Weststar Aviation Service ကုမ္ပဏီက တိုင်ကြားထားတာပါ။
Hmue Eain Zaw

လျှပ်စစ်နှင့်စွမ်းအင်ဝန်ကြီးဌာနကို ကုမ္ပဏီတစ်ခုက အဂတိလိုက်စားမှုနဲ့ တိုင်ကြားထား လျှပ်စစ်စွမ်းအင် ဝန်ကြီးဌာနကို Weststar Aviation Service ကုမ္ပဏီက အဂတိလိိုက်စားမှုနဲ့ တိုင်ကြားထားတယ်လို့ ကုမ္ပဏီရဲ့တာဝန်ရှိသူဖြစ်တဲ့ ဒေါ်မေသန့်စင်ကပြောပါတယ်။

39385797_2177199619217134_2768318619426226176_n.jpg

အဲ့ဒီကုမ္ပဏီက တိုင်ကြားရာမှာ ရဟတ်ယာဉ်ငှားရမ်းသုံးစွဲခဲ့တဲ့ တင်ဒါကိစ္စမှာ Weststar ကုမ္ပဏီက တင်ဒါအောင်မြင်ပေမယ့် လက်တွေ့မှာ လုပ်ကိုင်ခွင်မပေးဘဲနဲ့ နဂို ရဟတ်ယာဉ်ငှားရမ်းတဲ့ ကုမ္ပဏီကို ပဲလုပ်ကိုင်ခွင့်ပေးထားတာကြောင့်ဖြစ်တယ်လို့ သြဂုတ်လ ၁၆ ရက်နေ့က Park Royal ဟိုတယ်မှာပြုလုပ်တဲ့ သတင်းစာရှင်းလင်းပွဲမှာ ပြောဆိုလိုက်တာပါ ။

“အဂတိလိုက်စားမှုကော်မရှင်ကို တိုင်ထားတယ်ဆိုရင် တိုင်ကာစဆိုရင်တော့ပြောဖို့အတွက်က ကျွန်တော်တို့မှာက ညွှန်ကြားချက်တွေလည်းရှိတော့လေ။ တိုင်ကာစဆိုရင် တိုင်စာတွေကို စစ်တယ်။ စစ်ပြီး တစ်လခွဲလောက်မှ ပြန်ကြားတယ်။ပြန်ကြားပြီးတော့မှ ပြောခွင့်ရပါတယ်။ လုပ်ထုံးလုပ်နည်းအရတော့အဲ့လိုဖြစ်နေပါတယ်။ ကျွန်တော်ကလည်း လက်ရှိမှာ ခရီးနဲ့ ပြည်နယ်တစ်ခုကို ရောက်နေလို့ပါ။” လို့ အဂတိလိုက်စားမှုတိုက်ဖျက်ရေးကော်မရှင်က ဦးဟန်ညွန့်က Duwun ကို ပြောပါတယ်။

39273385_626988681028242_3658266754037055488_n.jpg

အဲ့ဒီလိုတိုင်ကြားတဲ့ ကုမ္ပဏီက မလေးရှားအခြေစိုက် ဖွင့်ထားတဲ့ လေကြောင်းပျံသန်းမှုဆိုင်ရာကုမ္ပဏီဖြစ်ပြိးတော့ ၂၀၁၇ စက်တင်ဘာလ ၉ ရက်မှာ Total ကုမ္ပဏီကခေါ်တဲ့ ရဟတ်ယာဉ်ငှားရမ်းမှုတင်ဒါအောင်မြင်ပြီးတော့ စက်တင်ဘာ ၁၅ ရက်နေ့မှာ တင်ဒါအောင်မြင်ခဲ့တာပါ။

လုပ်ငန်းအတွက် ဒေါ်လာ ၂ သိန်း ကျော်နှုန်းနဲ့ သက်သာတဲ့နှုန်းနဲ့ တင်ဒါအောင်မြင်ခဲ့ပေမယ့် တစ်နှစ်ကြာတဲ့အထိလုပ်ကိုင်ခွင့်မရသေးလို့ အခုလိုမျိုးတိုင်ကြားတယ်လို့ သိရပါတယ်။

 


က္က