မနက်ဖြန်ကစပြီး အသုံးပြုရတော့မှာပါ။
Ei Ei Htun

အများစုကတော့ ယူနီကုဒ်မြန်မာစနစ် ပြောင်းလဲခြင်းရဲ့ အကျိုးကျေးဇူးကို သိပ်မသိသေးလို ပြောင်းလဲသုံးစွဲဖို့ကိုလည်း ခဲယဉ်းနေကြပါတယ်။

တစ်နိုင်ငံလုံးအတိုင်းအတာအနေနဲ့ အောက်တိုဘာလ(၁)ရက်နေ့ကစပြီး တညီတညွှတ်တည်း ယူနီကုဒ်စံစနစ်ကို အသုံးပြုကြဖို့ကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်းလိုက်ပါတယ်။

တိုက်တွန်းချက်မှာတော့ “ ကျွန်မတို့နိုင်ငံဖွံ့ဖြိုးတိုးတက်ရေးအတွက် အရေးပါတဲ့လုပ်ငန်းတစ်ခုဖြစ်တဲ့ ကွန်ပျူတာနဲ့မိုဘိုင်းဖုန်းများသုံးစွဲရာမှာ နိုင်ငံတကာစံချိန်စံညွှန်းနဲ့ ကိုက်ညီပြီး မြန်မာစာရေးထုံးနဲ့ ညီညွှတ်တဲ့ မြန်မာယူနီကုဒ်စံစနစ်ကို ယခုနှစ်အောက်တိုဘာ(၁)ရက်နေ့က စတင်ပြီး တညီတညွှတ်တည်း သုံးစွဲကြဖို့ တိုက်တွန်းနှိုးဆော်အပ်ပါသည် “ ဆိုပြီး ဗီဒီယိုဖိုင်နဲ့ တိုက်တွန်းနှိုးဆော်ထားတာဖြစ်ပါတယ်။



"မဖြစ်မနေယူနီကုဒ်ပြောင်းသုံးရမယ်ဆိုလို့ အခုတော့ပြောင်းသုံးနေတယ်။ဒါပေမယ့် မကြိုက်ဘူး၊ အဆင်မပြေဘူး။ စာလုံးဆင့်တွေရိုက်ရတာခက်တယ်။ အရင်တုန်းက ဇော်ဂျီနဲ့ရိုက်ထားတဲ့စာတွေပြန်ရှာရတာမလွယ်ဘူး”လို့ လက်ရှိယူနီကုဒ်အသုံးပြုနေသူပြည်သူတစ်ဦးမှပြောပါတယ်။

တစ်နိုင်ငံလုံးအသုံးပြုရမယ့် ယူနီကုဒ်ဆိုတာက Font မဟုတ်ဘဲ နိုင်ငံတကာကသတ်မှတ်ထားတဲ့ စနစ်တစ်ခုဖြစ်ပါတယ်။ပြီးခဲ့တဲ့ သြဂုတ်လဆန်းပိုင်းကစလို့ ယူနီကုဒ် မြန်မာစံစနစ်ကို သုံးစွဲကြဖို့ အသံတွေထွက်ပေါ်လာသလို ရုပ်ရှင်ဂီတနယ်ပယ်အသီးသီးက ထင်ရှားကျော်ကြားသူများကိုလည်း Unicode မြန်မာစာစံစနစ်အတွက် သံတမန်တွေအဖြစ်လည်းခန့်အပ်ခဲ့ပါတယ်။ ပြည်သူအများစုကတော့ ယူနီကုဒ်မြန်မာစနစ် ပြောင်းလဲခြင်းရဲ့ အကျိုးကျေးဇူးကို သိပ်မသိသေးလို ပြောင်းလဲသုံးစွဲဖို့ကိုလည်း ခဲယဉ်းနေကြပါတယ်။ တကယ်လို့ ယူနီကုဒ် ပြောင်းဖို့အတွက် အခက်အခဲများရှိပါက ယူနီကုဒ်အထောက်အကူပြုရေး Facebook Group တစ်ခုဖြစ်တဲ့ Myanmar Unicode Area မှာ Member အဖြစ်ဝင်ရောက်ပြီး မေးမြန်းနိုင်တယ်လို့သိရပါတယ်။


က္က