ကာလရှည်ကြာအာဟာရချို့တဲ့ခဲ့တာကြောင့်ဖြစ်ပါတယ်။
Hmue Eain Zaw

ကာလရှည်ကြာအာဟာရချို့တဲ့တာကြောင့် အရပ်ပုညှက်နေတာနဲ့ သံဓာတ်အားနည်းတာတွေက မြန်မာနိုင်ငံရဲ့ အဓိကက အာဟာရချို့တဲ့မှုဖြစ်နေတယ်လို့ သြဂုတ် ၁၁ ရက်နေ့ကပြုလုပ်တဲ့ အာဟာရဖွံ့ဖြိုးရေးရက်သတ္တပတ် ဖွင့်ပွဲမှာ ပြည်သူ့ကျန်းမာရေး ဦးစီးဌာနတာဝန်ရှိသူတွေက ပြောဆိုလိုက်ပါတယ်။

38905575_226009538112643_482747164359917568_n.jpg 

မြန်မာနိုင်ငံမှာငါးနှစ်အရွယ်ကလေးငယ်တွေမှာ ကာလရှည်ကြာအာဟာရချို့တဲ့တာကြောင့် ရှိသင့်တဲ့အရပ်မရှိဘဲ ပုညှက်နေတာနဲ့ အမျိုးသမီးတွေမှာ သံဓါတ်ချို့တဲ့နေတာက အဓိကကျန်းမာရေးချို့တဲ့မှုဖြစ်နေတာလို့ အာဟာရဌာန တာဝန်ရှိသူတွေက ပြောကြားလိုက်တာပါ။

"နှစ်မျိုးမှာငါးနှစ်အောက်ကလေးတွေကကာလတာရှည်အာဟာရချို့တဲ့လို့အရပ်ပုတာ၊ရှိရမယ့်အရပ်မရှိတာရယ်။နောက်တစ်ခုက သွေးအားနည်းတာက ငါးနှစ်အောက်ကလေးတွေကော၊ နောက်ပြီး အသက် ၁၅ နှစ်ကနေ ၄၉ နှစ်အထိအမျိုးသမီးတွေသွေးအားနည်းတာပေါ့။ အဲ့ဒီနှစ်ခုက အဓိက ဖြစ်နေလို့ ဒါကို အဓိကထားပြီးလုပ်နေတာပေါ့။"လို့ ပြည်သူ့ကျန်းမာရေးဦးစီးဌာန၊ အာဟာရဌာနက ဒုတိယညွှန်ကြားရေးမှူးဒေါက်တာလွင်မာလှိုင်က ပြောပါတယ်။

39017545_219961525361464_1601131033053364224_n.jpg

ကျောင်းနေရွယ်ကလေး ကိုးသိန်းကျော်မှာ အသက်ငါးနှစ်အောက်ကလေးတွေမှာ ရှိသင့်တဲ့အရပ်မရှိဘဲပုညှက်နေတာက ၂၉.၂ ရာခိုင်နှုန်းနဲ့ သုံးယောက်မှာတစ်ယောက် အရပ်ပုနေခြင်းကို ကြုံတွေ့နေရတာဖြစ်ပါတယ်။

အသက် ငါးနှစ်အောက်ကလေးတွေ သွေးအားနည်းနေတာက ၅၈ ရာခိုင်နှုန်း နဲ့ အမျိုးသမီးတွေ အသက် ၁၅ နှစ်ကနေ ၄၉ နှစ်အထိမှာသွေးအားနည်းရောဂါခံစားနေရတာက ၄၇ ရာခိုင်နှုန်းဖြစ်ပြီးတော့ အမျိုုးသမီးနှစ်ယောက်မှာ တစ်ယောက်နှုန်းနဲပ သွေးအားနည်းနေတာဖြစ်တယ်လို့ သိရပါတယ်။

38918450_290462065093245_6259989003710234624_n.jpg

မြန်မာနိုင်ငံအနေနဲ့လည်း အာဟာရဖွံ့ဖြိုးမှုအတွက် ဗဟိုအဆင့်အနေနဲ့ လုပ်ဆောင်နေပြီးတော့ အခုသြဂုတ်လမှာ မိခင်နို့် စနစ်တကျ တိုက်တာ၊ ကျောင်းသားလူငယ်တွေ အာဟာရဖွံ့ဖြိုးမှုအတွက် လုပ်ဆောင်တာ၊ ကိုယ်ဝန်ဆောင်မိခင်တွေ အာဟာရဖွံဖြိုးရေး ၊ အိုင်အိုဒင်းချို့တဲ့မှုပပျောက်ရေး စတဲ့ လေးပတ်ကိုသြဂုတ်လ တစ်လလုံးမှာ ရပ်ကွက်အလိုက်၊ကျောင်းအလိုက် လုပ်ဆောင်မယ်လို့လည်း တရားဝင်မိတ်ဆက်ခဲ့ပါတယ်။

နိုင်ငံတကာသုတေသနရလာဒ်တွေအရ အာရှပစိဖိတ်ဒေသတွေမှာ ငါးနှစ်အောက်ကလေးတွေ သေဆုံးတာရဲ့ ၅၃ ရာခိုင်နှုန်းက အာဟာရချို့တဲ့မှုနဲ့ဆက်နွယ်နေတယ်လို့ ဆိုပါတယ်။


ဆက်စပ်အကြောင်းအရာများ


က္က