အဂတိလိုက်စားမှုတိုက်ဖျက်ရေး က ထုတ်ပြန်ထားတာဖြစ်ပါတယ်။
Hmue Eain Zaw

သရုပ်ဆောင် အောင်ရဲထွေး သေဆုံးမှုနဲ့ ပတ်သက်ပြီး ဖမ်းဆီးထားသူတွေကို အမှုရုပ်သိမ်းပြီး ပြန်လွှတ်ပေးခဲ့မှုမှာ အဂတိလိုက်စားမှုတိုက်ဖျက်ရေးဥပဒေ အရ ပြစ်မှုကျူးလွန်မှုရှိကြောင်း သင်္ကာမကင်းဖွယ်ရာဖြစ်ခြင်းအတွက် ခိုင်လုံသည့် အထောက်အထား ရှိနိုင်သည်ဟု ယုံကြည်ရန် အကြောင်းပေါ်ပေါက်သဖြင့်စုံစမ်းဖော်ထုတ်မည်ဟု အဂတိလိုက်စားမှုတိုက်ဖျက်ရေးကော်မရှင်က သတင်းထုတ်ပြန်လိုက်ပါတယ်။

25659336_897516857071702_5700026859825308413_n.jpg

Photo - ACC Myanmar



သြဂုတ်လ ၂ ရက်နေ့မှာ ကျင်းပပြုလုပ်ခဲ့တဲ့ ကော်မရှင် အစည်းအဝေးအမှတ်စဉ် (၃၂/၂၀၁၈)မှာ တက်ရောက်တဲ့ ကော်မရှင်အဖွဲ့ဝင်အားလုံးက တစ်ညီတစ်ညွတ်တည်း အဂတိလိုက်စားမှုတိုက်ဖျက်ရေးဥပဒေပုဒ်မ ၃(ဂ) အရ ကျော်စောသတင်းအဖြစ် သတ်မှတ်ရန်ဆုံးဖြတ်ခဲ့ပြီး ၊ ဥပဒေ ပုဒ်မ ၁၇(ဈ) အရ ကော်မရှင်သို့ သတင်းပေးပို့ချက်အဖြစ် အတည်ပြုသတ်မှတ်ကြောင်း ထုတ်ပြန်ထားပါတယ်။



သရုပ်ဆောင်အောင်ရဲထွေးအသတ်ခံရတဲ့ အမှုမှာ ပါဝင်တဲ့ တရားခံလို့ယူဆရတဲ့သူတွေကို အမှုရုပ်သိမ်းပြန်လွှတ်ပေးပြီးနောက် ရန်ကုန်တိုင်းတရားလွှတ်တော်က ဇူလိုင်လ ၃၁ ရက်နေ့ကစွဲချက်ပြန်တင်ထားပြီး ပဆင့်ခေါ်မှုတွေပြုလုပ်ထားပါတယ်။



ဇူလိုင် ၂၅ ရက်နေ့က အရှေ့ပိုင်းခရိုင်တရားရုံးကနေ ချမှတ်လိုက်တဲ့အမိန့်နဲ့ ပတ်သက်ပြီး လူမှုကွန်ရက်တွေမှာ ဝေဖန်နေကြပြီး ငွေကြေးတစ်စုံတစ်ရာ ပေးမှုကြောင့်ဖြစ်တယ်လို့ ပြောဆိုဝေဖန်မှုတွေရှိနေပါတယ်။



အဲ့ဒီအမှုနဲ့ ပါတ်သတ်ပြီး သုဝဏ္ဏနယ်မြေရဲစခန်းက (ပ)၅/၂၀၁၈ အမှုဖွင့်စစ်ဆေးခဲ့ပြီးတော့ အသက် ၂၆ နှစ်အရွယ် သန်းထွဋ်အောင်(ခ)သားကြီး၊ အသက် ၂၆ နှစ်အရွယ်ပြည့်ဖြိုးအောင်(ခ)အောင်လေး၊ အသက် ၂၈ နှစ်အရွယ်ကျော်ဇောဟန်(ခ) ကျော်ဇော ကို တရားခံအဖြစ်နဲ့ ဖမ်းဆီးရာ ကနေပြန်လွှတ်ပေးလိုက်တာပါ။



၂၀၁၇ ဒီဇင်ဘာလတုန်းက သရုပ်ဆောင်အောင်ရဲထွေး က The One Entertainment Park မှာလူတစ်စုရဲ့ ဝိုင်းဝန်းကန်ကျောက်ခြင်းကို ခံခဲ့ရပြီး ဦးခေါင်းက ဒဏ်ရာတွေကြောင့် ဇန်နဝါရီ ၂ ရက်နေ့မှာသေဆုံးခဲ့တာပါ။


က္က