ဧရာဝတီမြစ်ရေ မြင့်တက်လာမှုကြောင့် စစ်ကိုင်းတိုင်းဒေသကြီး ၊ ကသာမြို့နယ် ဂွေ့ကြီးကျွန်းကျေးရွာက နေအိမ်တချို့ ရေဘေးလွတ်ရာကိုပြောင်းရွှေ့နေကြရပါတယ်။
photo-Myanmar Fire Services Department
မြစ်ကမ်းဘေးမှာဆောက်လုပ်ထားတဲ့ အိမ်ခြေ(၅)ခုလောက်ကို လတ်တလောမှာပြောင်းရွေ့ထားပြီး မြစ်ရေအခြေအနေကလည်း ထပ်ပြီးတက်လာနိုင်တဲ့ အနေအထားမှာရှိနေတယ်လို့ သိရပါတယ်။
photo-Myanmar Fire Services Department
လက်ရှိပြောင်းရွေ့ထားတဲ့ အိမ်ခြေ (၅)စုကိုတော့ ရေဘေးလွတ်ရာက ကုန်းမြင့်ပေါ်ကို ယာယီပြောင်းရွေ့ပေးထားတယ်လို့သိရပါတယ်။
ဧရာဝတီမြစ်ရေက နောက်တစ်ရက် နှစ်ရက်အတွင်း စိုးရိမ်ရေမှတ်ကိုရောက်လာနိုင်တယ်လို့ မိုးဇလထုတ်ပြန်ထားတာကြောင့် ကြိုတင်ပြင်ဆင်မှုတွေအနေနဲ့ ကသာမြို့က ကုန်းမြင့်တွေပေါ်မှာကူးပြောင်းနေထိုင်နိုင်ဖို့နဲ့ အားကစားရုံတွေမှာလည်း ယာယီနေရာချထားပေးဖို့တွေကို ပြင်ဆက်ထားတယ်လို့ ဦးအောင်ဖြိုးသူကပြောပါတယ်။
လက်ရှိ ကသာမြို့နယ်အတွင်းမှာလည်း ရေဘေးအန္တရာယ်တွေနဲ့ပတ်သက်ပြီး လိုက်လံနှိုးဆော်မှုတွေလည်းလုပ်ဆောက်နေပါတယ်။
စိုးရိမ်ရေမှတ်သာရောက်လာရရင် ကျေးရွာ (၈)ရွာလောက်အထိ ရေဘေးသင့်နိုင်တယ်လို့လည်း သိရပါတယ်။