ဩစတြေးလျရဲ့ ဒုတိယအကြီးဆုံးမြို့မှာ COVID-19 ကူးစက်မှုတွေ မြင့်တက်နေစဥ် လူအများအပြားက ကြောက်လန့်တကြား ဝယ်ယူမှုတွေ ရှိလာခဲ့ပြီးနောက် နိုင်ငံတစ်ဝှမ်းရှိ စူပါမတ်ကက်တွေက ဇွန် ၂၆ ရက်နေ့မှစပြီး အိမ်သာသုံးစက္ကူတွေကို အကန့်အသတ်ဖြင့်သာ သတ်မှတ်ရောင်းချနေပါတယ်။

(Photo: AFP)

ဇွန် ၂၆ ရက် ထုတ်ပြန်မှုအရ မဲလ်ဘုန်းမြို့မှာ နောက်ထပ် ကူးစက်ခံရသူ ၃၀ ဦး တိုးလာခဲ့ပြီး ၁၀ ရက်ဆက်တိုက် ကူးစက်မှုအသစ် အရေအတွက် ဂဏန်းနှစ်လုံး ဖြစ်နေခဲ့တယ်လို့ သိရပါတယ်။ မဲလ်ဘုန်းမြို့နဲ့ ဗစ်တိုးရီးယားပြည်နယ် နေရာဒေသတွေမှာ လတ်တလော ရက်ပိုင်းအတွင်း COVID-19 ကူးစက်မှုတွေ မြင့်တက်နေခဲ့ကြောင်း AFP သတင်းက ဖော်ပြပါတယ်။

(Photo: AFP)

ဗစ်တိုးရီးယားပြည်နယ် ကျန်းမာရေးဝန်ထမ်းတွေက ကူးစက်မှုအသစ်တွေ အဓိက တွေ့ရှိရတဲ့ မဲလ်ဘုန်းမြို့ ဆင်ခြေဖုံးနေရာ ၁၀ မှာ ဗိုင်းရပ်စ်စစ်ဆေးမှုတွေ လုပ်ဆောင်နေပါတယ်။ မဲလ်ဘုန်းမှာ ဗိုင်းရပ်စ်စစ်ဆေးမှုတွေကို ကူညီရန်အတွက် ဩစတြေးလျစစ်သား ၂၀၀ ခန့်ကိုလည်း စေလွှတ်ထားတယ်လို့ သိရပါတယ်။