ရန်ကုန်တိုင်းဒေသကြီးကို လျှပ်စစ်ပေးနေတဲ့ ရတနာကမ်းလွန်သဘာဝဓာတ်ငွေ့ Compressor စက်တွေအရေးပေါ်ရပ်တန်မှုကြောင့် အရေးပေါ်ဝန်အားလျော့ရမယ့် အခြေအနေရှိတယ်လို့ မေလ ၁၄ ရက်နေ့က သတင်းထုတ်ပြန်ထားပါတယ်။
ရတနာကမ်းလွန်ဓာတ်ငွေ့နဲ့ အသုံးပြုမောင်းနှင်နေတဲ့ GT စက်တွေဟာ ကမ်းလွန်ပင်လယ်ပြင်မှာ Compressor ၂ လုံးပျက်သွားတာကြောင့် မေလ ၁၄ ရက်နေ့ မနက်ပိုင်းက ရွှေတောင်(၁၅)မဂ္ဂဝပ်၊ အလုံ (၄၂)မဂ္ဂဝပ် ၊ ရွာမ E-Gat (၆၀)မဂ္ဂဝပ် ၊သီလဝါ (၂၅)မဂ္ဂဝပ်နဲ့ ၊လှော်ကား (၃၅)မဂ္ဂဝပ် စက်တွေရပ်တန့်သွားခဲ့ပါတယ်။
အဲ့ဒီစက်တွေရပ်သွားတာကြောင့် မဂ္ဂဝပ် ၂၀၀ လောက်လျော့ကျသွားတာတာအပြင် နောက်ထပ်စက် ၃လုံးက ထုတ်လုပ်နေတဲ့ မဂ္ဂဝပ် ၂၀၀ လောက် ထပ်ပြီးလျော့သွားနိုင်တာကြောင့် စုစုပေါင်း ဓာတ်အားထုတ်လုပ်မှု မဂ္ဂဝပ် ၄၀၀လောက် လျော့နည်းသွားမယ်လို့သိရပါတယ်။ ဒါကြောင့် မေလအစပိုင်းက စတင်ပြီး လျှပ်စစ်မီးအလှည်ကျပေးနေတာအပြင် အရေးပေါ်လျှပ်စစ်ဓါတ်အားဖြတ်တောက်မှုတွေကိုလည်း လုပ်မယ်လို့ ကြေညာထားပါတယ်။