွာ ရွာသွန်းနိုင်ကြောင်း အနီရောင်အဆင့် သတိပေးချက်ကိုလည်း ထုတ်ပြန်ထားတယ်လို့ သိရပါတယ်။ အဆိုပါပြည်နယ်မှာ ယခုနှစ် မုတ်သုန်မိုးများ သည်းထန်စွာရွာသွန်းပြီး ရေကြီးမှုတွေကြောင့် မေလမှစပြီး လူ ၂၀၀ ကျော် သေဆုံးခဲ့ကာ လူဦးရေ ၅၀,၀၀၀ ကျော် ရွှေ့ပြောင်းခဲ့ရပါတယ်။

 Kerala_floods.jpeg

Photo: India Today



ကီရာလာပြည်နယ်မှာ ယခုနှစ်ကဲ့သို့ ဆိုးရွားတဲ့ရေကြီးမှုမျိုးကို ၁၉၂၄ ခုနှစ်မှာ နောက်ဆုံးအကြိမ် ကြုံခဲ့ရတာလည်း ဖြစ်ပါတယ်။ ပင်လယ်ကမ်းရိုးတန်းနဲ့ ရှေးဟောင်းနေရာတွေကြောင့် ကီရာလာပြည်နယ်ကို ပြည်တွင်းပြည်ပ ခရီးသွားများ လာရောက်မှုများပြားကြောင်း သိရပါတယ်။ ပြည်နယ်အစိုးရရဲ့ စာရင်းတွေအရ ယမန်နှစ်အတွင်း ကီရာလာကို နိုင်ငံခြားခရီးသည် တစ်သန်းကျော် လာရောက်ခဲ့တယ်လို့ ဆိုပါတယ်။


ဆက်စပ်အကြောင်းအရာများ


က္က