အောက်တိုဘာ ၈ ရက်နေ့မှစပြီး ဗီယက်နမ်နဲ့ ဩစတြေးလျမှ ခရီးသွားတွေကို ပြည်ဝင်ခွင့်ပြုသွားမှာပါ။
Ko John

စင်ကာပူက ဗီယက်နမ်နဲ့ ဩစတြေးလျ (ဗစ်တိုးရီးယားပြည်နယ်မပါ) တို့မှ ပြည်ပခရီးသွားအချို့ကို အောက်တိုဘာ ၈ ရက်နေ့မှစပြီး ပြည်ဝင်ခွင့်ပြုသွားမှာဖြစ်ပြီး ထိုသို့ ပြန်လည်ဝင်ခွင့်ပြုတဲ့နိုင်ငံ လေးနိုင်ငံရှိလာပြီလို့ သိရပါတယ်။

(Photo: Ong Ye Kung/Facebook)

စင်ကာပူအစိုးရက ဘရူနိုင်းနဲ့ နယူးဇီလန်နိုင်ငံတို့မှ ခရီးသွားတွေကိုလည်း စက်တင်ဘာလ အစောပိုင်းမှာ ပြန်လည်ဝင်ရောက်ခွင့်ပြုထားခဲ့ပါတယ်။ ပြည်ပခရီးသွား ဝင်ရောက်ခွင့်ပြုသွားမယ့် ဗီယက်နမ်နဲ့ ဩစတြေးလျတို့ဟာ COVID-19 ကူးစက်ပျံ့နှံ့မှုကို အောင်အောင်မြင်မြင် ထိန်းချုပ်နိုင်ခဲ့ပြီး ထိုနိုင်ငံတွေမှ လာရောက်ကြသူတွေထံမှာ ဗိုင်းရပ်စ်ပါလာနိုင်တဲ့အန္တရာယ် လျော့နည်းကြောင်း Civil Aviation Authority of Singapore (CAAS) က စက်တင်ဘာ ၃၀ ရက်နေ့မှာ ပြောခဲ့ပါတယ်။

ယနေ့ (အောက်တိုဘာ ၁ ရက်) မှစပြီး ဗီယက်နမ်နဲ့ ဩစတြေးလျ (ဗစ်တိုးရီးယားပြည်မပါ) တို့မှ ရက်တိုနေထိုင်မယ့် ပြည်ပခရီးသွားတွေဟာ စင်ကာပူသို့ဝင်ရောက်ရန် Air Travel Pass လျှောက်ထားနိုင်မယ်လို့ သိရပါတယ်။ စင်ကာပူသို့ ခရီးသွားလာမှုကို အောက်တိုဘာ ၈ ရက်နေ့မှစပြီး ခွင့်ပြုသွားမှာ ဖြစ်ပါတယ်။

(Photo: Ong Ye Kung/Facebook)

ဗီယက်နမ်ဟာ ပြီးခဲ့တဲ့ ၂၈ ရက်မှာ COVID-19 ပြည်တွင်းကူးစက်မှု မရှိခဲ့ဘဲ ဩစတြေးလျ (ဗစ်တိုးရီးယားပြည်နယ်မပါ) ကလည်း ပြည်တွင်းကူးစက်မှုနှုန်း လူ ၁၀၀,၀၀၀ မှာ ၀.၀၂ ဖြစ်ကြောင်း CAAS က ဆိုပါတယ်။ တစ်ချိန်တည်းမှာပင် စင်ကာပူနိုင်ငံက ဗီယက်နမ်နဲ့ ဩစတြေးလျ (ဗစ်တိုးရီးယားပြည်နယ်မပါ) သို့ ခရီးသွားခွင့်ပြုသွားမယ်လို့ CAAS က ပြောပါတယ်။

တရုတ်လေယာဥ်ခရီးစဥ် လာရောက်ခွင့်ပြုမှုနဲ့အတူ ထိုင်းက ခရီးသွားလုပ်ငန်း ဖြည်းဖြည်းချင်းပြန်စမည်

အဆိုပါနိုင်ငံတွေကို ခရီးသွားသူတွေဟာ သက်ဆိုင်ရာ နိုင်ငံတွေက သတ်မှတ်ထားတဲ့ ပြည်ဝင်ခွင့်လိုအပ်ချက်တွေကို စစ်ဆေးဆောင်ရွက်ကြရန်နဲ့ လိုအပ်တဲ့ ကူးစက်မှုကြိုတင်ကာကွယ်ရေး အစီအမံများ လုပ်ဆောင်ကြရန် CAAS က အကြံပြုပါတယ်။ စင်ကာပူအစိုးရက ယခု နှစ်နိုင်ငံမှ ခရီးသွားတွေကို ပြန်လည်ဝင်ရောက်ခွင့်မပြုမီ စက်တင်ဘာ ၈ ရက်နေ့မှစပြီး ဘရူနိုင်းနဲ့ နယူးဇီလန်မှ ခရီးသွားတွေကို ဝင်ရောက်ခွင့်ပြုထားခဲ့ပြီး ဖြစ်ပါတယ်။

(Photo: Blooberg)

ဘူရူနိုင်း၊ နယူးဇီလန်၊ ဗီယက်နမ်နဲ့ ဩစတြေးလျမှ စင်ကာပူသို့ လာရောက်ကြတဲ့ ခရီးသွားတွေဟာ နေအိမ်မှာနေရမယ့် Stay-Home သတိပေးချက် လိုအပ်မှာမဟုတ်ဘူးလို့ ဆိုပါတယ်။ ထိုခရီးသွားတွေဟာ စင်ကာပူကို ရောက်ရှိလာချိန်မှာ COVID-19 စစ်ဆေးရန် လိုအပ်ပါတယ်။ စစ်ဆေးမှုအဖြေက ဗိုင်းရပ်စ်မရှိခဲ့ပါက စင်ကာပူနိုင်ငံအတွင်း သွားလာနိုင်မှာဖြစ်ပါတယ်။ ဗီယက်နမ်နဲ့ ဩစတြေးလျမှ စင်ကာပူသို့လာ‌ရောက်တဲ့ ခရီးသွားအားလုံးဟာ တိုက်ရိုက် လေကြောင်းခရီးစဥ်ဖြင့်သာ လာရောက်ရမယ်လို့ သတ်မှတ်ထားပါတယ်။

(Photo: Reuters)

၎င်းတို့ဟာ လေဆိပ်မှာ COVID-19 စစ်ဆေးပြီးနောက် အများပြည်သူသုံး သယ်ယူပို့ဆောင်ရေးစနစ်ကို အသုံးမပြုဘဲ တက္ကစီ သို့မဟုတ် ပုဂ္ဂလိက သယ်ယူပို့ဆောင်ရေးဝန်ဆောင်မှုဖြင့် တည်းခိုနေထိုင်မယ့်နေရာသို့ သွားရောက်ရမှာဖြစ်ပြီး စစ်ဆေးမှုအဖြေက ဗိုင်းရပ်စ်မရှိကြောင်း အတည်မပြုခင်အထိ သီးခြားခွဲနေထိုင်ရမယ်လို့ သိရပါတယ်။ စစ်ဆေးမှုအဖြေဟာ ၄၈ နာရီအတွင်း သိရှိနိုင်မှာ ဖြစ်ပါတယ်။ ထို့အတူ ခရီးသွားတွေဟာ စင်ကာပူမှာရှိနေစဥ် TraceTogether အက်ပလီကေးရှင်းကို ၎င်းတို့ရဲ့ဖုန်းမှာ ထည့်သွင်းထားရမယ်လို့ CNA သတင်းက ဖော်ပြပါတယ်။


Author


က္က