Ko John

ထိုင်ဝမ်ကို ယခုနှစ်အတွင်း ပထမဆုံး တိုင်ဖွန်းမုန်တိုင်း ဝင်ရောက်မှာဖြစ်တာကြောင့် လူဦးရေထောင်နဲ့ချီပြီး ဘေးကင်းရာသို့ ယနေ့ (ဇူလိုင် ၁၇ ရက်) ရွှေ့ပြောင်းခဲ့ရပါတယ်။

(Photo: Sam Yeh/AFP)

မုန်တိုင်းအန္တရာယ်ရှိတာကြောင့် ပြည်တွင်းလေကြောင်းခရီးစဉ်တွေကို ဖျက်သိမ်းထားပြီး အာဏာပိုင်တွေက ရေကြီးမှုနဲ့ ပင်လယ်ရေလှိုင်းများ မြင့်တက်နိုင်မှု သတိပေးချက်များ ထုတ်ပြန်ထားပါတယ်။

လက်ရှိမှာ တိုင်ဖွန်းမုန်တိုင်း ဒန်နက်စ် (Typhoon Danas) က အားအနည်းဆုံး တိုင်ဖွန်းမုန်တိုင်းအဖြစ် တိုက်ခတ်နေပြီး ကြာသပတေးနေ့ (ဇူလိုင် ၁၈ ရက်) နှောင်းပိုင်းမှာ ထိုင်ဝမ်အရှေ့ပိုင်း ယီလန် (Yilan) ကောင်တီကို ဝင်ရောက်မယ်လို့ ခန့်မှန်းထားပါတယ်။ ပင်လယ်ပြင်မှာ တိုက်ခတ်နေတဲ့ တိုင်ဖွန်းဒန်နက်စ်ဟာ တစ်နာရီလျှင် ၁၁ မိုင်နှုန်းဖြင့် အနောက်မြောက်ဘက်သို့ ဦးတည်ရွေ့လျားနေကြောင်း ထိုင်ဝမ်မိုးလေဝသဌာနက ပြောပါတယ်။

(Map: Central Weather Bureau)

မုန်တိုင်းအန္တရာယ်ကြောင့် ထိုင်ဝမ်ရှေ့ဘက်ကမ်းရိုးတန်း ကမ်းလွန်ရှိ ကျွန်းတွေပေါ်မှ ကမ္ဘာလှည့်ခရီးသည် အများစုအပါအဝင် လူ ၂,၀၀၀ ကျော်ကို ဘေးကင်းရာသို့ ရွှေ့ပြောင်းပေးခဲ့ကြောင်း အာဏာပိုင်တွေက ထုတ်ပြန်ထားပါတယ်။ ဒါ့အပြင် ပြည်တွင်းလေကြောင်းခရီးစဉ် နှစ်ဒါဇင်နီးပါးနဲ့ ကူးတို့သင်္ဘော ဝန်ဆောင်မှုတွေကို ဖျက်သိမ်းထားပြီး ထိုင်းဝမ်စစ်တပ်ကို ရေကြီးမြေပြိုမှုတွေ ဖြစ်ပေါ်နိုင်တဲ့နေရာတွေမှာ အကူအညီပေးရန် အသင့်ပြင်ထားတယ်လို့ ဆိုပါတယ်။

(Photo: Sam Yeh/AFP)

ထိုင်ဝမ်၊ ဖိလစ်ပိုင်နဲ့နဲ့ ဂျပန်နိုင်ငံတို့ကို နှစ်စဉ် ဒုတိယနှစ်ဝက်အတွင်း တိုင်ဖွန်းမုန်တိုင်းများ ပုံမှန် ဝင်ရောက်တိုက်ခတ်လေ့ရှိပါတယ်။ ထိုင်ဝမ်မှာ ၂၀၀၉ ခုနှစ်က တိုင်ဖွန်းမုန်တိုင်း မိုရာကော့တ် (Typhoon Morakot) တိုက်ခတ်ခဲ့ရာ မြေပြိုမှုများကြောင့် အများစုအပါအဝင် လူ ၇၀၀ နီးပါး သေဆုံးခဲ့ဖူးကြောင်း Reuters သတင်းက ဖော်ပြပါတယ်။


ဆက်စပ်အကြောင်းအရာများ


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က