ဧရာ၀တီမြစ်ရေသည် စစ်ကိုင်းမြို့၏စိုးရိမ်ရေအမှတ်ကိုကျော်လွန်ရောက်ရှိခဲ့သဖြင့် စစ်ကိုင်းမြို့နယ်အတွင်း အိမ်ထောင် စု ၁၁၀၂စု ရေလွတ်ရာသို့ရွှေ့ပြောင်းနေရကြောင်း စစ်ကိုင်းမြို့နယ်အထွေထွေအုပ်ချုပ်ရေးမှုးဦးစီးဌာနက တဆင့် သိရသည်။
ဓာတ်ပုံ - Saw Yanpai
ယနေ့ဇူလိုင်၂၈ မွန်းလွဲပိုင်းတွင် ဧရာ၀တီမြစ်ရေတိုင်းထွာချက်အရ စစ်ကိုင်းမြို့၏စိုးရိမ်ရေအမှတ် ၁၁၅၀ကိုကျော်လွန်ပြီး ၁၁၅၁ စင်တီမီတာကို ရောက်ရှိခဲ့သဖြင့် စစ်ကိုင်းမြို့ပေါ်ရပ်ကွက်အချို့နှင့် စစ်ကိုင်းမြို့နယ်အတွင်းရှိ ကျေးရွာများ ရေ၀င်နစ်မြုပ်မှု ဖြစ်ပေါ်ခဲ့ပါတယ်။
ဓာတ်ပုံ - Saw Yanpai
ဓာတ်ပုံ - Saw Yanpai
စစ်ကိုင်းမြို့ပေါ်ရပ်ကွက်များဖြစ်တဲ့ ဧမြ၀တီရပ်ကွက်တွင် အိမ်ထောင်စု ၉၆စုအား ရေလွတ်ရာအစေခံ ခံတပ်ရှေ့လမ်း၊ထုံးဘိုရပ်ကွက်တွင် အိမ်ထောင်စု ၁၆၃စုအား လုံးတော်ကြီးဘုရား၊ လေးမျက်နာဘုရား၊ ကသစ်နက်ဘုရား၀န်းအတွင်း၊ ဒါး၀ယ်ဈေးရပ်ကွက်က အိမ်ထောင်စု ၃၆၁စုကိုမူ ငါးထပ်ကြီးဘုရား၊ကြေးဘုရားကြီး၊သောတာပန် ရပ်ကွက်တွင် အိမ်ထောင်စု ၃၃စုရှိပြီး လေးကျွန်းမာန်အောင်၊ရွှေဘုံသာဘုရားများအတွင်းသို့ပြောင်းရွှေ့ထားရကြောင်းသိရပါတယ်။
စစ်ကိုင်းမြို့နယ် တဲကြီးအုပ်စုအတွင်းရှိကျေးရွာများမှ အိမ်ထောင်စု ၁၆၂စု အား စစ်ကိုင်းမြို့ငါးထပ်ကြီးဘုရား၊မင်းကွန်း၊ကင်းရွာမှ အိမ်ထောင်စု ၃၉စု မအူပင်ကျေးရွာ အိမ်ထောင်စု ၁၀စု ၊စဉ့်ကိုင်ကျေးရွာအိမ် ထောင်စု ၁၆စု၊ ရွှေလှေကျေးရွာ အိမ်ထောင်စု ၆၅စု ၊ရွာသစ်ကြီး ပြည်တော်သာရွာ အိမ်ထောင်စု ၁၅၅စု အားရေလွတ်ရာကုန်းမြေများသို့ ရွှေ့ပြောင်းထားရကြောင်းသိရပါတယ်။