ခွဲထွက်ရေးသမား သောင်းကျန်းသူများဖြစ်ကြောင်း သံသယရှိရသူတွေက တိုက်ခိုက်ခဲ့တာဖြစ်ပါတယ်။
Ko John

ထိုင်းနိုင်ငံတောင်ပိုင်းမှာ ခွဲထွက်ရေးသမား သောင်းကျန်းသူများဖြစ်ကြောင်း သံသယရှိရသူတွေက လုံခြုံရေးကင်းစခန်းတစ်ခုကို စီးနင်းတိုက်ခိုက်ခဲ့မှုအတွင်း ရဲအရာရှိတစ်ဦးနဲ့ ကျေးရွာလုံခြုံရေး ပါဝင်ဆောင်ရွက်နေတဲ့ ရွာသားများ အပါအဝင် ၁၅ ဦး သေဆုံးခဲ့ကြောင်း လုံခြုံရေးတာဝန်ရှိသူတွေက ယနေ့ (နိုဝင်ဘာ ၆ ရက်) ပြောပါတယ်။



(Photo: Reuters)

ယမန်နေ့ (နိုဝင်ဘာ ၅ ရက်) ညနှောင်ပိုင်းက ယာလာပြည်နယ်မှာ ဖြစ်ပွားခဲ့တဲ့တိုက်ခိုက်မှုအတွင်း သောင်းကျန်းသူတွေက ဖောက်ခွဲရေးပစ္စည်များ အသုံးပြုခဲ့ပြီး ၎င်းတို့နောက်ကိုလိုက်သူတွေ အခက်အခဲဖြစ်စေရန် လမ်းမတွေပေါ် သံများဖြန့်ကျဲချထားခဲ့ပါတယ်။ တိုက်ခိုက်မှုအတွင်း လူလေးဦး ဒဏ်ရာရခဲ့ကြောင်းလည်း သိရပါတယ်။

(Photo: Reuters)

ယခုတိုက်ခိုက်မှုဟာ ခွဲထွက်ရေးလှုပ်ရှားမှုတွေနဲ့အတူ မငြိမ်မသက်ဖြစ်နေတဲ့ ထိုင်းတောင်ပိုင်းမှာ လတ်တလော နှစ်များအတွင်း တစ်ကြိမ်းတည်းဖြင့် လူအများဆုံး သေဆုံးခဲ့တဲ့ အဆိုးရွားဆုံး တိုက်ခိုက်မှုလည်း ဖြစ်လာခဲ့ပါတယ်။ မွတ်စလင်မ်အများစု နေထိုင်ကြတဲ့ ထိုင်းတောင်ပိုင်းမှာ ၂၀၀၄ ခုနှစ်မှစပြီး ခွဲထွက်ရေး လက်နက်ကိုင်လှုပ်ရှားမှုတွေ ပေါ်ပေါက်လာခဲ့ကာ တိုက်ခိုက်မှုများကြောင့် ၂၀၁၇ ခုနှစ်အထိ စာရင်းများအရ လူ ၇,၀၀၀ နီးပါး သေဆုံးခဲ့ပါတယ်။

(Photo: AFP/Getty Images)

"ဒီတိုက်ခိုက်မှုက ခွဲထွက်ရေးလှုပ်ရှားနေတဲ့ သောင်းကျန်းသူတွေ လက်ချက်ဖြစ်ဖွယ်ရှိပါတယ်၊ ဒါက လတ်တ‌လော တိုက်ခိုက်မှုတွေထဲမှာ အကြီးဆုံးတိုက်ခိုက်မှုတစ်ခု ဖြစ်ပါတယ်" လို့ ဒေသဆိုင်ရာလုံခြုံရေး ပြောခွင့်ရပုဂ္ဂိုလ် ဗိုလ်မှူးကြီး Pramote Prom-in က Reuters သတင်းဌာနကို ပြောပါတယ်။ လက်ရှိအချိန်အထိ တိုက်ခိုက်မှုကို လုပ်ဆောင်ခဲ့ကြောင်း ထုတ်ဖော်ပြောဆိုမှု မရှိသေးဘူးလို့ ဆိုပါတယ်။



ဆက်စပ်အကြောင်းအရာများ


က္က