အမေရိကန်နိုင်ငံ ဖလော်ရီဒါပြည်နယ် တာဝန်ရှိသူတွေက ပြည်နယ်အတွင်း ခြင်ပေါက်ပွားမှုလျှော့ချရန် မျိုးဗီဇပြုပြင်ထားတဲ့ ခြင်အကောင်ရေ သန်း ၇၅၀ ကို လွှတ်ခွင့်ပြုလိုက်ကြောင်း သိရပါတယ်။

(Photo: Getty Images/iStockPhoto)

အုပ်စုတစ်ခုကတော့ ခြင်တွေလွှတ်မယ့် အစီအစဥ်ကို အများပြည်သူကြား Jurassic Park စမ်းသပ်မှုအဖြစ် ကန့်ကွက်ရှုတ်ချခဲ့ပါတယ်။ သဘာဝပတ်ဝန်းကျင်ဆိုင်ရာ တက်ကြွလှုပ်ရှားသူတွေက ဂေဟစနစ် ပျက်ယွင်းနိုင်ကြောင်းနဲ့ ပိုမွှားသတ်ဆေးကို ခံနိုင်ရည်ရှိတဲ့ခြင်များ ဖြစ်လာနိုင်တဲ့ အလားအလာကို သတိပေးခဲ့ပါတယ်။

(Photo: AP)

အစီအစဥ်အရ ပြည်ထောင်စုကြီးကြပ်ရေးအဖွဲ့က မျိုးဗီဇပြုပြင်ထားတဲ့ ခြင်တွေကို စစ်ဆေးခွင့်ပြုချက်ပေးပြီးနောက် ၂၀၂၁ ခုနှစ်အတွင်း ဖလော်ရီဒါြပည်နယ်ရှိ ဖလော်ရီဒါကီးစ်ကျွန်းဆွယ် (Florida Keys) မှာ ခြင်တွေ လွှတ်သွားမှာဖြစ်ပါတယ်။ အမေရိကန် ပတ်ဝန်ကျင်းဆိုင်ရာဌာန (US Environmental Agency) က ဗြိတိန်အခြေစိုက် အမေရိကန်ကုမ္ပဏီ Oxitec ကို OX5034 လို့ခေါ်ဝေါ်တဲ့ မျိုးဗီဇပြုပြင်ထားတဲ့ Aedes aegypti ခြင်ထီးများ မွေးမြူထုတ်လုပ်ရန် မေလအတွင်း ခွင့်ပြုခဲ့ပါတယ်။

(Photo: Shutterstock/Digital Images Studio)

Aedes aegypti ခြင်တွေဟာ သေဆုံးစေနိုင်တဲ့ သွေးလွန်တုပ်ကွေး၊ ဇီကာ၊ အသားဝါရောဂါကဲ့သို့ ရောဂါတွေကို လူတွေမှာ ကူးစက်ပျံ့နှံ့စေနိုင်ပါတယ်။ ခြင်တွေမှာ ခြင်မတွေကသာ ဥချရန် သွေးလိုအပ်မှုကြောင့် လူတွေကို ကိုက်တာဖြစ်ပါတယ်။ ထိုအခြေအနေအရ မျိုးဗီဇပြပြုင်ထားတဲ့ ခြင်ထီတွေကို လွှတ်ပေးလိုက်ပြီး ခြင်မတွေနဲ့ သားပေါက်စေရန် စီစဥ်ထားပါတယ်။

မျိုးဗီဇပြုပြုင်ထားတဲ့ ခြင်ထီးတွေက ပရိုတိန်းတစ်မျိုး သယ်ဆောင်ထားပြီး ထိုပရိုတိန်းက ပေါက်ပွားလာတဲ့ ခြင်မတွေကို ကိုက်တဲ့အရွယ် မရောက်မီအချိန်မှာ သေဆုံးစေမယ်လို့ သိရပါတယ်။ ပေါက်ပွားလာတဲ့ ခြင်ထီးတွေကတော့ အသက်ရှင်မှာဖြစ်ပြီး မျိုးဗီဇကို ဆက်လက် သယ်ဆောင်သွားမယ်လို့ ဆိုပါတယ်။ 

Source: CNN, BBC