အမေရိကန်သမ္မတ ဒေါ်နယ်ထရန့် သတင်းစာရှင်းလင်းပွဲ ပြုလုပ်နေစဥ် အိမ်ဖြူတော်အပြင်ဘက်မှာ ပတ်ဝန်းကျင်မှာ ပစ်ခတ်မှုဖြစ်ပွားခဲ့ရာ သတင်းစာရှင်းလင်းပွဲ ခေတ္တရပ်နားခဲ့ရပြီး သမ္မတကို လုံခြုံရေးက ရုတ်တရက် လာရောက်ခေါ်ဆောင်သွားခဲ့ပါတယ်။
(Photo: AFP)
(Photo: AP)
"အိမ်ဖြူတော်အပြင်ဘက်မှာ ပစ်ခတ်မှုတစ်ခု ဖြစ်ခဲ့တာပါ၊ ကောင်းစွာထိန်းချုပ်ထားပြီလို့ ထင်ပါတယ်၊ ဒါပေမဲ့ အမှန်တစ်ကယ် ပစ်ခတ်မှုတစ်ခု ဖြစ်ပွားခဲ့ပါတယ်၊ တစ်စုံတစ်ယောက်ကို ဆေးရုံပို့လိုက်ပါတယ်၊ အဲဒီပုဂ္ဂိုလ်ရဲ့ အခြေအနေကိုတော့ ကျွန်တော် မသိပါဘူး" လို့ ထရန့်က သတင်းစာရှင်းလင်းပွဲကို ပြန်ရောက်လာစဥ် ပြောခဲ့ပါတယ်။ ၎င်းကို သတင်းစာရှင်းလင်းပွဲကနေ ဘဲဥပုံရုံးခန်းသို့ ခေါ်ဆောင်သွားခဲ့တယ်လို့လည်း ထရန့်က ဆိုပါတယ်။
(Map: Google)
Secret Service က Twitter ရေးသားထားမှုအရ ၁၇ လမ်းနဲ့ ပင်ဆယ်ဗေးနီးယားလမ်းထောင့်မှာ ပစ်ခတ်မှုဖြစ်ပွားခဲ့တယ်လို့ သိရပါတယ်။ ပစ်ခတ်မှုဖြစ်ပွားတဲ့ အကြောင်းရင်းနဲ့ ပစ်ခတ်ခံရသူရဲ့ အချက်အလက်ကို မသိကြောင်း၊ သို့သော် ထိုပုဂ္ဂိုလ်ဟာ လက်နက်ကိုင်ဆောင်ထားတယ်လို့ ထရန့်က ဆိုပါတယ်။
သတင်းစာရှင်းလင်းပွဲကို ပြန်ရောက်လာခဲ့ပြီးနောက် ယခုဖြစ်ရပ်ကြောင့် တုန်လှုပ်သွားခဲ့ခြင်းရှိ မရှိ ထရန့်ကို မေးမြန်းခဲ့ရာမှာတော့ "ကမ္ဘာကြီးက အမြဲတမ်း အန္တရာယ်ရှိတဲ့ နေရာပါ၊ ဒါက ထူးခြားတဲ့အရာ မဟုတ်ပါဘူး" လို့ ၎င်းက ဖြေကြားခဲ့ပါတယ်။ Secret Service နဲ့ အလွန်လုံခြုံတယ်လို့ ခံစားရကြောင်းလည်း အမေရိကန်သမ္မထရန့်က ပြောခဲ့ပါတယ်။
Source: Reuters, CNBC