တိုကျိုမြို့မှာ အသင့်ပြင်ဆင်ထားတဲ့ ဆေးရုံကုတင်တွေရဲ့ ၉၀ ရာခိုင်နှုန်းကျော်ဟာ COVID-19 လူနာများနဲ့ ပြည့်နေပြီဖြစ်ကြောင်း ဂျပန်ကျန်းမာရေးဝန်ကြီးဌာနက မေ ၁၀ ရက်နေ့မှာ ပြောပါတယ်။
(Photo: Reuters)
ကျန်းမာရေးဝန်ကြီးဌာနရဲ့ ပြောကြားမှုက ဂျပန်မှာ COVID-19 နောက်ထပ် ကူးစက်ပျံ့နှံ့မှုကို ထိန်းချုပ်ရန်လိုအပ်ကြောင်း ထင်ရှားစေခဲ့တယ်လို့ ဆိုပါတယ်။ ဝန်ကြီးဌာနရဲ့ အဆိုအရ ဧပြီ ၂၈ ရက်နေ့အထိ တိုကျိုမြို့မှာ ဆေးရုံတက်ရတဲ့ COVID-19 လူနာ ၁,၈၃၂ ဦးရှိခဲ့ကြောင်း သိရပါတယ်။
(Photo: Reuters)
ဂျပန်တစ်နိုင်ငံလုံးမှာ ဧပြီ ၂၈ ရက်နေ့အထိ ဆေးရုံတက်နေရတဲ့ COVID-19 လူနာ ၅,၅၅၈ ဦးရှိကြောင်းနဲ့ တစ်နိုင်ငံလုံး အတိုင်းအတာအရ ဆေးရုံကုတင် ၁၄,၄၈၆ လုံး ပြင်ဆင်ထားခဲ့ကြောင်းရာ လက်ရှိအချိန်အထိ ကုတင်အရေအတွက် ၃၈ ရာခိုင်နှုန်း ပြည့်နေပြီဖြစ်ကြောင်း ကျန်းမာရေးဝန်ကြီးဌာနရဲ့ အချက်အလက်က ဖော်ပြထားပါတယ်။ ယနေ့ (မေ ၁၁ ရက်) မနက်ပိုင်းအထိ စာရင်းတွေအရ ဂျပန်နိုင်ငံမှာ COVID-19 ကြောင့် သေဆုံးသူ ၆၀၇ ဦးနဲ့ ပြန်လည်သက်သာသူ ၅,၉၀၆ ဦးရှိခဲ့ကြောင်း သိရပါတယ်။