Mi Thawdar Aung

ဧရာဝတီတိုင်းဒေသကြီး သာပေါင်းမြို့နယ်ရှိ ကျေးရွာ ၇ ရွာမှာ အရေပြားရောဂါ၊ အာရုံကြောရောဂါတွေ ဖြစ်ပွားစေနိုင်တဲ့ ရေထဲမှာ အာဆင်းနစ်ဓာတ်ကို တွေ့ရှိခဲ့တယ်လို့သိရပါတယ်။

အဲဒီတွေ့ရှိချက်ကို ဆေးသုတေသနဦးစီးဌာနနဲ့ ဂျပန်နိုင်ငံတို့ ပူးပေါင်းပြီး ၃ နှစ်ကြာ သုတေသနပြုလုပ်ခဲ့တာပါ။

arsenic.png

အားဆင်းနစ်အဆိပ်ဓာတ်ဖြစ်စေသော ရောဂါလက္ခဏာတွေ့ရှိရစဉ်။

 

၂၀၁၅ ခုနှစ် သြဂုတ်လကနေ ၂၀၁၈ ခုနှစ် ဇူလိုင်လ အထိ သာပေါင်းမြို့နယ်ရှိ ကုန်းထန်းကြီး၊ သရက်တော၊ ထန်းစင်လှ၊ ရှမ်းကွင်း၊ ရေလဲကြီး၊ လယ်တီချောင် ရွာတို့မှာ စစ်တမ်းကောက်ယူခဲ့တာပါ။

“မြန်မာနိုင်ငံမှာက မိုးရာသီဆိုရင် နှစ်တဝက်လောက်က မိုးရေသောက်ကြတော့ အာဆင်းနစ်ဓာတ် က သူများနိုင်ငံတွေ ထက်စာရင်တော့ တွေ့ရှိမှုနည်းပါတယ်။ သုတေသနအရ ရွာအချို့မှာရောဂါ လက္ခဏာအနည်းငယ်ရှိတဲ့သူကို တွေ့ခဲ့ရတယ်။ ဒါကြောင့် ဆက်မသောက်ဖို့၊ အာဟာရပြည့်တာတွေစားဖို့၊ နောက်ပြီး ဂျပန်နိုင်ငံရဲ့ အကူအညီနဲ့ ရေတွေကို သန့်စင်တဲ့နည်းစနစ်တွေလည်းလုပ်ခဲ့တယ်။”  ဆေးသုတေသနဦးစီးဌာနမှ ညွှန်ကြားရေးမှူး ဒေါက်တာခင်ဖြူဖြူက ပြောပါတယ်။

 

IMG_9425.JPG

ရေတွင်အားဆင်းနစ်ဓာတ်ပါဝင်မှုဆိုင်ရာ သုတေသနတွေ့ရှိချက်ရှင်းလင်းစဉ်။

 

အားဆင်းနစ်ဓာတ်ပါရှိတဲ့ ရေတွေကို ခြောက်လအထိ ဆက်တိုက်သောက်သုံးမယ်ဆိုရင် အရေပြားကင်ဆာရောဂါ ၊ ဦးနှောက်နဲ့ အာရုံကြောဆိုင်တဲ့ ရောဂါအမျိုးမျိုးဖြစ်ပွားနိုင်ပါတယ်။

မြန်မာနိုင်ငံမှာ အားဆင်းနစ်အဆိပ်ဓာတ်အများဆုံးတွေ့ရှိရတာက ဧရာဝတီတိုင်းဒေသကြီးဖြစ်ပြီး လာမယ့်နှစ်မှာ အားဆင်းနစ်အဆိပ်ဓာတ်အများဆုံးရှိနေတဲ့ ကျုံပျော်မြို့နဲ့ ကျောင်းကုန်းမြို့ရှိ ရေတွေမှာ စစ်တမ်းကောက်ယူမယ်လို့ သိရပါတယ်။

အားဆင်းနစ်အဆိပ်ဓာတ်က ဘင်္ဂလားဒေရှ့်၊လာအို၊ ကမ္ဘောဒီးယား၊ ထိုင်းနိုင်ငံတွေမှာတွေ့ရပြီး မြန်မာနိုင်ငံထက် ပဏာမများတယ်လို့ သိရပါတယ်။


Duwun ဒီဂျစ်တယ် နေ့စဉ်သတင်းစာ

သင့် အီးလ်မေး ကနေ နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ ဒီနေရာမှာ စာရင်းသွင်းလိုက်ပါ။


Copyright © 2019 Duwun.

Privacy Policy | About Us | Jobs

က္က